ကိုတံငါ လှေယာဉ်စီးပါလို့ ပိုက်ကြီးနဲ့ ရေချလာ

မေးခွန်းတခု = တငါနဲ့ တံငါ ဘယ်ဟာအမှန်လဲ

ပြန်စာ

(၁)

တံငါ = ငါးဖမ်းခြင်းဖြင့်အသက်မွေးသူ။

တံငါနားနီး တံငါ၊ မုဆိုးနားနီး မုဆိုး

တံငါကွန်တိုင် 

တံငါတာရာ

မျောက်တံငါများကို အရှေ့တောင်အာရှတွင် တွေ့ရလေ့ ရှိသည်။

(၂)

တပေါင်းလဘွဲ့ (ဦးကြင်ဥ)

သြော်… ဂိမှာန်အတာ ချိန်အခါကို

စိန်ကြာညောင်လွ ရောင်ကြိုးကြွမှာ

အလှငယ် ထူးချွန်

သုံးရွေ့မှူး ကြော့ကြူးလွန်တို့

လွမ်းဝှန်ငယ် ရှည်ပြန့်

ဆည် မတန့်အောင်

ငွေနားပန့်ရှင် တောင်မီးခင်လည်း

မနှင်ထွန်တိုက် ချွန်စူးငယ်စိုက်လို့

အလိုက်ကယ် စာရေ

စဉ်ဆက်မျိုးလာ ကြက်ရိုးစာနှင့်

ဘာသာငယ် ပွေသည်

ခေါင်ရေပျော်ပွဲ ဖွဲ့ကြတယ်။   ။

တံငါလောင်းလှေ

တပုံတသီး ဒေါင်ဒင်တီးလို့

ယဉ်စီးငယ် တွေသည်

ကြည်ရေညိုလဲ့ စိမ်းမြတယ်။   ။

ပြဘင်္ကရု

ဖန်နေနန်းလဲ ပြင်ခန်းလုမို့

ဖဂ္ဂုမာသံ လအဖန်ကို

ဘယ်ဉာဏ်ပိုင်ရှင်

မလွမ်းအောင် ဆင်ပါ့မယ်။   ။

(၃)

ယမုန္နာ ပတ်ပျိုး 

ယမုန်နာ သီတာသောင်ခြေဦးမှာလလေ သနားဖွယ် လူနှယ်ခေါ်သံထူးလို့လေး ကြည်နူးဖွယ့် မယ့်တကိုယ် ရွှေဟင်္သာ မောင်နှံငှက်ကယ်တို့ ကြင်ဖေါ်မှာ ကြင်ဖေါ်ဘက်ကယ်နှင့် တူပျော်ပျော် ဘယ်ခါမှစက်ရပါ့ လည်ယှက်ကာ သူတို့လို 

မဖိုခေါ်သံ လူ့နှယ်သူ့ဟန် ဖေါ်ကွာသူဆွေးစေဘိ်ု့ဖန် သဲတဲ့သဲငွေလျှံ ဝဲတဲ့ဝဲကာပျံ 

အို ငကြင်းတွေဆန် ငတန်တွေ သောင်ရေစီးမှာလ ကိုတံငါ လှေယာဉ်စီးပါလို့ ပိုက်ကြီးနဲ့ ရေချလာ 

ဒေါင်ဒင်သံ သာသာနှင့် တံငါလှေလောင်းဆင်း 

အို နဒီတွင်းမှာလ နှင်းငွေ့ဆော် ချမ်းလို့တုန် မလုံကွေးတယ် ကိုယ်ရေးကြုံတော့နော် 

တပေါင်းတန်ခူး မိုးသားကျူး လေရူးဆော်လာပုံ 

နဒီတွင်းမှာလ ပိုက်တွင်းမှာသူတို့ခုန် 

လွမ်းလေ ပူပုံပွါးပါလို့ အားကကုန် 

သောင်ယံမှာ မောင်နှံငှက်ကယ်တို့ လည်ချင်းယှက်ပါလို့ နွှဲကာပျော်စံ ဆွေးစေဘို့ဖန် ကြင်ဖေါ်ကွဲသူထင့် ဝဲကာပျံတယ် သည်သောင်ယံက မခွါရက်တယ် ကြံခက်လို့ပန်း 

ရစ်သန်းငယ်ကာ ယမုန်နာ ငွေသောင်ခုံက လွမ်းပုံကို ဖြေမရွှင်ဘု ပွေအင်ပူမီး 

ငွေနှင်းငယ်မှုန် လေညင်းတသုန်သုန်နှင့် ရေဆင်းကာ ဂယက်ဝိုင်းငယ် လှိုင်းထလို့စီး။   ။

ယမုန္နာပတ်ပျိုး တီး - ဂီတလုလင်မောင်ကိုကို၊ ဆို - တင်တင်မြ https://www.youtube.com/watch?v=46Frdqfn0yM

ယမုန္နာ သီတာသောင်ခြေဘွဲ့ ပတ်ပျိုး - ရီရီသန့် https://www.youtube.com/watch?v=OfqL9W0p-Uo

ဒေါက်တာတင့်ဆွေ