"ဘာ ဘဲလုပ်လုပ်ရ" သီချင်းကို ကိုမြကြီး ဆိုပါတယ်။ မြတ်လးက ရေးတာ 'ဘာပဲ' မဟုတ်ပါ။
၂။ ဆရာ အဲတာ နဲ့ အဲ့ဒါ ဘယ်အသုံးက မှန်ပါသလည်းခင်ဗျာ
ကဝိဓဇသတ်ပုံ၊ ဦးသာမြတ်သတ်ပုံ၊ မြန်မာအဘိဓာန် အကျဉ်းချုပ် (၁၉၈၀) တွေထဲမှာ အဲဒါ လည်း မတွေ့၊ အဲတာ လည်း မတွေ့ပါ။
မြန်မာစာလုံးပေါင်းသတ်ပုံကျမ်းထဲမှာ မပါသေးတဲ့ စကားလုံးတွေပါ။ အဲတာ နဲ့ အဲဒါ နှစ်ခုလုံးက စကားအရာမှာသာသုံးပါတယ်။
၎င်း၊ ထို၊ အနှီ၊ ဤ၊ ယင်း၊ အဆိုပါ၊ အစားသုံးပါတယ်။ အဲဒီဟာ၊ အဲတာ၊ အဲသည်ဟာ၊ ဒီကောင်၊ ဒီကောင်မ၊ သည်ကောင်၊ သည်ကောင်မလို့ ရေးကြပါတယ်။ 'အဲတာ' က စာဆန်တယ်။ 'အဲဒါ' က စကားပြော။
'အဲ' ဆိုတာ အဲဒီအရာ၊ အဆိုပါ၊ ထိုဟာ၊ ၎င်း၊ ယင်း၊ အနှီ၊ ဤ သဘောဖြစ်တယ်။
'တာ' မှာ အဓိပ္ပါယ်သပ်သပ်ရှိတယ်။ ခုနစ်တောင် = တတာ၊ တာလမ်းလို့ခေါ်တာမျိုး။ သူ့တာ ကိုယ့်တာ။ အဲတာ၊ အဲဒီတာနဲ့ ဆက်စဉ်းစားရင် သင့်မလား။ အဲဒီဟာကို အဲဟာလို့ပြောကြတယ်။ ဟာဆိုတာ မရေတာတခုခု။ တာက သေချာတယ်။
စကားသံနဲ့ စာရေးတာ တထပ်တည်း မကျတာတွေ ရှိတယ်။ သီချင်းတွေ၊ ကဗျာတွေ၊ သံချပ်တွေ၊ ဆောင်ပုဓ်တွေမှာ စံကိုက်သတ်ပုံနဲ့ ကွဲလွဲတာတွေ တွေ့ရတယ်။
'ပန်းသည်' ကဗျာကို သီချင်းသားသင်္ကေတစာရွက်မှာ 'ပန်းသယ်' လို့ ရေးထားတယ်။ ဆရာမင်းသုဝဏ်အမည်နဲ့ ပုံနှိပ်မူရှိပါတယ်။
ဘဝသံသရာသီချင်းစာသားမှာ အဲဒါအဲဒါအဲဒါ ဘဝသံသရာလို့ရေးတာ အသံထွက် ရေးထုံးအရ မှန်တယ်။
ဒါ
ကာလီဒါသ
ဒါနပြုသည်
ဒါယတာ
ဒါယိကာမ
ဒါလီ
ဒါသကျွန်
ဒါနောရက္ခိုသ် တွေသာဖြစ်ပါတယ်။
'ကျွန်တော်' ကို 'ကျတော်'၊ 'ကျနော်' လို့ရေးကြပေမယ့် 'ကျွန်ဒေါ်' နဲ့ 'ကျဒေါ်' လို့မရေးပါ။ 'ဒါ' လို့ သုံးတာ ခက်ထန်မှုရှိတယ်။ မာတယ်။ ဒါတို့ပြည် ဒါတို့မြေ။
'အဲဒါ' လို့ စကားသံထွက်တာကို 'အဲတာ' လို့ရေးတာ မမှားလောက်လို့ ထင်ပါတယ်။
အဲ့ အော့ အဲ ဒါ တာ https://burmese-spelling.blogspot.com/2022/12/blog-post_600.html
ဒေါက်တာတင့်ဆွေ
Comments
Post a Comment