Silver Lining ငွေရောင် အနားများ

၁။ ကျွန်မဘဝကတော့ ဖြစ်ချင်တာကို ရွေးခွင့်မရှိဖြစ် သင့်တာဘဲ ရွေးခဲ့ရပါတယ်။

၂။ ကျွန်မက ပညာအရမ်းတတ်ချင်တာပါ။ ဘဝမှာ အချိန်ကာလနဲ့ ဦးစားပေးမှုကြောင့် အခု ကျွန်မ ပညာမတတ်ခဲ့ရတော့ အရမ်းအသက်မရှုနိုင်တော့အောင် ပင်ပန်းနေပြီ။ မောင်နှမတွေကို ထမင်းငတ်မှာစိုးလို့ ၁၆နှစ်သမီး အဖေသေတော့ အကြီးဆုံးသမီးက ရရာအလုပ်ဝင်လုပ်ကျွေးရတော့ အခု ကျွန်မ ပညာမတတ်၊ ဥစ္စာမရှိတော့ ကျွန်မ ကလေးလေးတွေပါ ဆင်းရဲနေတယ်။ ခွင့်လွှတ်ပါဆရာ။

လွန်ခဲ့တဲ့ နှစ် ၂၀ လောက်က ကျွန်တော် အိန္ဒိယကနေ ထိုင်းနိုင်ငံကို နိုင်ငံရေးအစည်းအဝေးတခု သွားတက်ရတယ်။ ပါတီအစည်းအဝေးပါ။ ကျွန်တော်တို့ပါတီဟာ ၁၉၈၈ အရေးအခင်းကြီးကနေ ပေါက်ဖွားလာတာမှန်သလို ပါဝင်တဲ့ လူအမျိုးအစားပါ တူတယ်။ လူမျိုးစုံတယ်။ လူမျိုးဆိုတာ ပညာရည်၊ အတွေ့အကြုံနဲ့ အသက်အရွယ်ကိုပြောတာပါ။ လူငယ်တယောက်က ပညာခံနည်းပုံရတယ်။ အားငယ်စိတ်နဲ့ ပြောပါတယ်။

လူဆိုတာ တခုခုမှာ အားနည်းနေရင် တခြားတခုခုမှာ အားသာတာရှိနိုင်တယ်။ ဘယ်သူမှ ဥဿုံပြည့်ဝတာမရှိဘူး။ 

မျက်မြင်တယောက် ညအချိန် အိမ်လည်ထွက်တာ မီးပုံးဆွဲသွားတာ ရေးထားတယ်။ မျက်စိမြင်သူတွေက သူ့ကို ဝင်တိုက်မှာစိုးလို့တဲ့။ သူကတော့ မမြင်ပေမဲ့ သွားနေကျလမ်း အကုန်သိတယ်တဲ့။

ဆိုစကားတခုက တိမ်တိုင်းမှာ ငွေရောင်အနားရှိ၏တဲ့။ အမှန်က အီဒီယမ်သုံးဖြစ်ပါတယ်။ ၁၆၃၄ ခုနှစ်မှာ ဂျွန်မစ်လ်န် ကနေ စသုံးပါသတဲ့။ အခက်အခဲတွေကြုံနေရလည်း စိတ်မပျက်နဲ့။ တောက်ပချိန် ရောက်လာမယ်တဲ့။

ပညာနည်းသူတွေက ပညာတတ်သူတွေထက် စီးပွါးရှာတာ တော်နိုင်တယ်။ စိတ်နေစိတ်ထားကောင်းနိုင်တယ်။ ရုပ်ရေ ချောမောနိုင်တယ်။ ပညာတတ်သူ ကောက်ကျစ်စဉ်းလဲတာက ပိုဆိုးလို့ ပြောစကားရှိတယ်။

အားပေးစကားအဖြစ် ရေးတာတော့ မဟုတ်ပါ။ နေရာတကာညံ့ပြီး ကောင်းကွက်ရှာမရသူတွေလည်းရှိတယ်။ အရည်အချင်းတွေ အတော်များများ ပြည့်ဝသူလည်းရှိတယ်။ ပြည့်စုံဆိုတာတော့ မမှန်နိုင်ပါ။

ဘာလို့ ကွာကြသလဲ။ ဝေါဟာရတွေနောက်တော့ မလိုက်ပါနဲ့။ လေ့လာသင်ယူခွင့်၊ အကျိုးပေး၊ ပါရမီ၊ မျိုးဗီဇနဲ့ ကုသိုလ်ကံ။

Does every cloud really have a silver lining? | A Lust For Life - Irish Mental Health Charity in Ireland

ဒေါက်တာတင့်ဆွေ

၁၇-၁-၂၀၁၈