ဟောဒီခင်ကွယ် အပန်းပြေသောက်ရအောင် ဝါးကျည်တောက်မယ် အနည်မပါရစေဘူး

ကွန်မင့်တခု = ဝါးကျည်တောက်ကို ရှေ့က ပိုက်ဆံစုဘူး အဖြစ်အသုံးပြုကြသည်။ တောထဲမှာ ဆန်ထည့်၍ ထမင်းချက်ကြသည်။ ဟင်းလည်းချက်ကြသည်။ ဝါးကျည်တောက်ထမင်း ဝါးကျည်တောက်ဟင်း။ သောက်ရေလည်းထည့်ကြသည်။ ကောက်ညှင်းဆန်ထည့်၍ မီးဖုတ်ကြသည်။ ထို့ကြောင့် ကောက်ညှင်းကျည်တောက် ဟုခေါ်ကြသည်။ ကျည်တောက်ပြုလုပ်ရာတွင် တင်းဝါးအမျိုးအစားအသုံးပြုကြပါသည်။ အခေါင်းကျယ်ပြီး အဆစ်ကျဲသောကြောင့် အဆင်ပြေပါသည်။ တင်းဝါးဖြင့်ပေါင်းသောကြောင့် ပေါင်းတင်းဝါး၊ ပေါင်းတင်းကျည်တောက် ခေါ်ဆိုခြင်းဟုယူဆပါသည်။ မည်သို့ဆိုစေကာမူ ကောက်ညှင်းဆန်ကိုရေဆေးပြီး ဝါးထဲထည့်မီးဖုတ်ကြခြင်းမှာ အတူတူပင်ဖြစ်ပါသည်။ အချို့ပြုတ်ကြသည်။

ဟုတ်။

ကျွန်တော် ပဌမဆုံးအကြိမ် ဝါးကျည်တောက်နဲ့ ချဉ်ရည်ဟင်းကို ၁၉၉၀ ခုနှစ်အကုန် တိုင်းပြည်ကနေထွက်ပြေးစဉ်က ခရစ်စမတ်အကြိုနေ့မှာ တဘက်နိုင်ငံ မီဇိုရမ်ပြည်နယ်။ စိုင်ဟားမြိုု့မှာ သောက်ရဘူးပါသည်။ ဝက်သားပြုတ်အတုံးတွေ ဒူးလောက်ပေါင်လောက်၊ ဂျင်းငရုတ်သီးထောင်းနဲ့ အဝစားကြရသည်။ ကောင်းပါသည်။ ကျေးဇူး။

"မြိုင်ဟေမဝန် မြိုင်ထ"

(တောမြိုင်လယ် မဟီယံတဝိုက်မှာလကွယ်၊ မမောနိုင်တယ်၊ အမီအမြန်လိုက်ရှာတဲ့မယ်၊ ချောမေခိုင်ရယ်၊ ပြည်တော်ပြန်လမ်း နွမ်းရော့မယ်။)၂

(တောင် တောင်ခြေ ဂမုန်းငယ်တို့ ခြောက်နှုန်းပြည့် ကေသီရယ်)၃ 

(ကျေးငှက်သံ ပလီတယ်)၂ 

တီတီတာ နော့တယ်ကိုး ညှိုးပါနဲ့မယ်

(မညှိုးလေးလေ့ မညှိုးတဲ့နိုင်အောင်ကွယ်)၂ 

ဖိုးရွှေခေါင် ဖိုးရွှေခေါင် ငှက်ငယ်ကရယ်၊ မလေးကို (မြည်ကာချော့တယ်၊)၂ 

ရီပါတော့ကွယ်၊ မြည်ကာချော့တယ်လေး

ဟိုး တောင်ခြေစခန်းမှာလ ဗျာ

(စမ်းရေအေးအိုင်ထင့် ကြည်လင်တယ်)၂

(ဟောဒီခင်ကွယ်)၂ အပန်းပြေသောက်ရအောင် ဝါးကျည်တောက်မယ် အနည်မပါရစေဘူး။ ဖယ်ဖျောက်ကာ မောင်ယူဖို့ သွားပါ့မယ်

အို ခင်ရဲ့ မျက်ထားသုန် မှုန်ပါနဲ့ကွယ်

(စုံကန္တာနေပူခရီး ဘယ်ထီးမှ မပါပါတယ်) ၂

(မြိုင်ကြီးက စလူရွက်ကိုကွယ် ခြူလက်ဝယ်ကိုင်ချိုး) ၄ 

နေများခ ပျို့အသားညိုမယ် အလိုကွယ် အနားကို တိုးလို့သာ မိုး။

မြိုင်ဟေမဝန် မြိုင်ထ (ဆို- ကိုအံ့ကြီး၊ တီး- စိန်ဘမောင်) https://www.youtube.com/watch?v=zY6oh5vimkg

Bamboo Water Bottles Stock Photo 1081002281 | Shutterstock

ဒေါက်တာတင့်ဆွေ