မိုးစဲလင်းပွင့်ကောင်းကင်မှာ
ဟာ လှလိုက်တဲ့ သက်တံကြီးတစင်း
စီးဆင်းနေတာတွေ့တယ်။
ရုတ်တရက်ပဲ
ငါ… ကြေကွဲခဲ့ရပေါ့
ဘ၀ဆိုတာ သက်တံလိုပါလား။
ရှိတော့ရှိပါရဲ့
ဒါပေမဲ့ အရှိမဲ့။ ။ (ထူးအိမ်သင်)
သက်တံ (အသံထွက် သက်တန့်)
နေရောင်ထိုးရာနှင့် ဆန့်ကျင်ဘက်အရပ် ကောင်းကင်တွင် ဖြစ်ပေါ်တတ်သော ခရမ်း၊ မဲနယ်၊ အပြာ၊ အစိမ်း၊ အဝါ၊ လိမ္မော်။ အနီဟု ရောင်စဉ် ခုနစ်မျိုးရှိသော စက်ဝိုင်းခြမ်းအခုံး။ (သက်တင်စို့ ဟူ၍လည်း ခေါ်ကြသည်။)
သက်တံ = ပြည်တည်နာတမျိုး။
သက်တံရောင် = ခရမ်း၊ မဲနယ်၊ အပြာ၊ အစိမ်း၊ အဝါ၊ လိမ္မော်။ အနီ အစဉ်လိုက်ရှိသောအရောင်။
ဒေါက်တာတင့်ဆွေ
Comments
Post a Comment