ဟုတ်။ ဆောရီး။
ကျွန်တော့ 'လင့်' တွေက 'ဘလော့ဂ်' ကနေယူထားတာတွေ ဖြစ်ပါတယ်။ 'ဘလော့ဂ်' တွေက ပျက်တတ်တယ်။ ပျက်ရင် အသစ်ရေးရတယ်။
ပျက်သွားတဲ့ 'ဘလော့ဂ်' က 'လင့်' တွေကို ဖတ်လို့မရပါ။ အချိန်ရတိုင်း 'လင့်' အသစ်နဲ့ အစားထိုးပါတယ်။ အစားမထိုးအားသေးတာတွေ ကျန်ဦးမယ်။
မြန်မာလိုရေးတဲ့ 'ဖေ့စ်ဘွတ်' ကလည် ဂွကျတယ်။ အရင်က အဲလို ပျက်သွားတဲ့ 'ဘလော့ဂ် လင့်' ကိုတင်မိရင် ဘယ်နှစ်ရက် ဘယ်နှစ်လ မသုံးရဆိုပြီး ပိတ်ခံရသေးတယ်။ အခု မဟုတ်တော့ပြန်ဘူးထင်တယ်။
ကျွန်တော်ကိုယ်တိုင်လည်း အသစ်တင်မရ၊ အဟောင်းပြင်မရတဲ့ https://doctortintswe.blogspot.com/ 'ဘလော့ဂ်' ကို ပြန်ဖတ်ရပါတယ်။ ဖတ်လို့တော့ ရတယ်။ အဲဒီနေရာက စာတွေကို 'ဘလော့ဂ်' အသစ်မှာ တင်ပါတယ်။
ဒါပေမဲ့ သိလိုတာကို ရှာဖွေနေရာတခုခုမှာ ရှာရင် တွေ့တတ်ပါတယ်။
ရှာဖွေနေရာတွေကလညး ဂွကျတာဘဲ။ ဥပမာ 'ရင်သားကင်ဆာ' လို့ရှာကြည့် မမှန်တာများများနဲ့ မှန်တာနည်းနည်း တွေ့လိမ့်မယ်။ သတ်ပုံစာတွေလည်း အဲလိုဘဲ။ အမှား ၁၀၀ လောက်မှာ အမှန် ၁ ခုလောက်သာတွေ့ရမယ်။
'ဖေါင့်' မမှန်တာကတော့ 'ဇော်ဂျီ' နဲ့ 'ယူနီကုဒ်' ကြောင့်ဖြစ်ပါမယ်။ ကျွန်တော်က 'ဘလော့ဂ်' ပေါ်စကတည်းက 'ဇော်ဂျီဖေါင့်' နဲ့ ရေးပါတယ်။ 'ယူနီကုဒ်' ပေါ်ပြီးနောက် ၂-၃ နှစ်ကြာတော့ စာဖတ်သူတွေကို အားနာလို့ 'ယူနီကုဒ်' လုပ်လိုက်ရတယ်။ အခုထိ 'လက်ပတော့' မှာ 'ဇော်ဂျီ' နဲ့သာ ရေးပါတယ်။ တင်တော့မယ်ဆိုတော့ 'ဖေါင့်ကွန်ဗာတာ' နဲ့ ပြောင်းရတယ်။
နောက်ပေါ် 'အိုင်ဖုန်း' တွေက အော်တို ပြောင်းပေးသတဲ့။ 'အော်တို' ကလည်း ဂွကျတာဘဲ။ အကုန်အမှန်မပေါ်ပါ။ ဥပမာ မနေ့ကတင်တဲ့ မျက်စိစာလုံး ကျွန်တော့ဖုန်းမှာ အမှန်မပေါ်ပါ။
မြန်မာ့ 'ဖေါင့်'နည်းပညာပညာရှင်တွေ ကြိုးစားကြပါလေ။
မြန်မာ့ဖေ့စ်ဘွတ်ပညာရှင်တွေ ရှေ့နောက် ညီပါစေ။ တခါလာတမျိုးလုပ်တာ ပညာ မဟုတ်ပါ။
'ဖက်ဒရယ်ကုဒ်' 'ကွန်ဖက်ဒရေးရှင်းကုဒ်' တွေ ပေါ်လာရင် အဆိုးတွေထပ်တိုးဦးမယ်။
'အေအိုင်' သုံးနိုင်ရင် ကိုယ့်မိဘပုံအတုကို ချိတ်ဆွဲထားကြရမည်။
Grief Tech' Creates AI Version of Dead Parents for You to Ignore
ဒေါက်တာတင့်ဆွေ
Comments
Post a Comment