Reading and Writing စကားပြောတာနဲ့ စာရေးတာ

တင်ထားတဲ့စာ = ရခိုင်ကီးဘုတ် မြန်မာကီးဘုတ်

(၁)

ကွန်မင့်တခု = သူတို့က မြန်မာကီးဘုတ်ကိုပဲသုံးပြီး နှုတ်ကထွက်တဲ့လေသံနဲ့ရေးကြတာပါဆရာ။ "လူငယ်တယောက်ဖစ်လို့ ကြိုးစားခွင့်ရရေအချိန်မှာ ဆက်ကြိုးစားဖို့ ခွန်အားတိပီးရေ အမျိုးရို့ကို မီးချေက ကျေးဇူးတင်ရှိပါရေ။ နိန်ရာတခုမှာ သီးခံခြင်း ခွင့်လွှတ်ခြင်း"

ဟုတ်။

ဘယ်ဘာသာစကားမှာဖြစ်ဖြစ် စကားပြောတာနဲ့ စာရေးတာမှာ မတူတတ်တာတချို့ ရှိပါတယ်။ အကိုးအကားတွေ အဆင်သင့်တိုင်း တင်ပြထားပါတယ်။

(၂)

ထမင်းစားပီးပီလား။ ထမင်းစားပြီးပြီလား။ ဘယ်ဟာအမှန်ပါလည်း။ ဆရာ။

မြန်မာစာစစ်စစ်မှာ ခေတ်စမ်းစာပေနောက်မှာ စကားပြောသလိုစာရေးနည်း ပေါ်လာပါတယ်။၁၉၃၀ ခုနှစ်ဝန်းကျင်မှာ ပေါ်ပေါက်တယ်။ ဖတ်ရတာ ပိုပြီး အဆင်ပြေတယ်လို့ မှတ်ချက်တွေရှိတယ်။

ဒါပေမဲ့ -

စကားပြောသလိုစာရေးနည်းကို အသုံးချသူတွေရေးတာထဲမှာ အဆင်မပြေတာတချို့လည်း တွေ့ရတယ်။

စကားပြောတဲ့အခါ "စားပီးဘီလား" လို့ အသံထွက်ပါတယ်။

စားပီးပီလား (မှား)

စားပြီးပြီလား (မှန်)

စားပီးပီ (မှား)

စားပြီးပြီ (မှန်)

အပီးသတ် (မှား)

အပြီးသတ် (မှန်)

အထင်ကရစာရေးဆရာတချို့ကပါ 'ပြီး 'ကို 'ပီး' လို့ရေးကြတယ်။ ကျွန်တော်က တယ်တော့ သဘောမကျပါ။

အရေး - အသံထွက်

မြန်မာအဘိဓာန် အကျဉ်းချုပ် (၁၉၇၉)

ပြီး - ပျီး

ပြီးစလွယ် - ပျီးဇလွယ်

ပြီးစီး - ပျီးဇီး

ပြီးဆုံး - ပျီးဆုန်း

ပြီးငြိမ်း - ပျီးညိန်း

ပြီးပြည့်စုံ - ပျီးပျိဇုန်

ပြီးပြတ် - ပျီးပျက်

ပြီးဆေး - ပျီးဇေး

ပြီးပြေ - ပျီးပျေ

ပြီးမြောက် - ပျီးမျောက်

ဒုတ်ပီး ဓားပီး သေနတ်ပီး ဗုံးအမြှောက်ပီး လက်နက်အမျိုးမျိုးပီးတဲ့ ကာယသိဒ္ဓိဂါထာတော်

မြန်မာအဘိဓာန် အကျဉ်းချုပ် (၁၉၇၉)

ပြီး

(စည်း)

ပြုလုပ် ဖြစ်ပျက်ခြင်း ထမြောက်ကျော်လွန်ခဲ့သည်ကို ထင်ရှားစေသော စကားလုံး။

(ကြိယာ)

တစုံတရာ ဆောင်ရွက်မှု ကျေကုန်ပြတ်စဲသည်။ ရန်မီး၏ အရေးတော် ပြီးပါစိမ့်မည်ဘုရား။

သိဒ္ဓိတန်ခိုး ပြည့်စုံသည်။ ခံနိုင်ရည်အစွမ်းရှိထားရင်း ဖြစ်သည်။ (ဓားပြီး၊ တုတ်ပြီး၊ သေနတ်ပြီး စသည် အသုံးရှိသည်။)

အရာဝတ္ထုတမျိုးတည်းနှင့် လုပ်ထားသည်။ ရွှေနှင့် ပြီးသော ပြသာဒ်။

ကဝိဓဇသတ်ပုံကျမ်း

ပြီး

ပြီးစီးသည်၊

ပြီးဆုံးသည်၊ 

ပြီးပါပြီ၊

ပြီးငြိမ်း၊

ပြီးပြတ်၊

ပြီးမြောက်၊ 

ဓါးလှံသေနပ်ပြီးသည်၊ (သေနပ်လို့ ရေးတယ်။)

ရှိန်းဆာယာပြီးသည်၊

အပြီးအစီး၊ 

အပြီးတိုင်အောင်၊ 

ပြီးပြီးပျောက်ပျောက်၊

ထိုသို့တပြီးကား၊

မပြီးမခြင်း၊ 

ပြီးအောင်လုပ်၊

ပြီးခိုင် (ပြည့်စုံသည်)၊

ကဝိဓဇသတ်ပုံကျမ်းမှာလည်း ပ၊ ပါ၊ ပါး၊ ပိ၊ ပီ နောက်မှာ ပီး မလာတော့ဘဲ ပု လာတယ်။ အဲဒါကြောင့် ပီး အသုံးဟာ စံကိုက်မဟုတ်ပါ။ စကားပြောသလိုဆိုရင်လည်း မပီးမချင်းလို့ ပြောတာက စကားသံ မပီသ၊ မပြီးမချင်းလို့သာ ရေးရတယ်။ ရုပ်ရှင်ပီးဘီလို့ ပြောတယ်။ ပြီးပြီလို့သာ ရေးရတယ်။ ထမင်းစားပီဘီလို့ စကားသံထွက်ပါတယ်။ စားပီပြီဆိုတာ ကပြား။ စကားပြောသလို စားရေးနည်းရဲ့ အားနည်းချက်တခု ဖြစ်တယ်။

ပီ

ပီလောပင်၊ ပလောပီနံ၊ ပီသသည်၊ ပီပီသသ၊ ပီပြင်သည်၊ ပီပီပြင်ပြင်၊ ယောက်ျားပီသသည်၊ မိန်းမပီပီ။ 

ပြီ

တန်ပြီ၊ တော်ပြီ၊ တတ်ပြီ၊ မှန်ပြီ၊ ဟုတ်လှပြီ၊ မွဲး (မွဲ) ပြီ၊ ချမ်းသာပြီ၊ များလေပြီ၊ အချိန်သင့်ပြီ၊ ပြီးပါပြီ၊ ကောင်းပြီ၊ သွားလေပြီ၊ စကားပြီပြီသသ။

ပြီး

ပြီးစီးသည်၊ ပြီးဆုံးသည်၊ ပြီးပါပြီ၊ ပြီးငြိမ်း၊ ပြီးပြတ်၊ ပြီးမြောက်၊ ဓါးလှံသေနပ် (သေနတ်) ပြီးသည်၊ အပြီးအစီး၊ အပြီးတိုင်အောင်၊ ပြီးပြီးပျောက်ပျောက်၊ ထိုသို့တပြီးကား၊ မပြီးမခြင်း၊ ပြီးအောင်လုပ်၊ ပြီးပြည့်စုံသည်။

ငယ်ကတည်းက ရုပ်ရှင်တွေ အဆုံးမှာ ပြီးပါပြီစာတမ်းထိုးပါတယ်။ 

သီချင်းဆိုရာမှာလည်း စကားသံနဲ့ မဆိုရပါ။ သီချင်းစားကိုတော့ စာလိုရေးပါတယ်။ တချို့သီချင်းစာသားတွေ စကားသံနဲ့ရေးတာလည်း ရှိတယ်။ ဥပမာ ပန်းသည် - ပန်းသယ်။

Relationship Between Reading and Writing | English Skills | English EFL

ဒေါက်တာတင့်ဆွေ