တို့စာ တို့စကား တို့တိုင်းပြည်

(ဝတ္ထုတိုများ) ရေးသူ။ ။မင်းကျော် လူ၏ ယုတ်မာမှု၊ ရိုင်းစိုင်းမှု၊ အကြင်နာမဲ့မှု၊ မေတ္တာစိတ် ကရုဏာစိတ် ခေါင်းပါးခန်းခြောက်မှုဖြင့် နိုင်ငံ့ထက်ကလူ ပြုမှုများကို ခါးခါးသီးသီး ဖတ်ရမည်။ လူက လူအပေါ် ထားရှိသော စက်ဆုပ်ဘွယ်၊ ရွံရှာဘွယ်၊ နှလုံးနာဘွယ် အပြုအမူ အဖြစ်အပျက်များကို အဆစ်လိုက်၊ အကန့်လိုက်၊ အပိုင်းလိုက်၊ အခန်းလိုက် ရေးခဲ့သမျှမှ ထုတ်နုတ်ချက်များ။ (ဗျူရိုငှင်းသေးဖြင့် ထူထူထဲထဲ ၃-ကျပ်တန်မရှိရမည်။ အတွင်းတွင် သရုပ်ဖော်ပုံ များစွာ ပါမည်။ သို့ရာတွင် ၂-ကျပ်သာ။) အပြည်ပြည်ဆိုင်ရာ ဘောလုံးပွဲများမှတ်တမ်း ပြုစုသူ။ ။မောင်ရဲဝင်း (ကြေးမုံ) ဤစာအုပ်တွင် အပိုင်းသုံးပိုင်းပါရှိမည်။ ပထမပိုင်းတွင် မြန်မာနှင့် ကမ္ဘာ့ ဘောလုံးလောက၏ အံ့ဩဘွယ်၊ မယုံကြည်နိုင်ဘွယ်၊ စိတ်ဝင်စားဘွယ်နှင့်မြုပ်နေသော အထွေထွေအဖြစ်အပျက်များ။ ဒုတိယပိုင်းတွင် တိုင်းနှင့်ပြည်နယ် ဘောလုံးပွဲများ၏ ရာဇဝင်နှင့် ဝေဖန်ချက်၊ သုံးသပ်ချက်မှတ်တမ်း။ တတိယပိုင်းမှာကား ဘောလုံးပညာနှင့်စပ်လျဉ်း၍ မြန်မာနည်းပြဆရာများနှင့် မြန်မာနိုင်ငံမှ နာမည်ကျော် ယခင်ဘောလုံးဂန္ထဝင်နည်းပြဆရာတို့၏ပညာ။ တော်လှန်ရေးသမား မြန်မာပြန်။ ။တင်ထွေး (INQUILAB by K. A. Abbas) မိမိတို့၏ အသက်ကို...

• ကမ္ဘာပေါ်တွင် ဂန္ထဝင်အမြောက်ဆုံး • ကမ္ဘာပေါ်တွင် အကောင်းဆုံး • ကမ္ဘာပေါ်တွင် အကျော်ကြားဆုံး } ဝတ္ထုကြီး • ကမ္ဘာပေါ်တွင် ရသအမြောက်ဆုံး • ကမ္ဘာပေါ်တွင် အရှည်လျားဆုံး • စစ်ကို ကြောက်ခမန်းလိလိဖြစ်အောင် ရေးသားမှုတွင် သရုပ်အပေါ်ဆုံးဟူ၍၎င်း- • ငြိမ်းချမ်းရေးကို မြတ်နိုးစရာအကောင်းဆုံးဖြစ်အောင်ရေးသားမှုတွင် အထိရောက်ဆုံးဟူ၍၎င်း- • ဤလိုဝတ္ထုမျိုး ယခင်ကမပေါ်ဘူးခဲ့၊ နောင်လည်းပေါ်ပေါက်လိမ့်မည်ဟူ၍မပြောနိုင်ဟု ကမ္ဘာကျော်စာရေးဆရာကြီး ဆမ္မားဆက်မွန်ကပင် ထုတ်ဖော်ချီးကျူးခဲ့ရသည့်- စစ်နှင့်ငြိမ်းချမ်းရေး (WAR AND PEACE - LEO TOLSTOY) ထိုအကောင်းဆုံးနှင့် အရှည်လျားဆုံး ဝတ္ထုကြီးကို ပုဂံစာအုပ်တိုက် က တလလျှင် တတွဲ (၃) ကျပ်၊ ၁၂-လ၊ ၁၂-တွဲ ခွဲ၍ထုတ်မည်။ လီယိုတော်လ်စတွိုင်း၏ ကမ္ဘာကျော်ဝတ္ထုကြီးကို မြသန်းတင့် မြန်မာဘာသာသို့ လုံးစေ့ပတ်စေ့ ပြန်ဆိုသည်။ • မြသန်းတင့်၏ ခန့်ထည်ညက်ညောသော မြန်မာပြန်ဆိုချက်။ • ပန်းချီဆရာပေါင်းစုံတို့၏ 'စစ်' သရုပ်နှင့် 'ငြိမ်းချမ်းရေး' သဘောကို သူတို့မြင်သော ရှုထောင့်မှနေ၍ တလလျှင် တမျိုး-မူမတူသော ကြည့်မြင် သုံးသပ်ချက် ပန်းချီကားချပ်များ။ • ပုဂံစာအုပ်တိုက်၏...

ရာဇဝင် နန်းတွင်း-ဝတ္ထုကြီး ရာဇဝင်ဝတ္ထုရေး-ဆရာကြီး “ရွှေစကြာ” ရေးသည်။ စာမျက်နှာ ၄၆ မွေးကြူပြီး သလွန်တော်ထက်မှ နှစ်ယောက်သား ဆင်းသက်လျက် မတ်တတ်ရပ်ရင်း မိဖုရား၏ ခါးကို မြှောက်ခဲနေသော်လည်း တချက်မျှ နှုတ်ဆက်ဖက်-ဖက်၍ စက်လဲတော်များလဲသာ နန်းတော်ကြီးသို့ ထွက်သွားလေ၏။ (မြောက်သားတော်ဆိုသည်ကား... ကြင်ယာတော်ကို ခေါ်၏။ ရာဇဝင်ထဲ း သုံးနန်းသုံးစကားအစစ်မှာ 'မြောက်သားတော်' ဟု ခေါ်၏။ ကြင်ယာတော် ဆိုသည်ကား ထား း သုံးနန်းသုံး မဟုတ်၊ ပွဲထဲက ဇာတ်စကားမျှ ဖြစ်၏။) x x x အခန်း-၃ အဆိုင်ဆိုင်နှင့် အဆိုင်ဆိုင်ပွင့်၍ တလှိုင်လှိုင် သင်းပျံ့သော ပန်းပင်များအကြားမှ ကြားကြားဝင့်ဝင့် မားမားအင့်ကာ နေချင်ဘွယ် တင့်တယ်ခန့်နား ဆန်းပြားသော အသုံးအဆောင် ပရိဘောဂတို့ဖြင့် ပြည့်နှက်နေသော ဤအဆောင်တော်သည်ကား ဘုရင့်နောင်မင်းတရားကြီး သို့တော်ချစ် ယခုရွှေနန်းရှင် ၅၄၈ း တူ အစပြုကတည်းက ချစ်မတော်ဖြစ်သော “ရာဇဓာတုကလျာ” စုဖုရား၏ အဆောင်တော် ဖြစ်လေ၏။ စုဖုရားအဆောင်တော်မှာ ဘုရင်မင်းမြတ် စံနေတော်မူရာ မှန်နန်းဆောင်နှင့် တတန်းစား ဖြစ်လေ၏။ ထင်ရှားအောင် ဖော်ပြရသော် ကမ္ဗောဇသာဒီ နန်းတော်ကြီး အတွင်းရှိ ဘုရင်မင်းမြတ် အမြဲစံနေရာ မှန်နန်းဆောင်တော်ကြီးရှ...

ပုံထဲပါလှေဟာ အရှေ့အရပ် ခေါ် နေထွက်ရာအရပ်ဆီ သွားနေတာဆိုရင်တော့ အရှေ့လို့သုံးချင် သုံးနိုင်တယ်။ တကယ်လို့ လှေက ရှေ့ရောက်အောင် (နောက်ပြန်မဟုတ်၊ သွားလိုတဲ့အရပ်) ဆီ ဦးတည် သွားနေတတာမှန်ရင်တော့ ရှေ့ရောက်အောင်လို့ ရေးရပါမယ်။ မင့်ဟာက ရှေ့ကိုမရောက်တော့ဘူး။ ငါ့ရှေ့က မကွယ်နဲ့။ ရှေ့လျှောက် စာကြိုးစာမယ်။ အရှေ့ဘက်အိမ်က သဘောကောင်းတယ်။ အရှေ့တိုင်းနိုင်ငံတွေနဲ့ အနောက်နိုင်ငံတွေ မတူပါ။ အရှေ့က နေဝန်းထွက်သည့်ပမာ (သိန်းဖေမြင့်) “ရှေးသရောခါ၊ ပြည်ဗာရာဝယ်၊ ကုဋေကြွယ်သား၊ သူဌေးအားလျှင်၊ သားတယောက်ဖြစ်၊ ချစ်၍တစေ။ အိမ်မှာနေ၍၊ စာပေမကျ၊ မိဘစုတေ့၊ ခန္ဓာရွေ့သော်၊ အရှေ့အနောက်၊ တောင်မြောက်ဘယ်မှာ၊ မသိပါငြား၊ သူဌေးသားသည်၊ သိုထားမတတ်၊ အရပ်ရပ်၌၊ နှံအပ်ဥစ္စာ၊ ရှိသည်ငှာကို၊ များစွာကျွန်ပေါင်း၊ မကောင်းခိုးသူ၊ ယူ၍ပြေးရှောင်၊ အိမ်ကိုရောင်း၍၊ ထောင်းထောင်းကြေလျက်၊ ခွက်လက်စွဲကာ၊ တောင်းစားပါလည်း၊ နင်သာလူမိုက်၊ ဒုစရိုက်ဟု၊ ရိုက်ပုတ်လိုက်ကြ၊ ရွာမှထွက်လေ၊ တောမှာသေသည်၊ ကောင်သေလင်းတ ကျ၏တည်း” ဒေါက်တာတင့်ဆွေ

• သင်ဖြစ်စေ ကျွန်ုပ်ဖြစ်စေ မရှိတော့သည့် တလခန့်အကြာတွင်၊ ဤလောကကြီးသည် တိတ်ဆိတ်စွာဖြင့် မလွဲမသွေ ဆက်လက်လည်ပတ်နေပါလိမ့်မည်။ • သင်ဖြစ်စေ ကျွန်ုပ်ဖြစ်စေ မရှိတော့သည့် လစ်ဟာမှုကို လူအနည်းငယ်ကသာ သူတို့၏ နှလုံးသားထဲတွင် သတိတရ ရှိနေကြမည်ဖြစ်ပါသည်။ • ခါးသီးသော်လည်း လွတ်မြောက်မှု ပေးနိုင်သည့်အရာမှာ— အခြားသူများ၏ အထင်အမြင်၊ အပြောအဆိုများအတွက် ရှင်သန်နေရခြင်းကို ရပ်တန့်လိုက်ပါ။ • မိမိအတွက် အမှန်တကယ် အရေးပါသည့်အရာကိုသာ လုပ်ဆောင်ပါ။ • မိမိကိုယ်ကိုယ် အလေးအနက် ချစ်မြတ်နိုးပါ။ • ဤလောကကြီးသည် မည်သူ့အတွက်မျှ ရပ်တန့်မနေပါ။ • ထို့ကြောင့် ဤလောကကြီးအတွက်နှင့် မိမိဘဝကို ရပ်တန့်မထားပါနှင့်။ ဒေါက်တာတင့်ဆွေ

မိမိခံတွင်းကို “မြိန်” (အရသာရှိသည်ဟု ခံစားရစေသော) စားဖွယ်ဟာ မိမိအတွက် “ဟင်းကောင်း” ဖြစ်တယ်လို့ ဆိုလိုပါတယ်။ လူတဦးစီ၏ အကြိုက်နဲ့ ခံတွင်းအရသာ မတူညီနိုင်ပါ။ ကိုယ်နှစ်သက်တဲ့ အစားအစာဟာ ကိုယ့်အတွက် အကောင်းဆုံးဖြစ်ပါတယ်။ ကိုယ့်အမေက ငယ်စဉ်မှာ ချက်ကျွေးတာမျိုး၊ ဟင်းစပ်တည့်တာမျိုး၊ တောင့်တနေချိန်မှာ စားချင်တာ စားရတာရတာမျိုး စတာတွေ။ ဟင်းတွေ ကောင်းနေတိုင်းလည်း မြိန်တာတော့ မဟုတ်ပါ။ "ခင်ရာဆွေမျိုး”  ခင်ရာဆွေမျိုးဆိုတာ ဆွေမျိုးအစစ်အမှန် မတော်စပ်ပေမဲ့ ကိုယ်နဲ့အလွန်ခင်မင်ရင်းနှီးတဲ့သူဟာ ကိုယ့်အတွက် ဆွေမျိုးတဦးလို အရေးပါတယ်လို့ဆိုလိုပါတယ်။ "ကျွန်တော်က ပြန်အားနာတာပါဗျာ၊ မြိန်ရာ ဟင်းကောင်း၊ ခင်ရာ ဆွေမျိုးပေါ့၊"  ခင်မင်ရင်းနှီးမှုရဲ့ တန်ဖိုးနဲ့ ဆွေမျိုးရေးထက်ပင် ခိုင်မြဲနိုင်ပုံကို ဖော်ပြတာဖြစ်တယ်။  ဆွေမျိုးတွေဟာ သွေးသားတော်စပ် ဆက်နွယ်နေပြီး၊ ခင်မင်ရင်းနှီးမှုကတော့ နှစ်ဦးနှစ်ဖက် ယုံကြည်မှု၊ လေးစားမှုနဲ့ နားလည်မှုအပေါ်မှာ အခြေခံတယ်။  မြန်မာစကားပုံတွေထဲမှာပျော်ရာ နိဗ္ဗာန်ဆိုတဲ့ ဝေါဟာရလည်း ရှိသေးတယ်။ ပုံအတွက် ကျေးဇူး။ ဒေါက်တာတင့်ဆွေ

တက္ကသိုလ်မောင်မောင်ကြီး အမျိုးသားမြန်မာစာ စာပေဆောင်းပါးများ စာမျက်နှာ (၁) “ဆရာ ကျမ ခြင်းခတ်သင်နေတယ်” ဟူသော အသံကို ကြား၍ ကြည့်လိုက်ရာ ဘောင်းဘီတို အဖြူနှင့် အမျိုးသမီး တဦး ခြင်းလုံးနှင့် ဆော့နေသည်ကို ကျွန်တော် မြင်ပါသည်။ သူ့ကိုယ်လုံး ကိုယ်ထည်မှာ ဝဝတုတ်တုတ် ဖြစ်သောကြောင့် ဘောင်းဘီတိုနှင့် အဆင်မပြေပါ။ ထို့ထက် ထူး၍ ခြင်းလုံးနှင့် ဆော့နေသောကြောင့် ဝဝတုတ်တုတ် ကလေးဆိုးကြီးတဦး သမ္ဘရာသီးတလုံး ဆော့နေသကဲ့သို့ ထင်မိပါသည်။ သို့သော် ကျွန်တော့်အထင်ကို ထုတ်မပြောပါ။ “အေးကွယ်၊ ကျန်းမာရေးနဲ့ ညီညွတ်တာပေါ့” ဟု လူကြီးစကား သုံးလိုက်ပါသည်။ “ကျန်းမာရေး လိုက်စားတာ မဟုတ်ဘူး ဆရာရေ။ မြန်မာ့ခြင်းခတ်ပညာအကြောင်း တပည့်တွေကို သင်ပေးမလို့ လက်တွေ့ ခြင်းခတ်နေတာ ဆရာ” ဟု ပြောပါသည်။ ထိုအခါကျမှ သူသည် အထက်တန်းပြ ဆရာမတဦး ဖြစ်ကြောင်းကို သိပါတော့သည်။ စာမျက်နှာ (၂)  “နင့်နှယ်ဟယ် ပင်ပန်းလိုက်တာ။ တပည့်တွေတော့ ခြင်းခတ်ပညာ တတ်မတတ် မပြောတတ်ဘူး။ ခြင်းလူပြက် သရုပ်တော့ ကောင်းကောင်းပေးတတ်မှာပဲ” ဟု ချီးကျူးလိုက်ပါသည်။ သူလည်း ကျွန်တော့်စကားကို သဘောကျကာ ဟက်ဟက်ပက်ပက် ရယ်ပါသည်။ “စာသင် ပေးရုံလောက်နဲ့တော့ ခြင်းခတ်နည်းတွေကို သင်ပေးဖို့ မလိုပါဘူ...

ယနေ့ခေတ် မြန်မာစာအရေးအသားတွေ ကမောက်ကမဖြစ်နေတာတွေထဲမှာ  - တ နဲ့ တစ် သာ မဟုတ်ပါ။ - ဘဲ နဲ့ ပဲ လည်းပါတယ်။ - ဘ နဲ့ ဖ လည်း ပါတယ်။ - ဘူး နဲ့ ဗူး လည်းပါတယ်။ - ဘူး နဲ့ ပူး လည်းပါတယ်။  - အုံး အုန်း ဦး နဲ့ အူး လည်းပါတယ်။ - ပြီ နဲ့ ပီ လည်းပါတယ်။ - ပါပြီ နဲ့ ပါပီ လည်း ပါတယ်။ - ဖြစ် နဲ့ ဖြစ် လည်း ပါတယ်။ - မှာ နဲ့ မာ လည်းပါတယ်။ - ရ နဲ့ က လည်းပါတယ်။ - စ နဲ့ ဆ အမှားတွေ အများကြီး။ - တက် နဲ့ တတ် အမှားတွေ အများကြီး။ ၁။ ဆိုရှယ်မီဒီယာကြောင့် ပျက်စီးရတာသာ မကပါ ၂။ ထုတ်ဝေတဲ့စာအုပ်တွေ၊ အထူးသဖြင့် ပြန်ထုတ်စာအုပ်တွေ၊ ၄။ ကျောင်းသုံးစာအုပ်တွေ မမှန်လို့လည်း ပျက်စီးလာနေတာဖြစ်ပါတယ်။ ၄။ AI အထိပါ အမှားတွေ ကူးစက်နေပြီဖြစ်လို့ မြန်မာစာရဲ့ ရှေ့ရေးအလားအလာ အတော်ကို မကောင်းပါ။ ဤလိုပုံနှင့် မိုးကြီးချုပ်လျှင် ကျွန်ုပ်တို့လည်း အိမ်သို့ပြန်နိုင်မည်မဟုတ် https://burmese-spelling.blogspot.com/2024/06/blog-post_146.html ဒေါက်တာတင့်ဆွေ

ကွန်မင့်တခု = နှင်းဆီက တပွင့်လား နှပွင့်လား ဆရာ ပြန်စာ ဖြေစရာ မလိုလောက်ပါ။ နှပွင့်၊ နှခု၊ နှကောင်၊ နှပါး (ကန်တော့) လို့ ဘယ်လိုပုဂ္ဂိုလ်တွေက ရေးတာ တွေ့ဘူးပါသလဲ။ နှ စိတ်နှလုံး နှမ(မောင်) နှမ၊ နှမြော နှမြောတသ၊ နှမသားချင်း နှမိနှမြော = စုံမက်ချစ်ခင်ခြင်း နှရွဲ = ရှုံ့မဲ့၍ငိုသည် နှရား = ကြော်ဖွယ်လုလု၊ ကြောက်ကြိမ်းသည် နှလုံး နှလုံးကျဉ်းမြောင်း နှလုံးကောင်းဝန်စီး နှလုံးခုန် နှလုံးတုန် နှလုံးမရွှင် နှလုံးမွေ့လျော် နှလုံးရည် နှလုံးရောဂါ ဒေါက်တာတင့်ဆွေ

အဘိဓာန်လုပ်ငန်းကို ကူညီလိုသူတို့သည် “ဘယ်စကားမျိုးကို စုပေးရမလဲ” ဟု ကျွန်တော့်အား မေးကြပါသည်။ ဗမာတို့ ပြောဆိုနေသော ဗမာစကားလုံးဟူသမျှကို အယဉ်အရိုင်း၊ အဆိုးအကောင်း မရွေး စုဆောင်းပေးကြပါဟု ကျွန်တော် ဖြေပါသည်။ စကားလုံးဟူ၍၎င်း၊ စကားခွန်းဟူ၍၎င်း၊ ဝေါဟာရဟူ၍၎င်း၊ ပုဒ်ဟူ၍၎င်း အမျိုးမျိုး ခေါ်ထားသော စကားလုံးများကို ဖွင့်အပ်သောနား၊ မလစ်သောသတိဖြင့် တနေ့တာအတွင်းတွင် ကျွန်တော်စုရာ အောက်ပါတို့ကို ရပါသည်။ ဤနည်းအတိုင်းသော်၎င်း၊ ဤထက်ကောင်းသောနည်းဖြင့်သော်၎င်း ပုဒ်တို့ကို ရှာမည်ဆိုပါက ကျွန်တော်တို့ အဘိဓာန်အတွက် ဝေါဟာရစုံသလောက်ကို ရနိုင်ဘွယ်အကြောင်း ရှိသည်ဟု ထင်မိပါသည်။ တခုသောနံနက်တွင် ကျွန်တော် လက်ဖက်ရည်သောက်နေခိုက် ကျွန်တော့်တူငယ်သည် သနပ်ခါးဖွေးဖွေးနှင့် စိန်ပန်းမြိုင်စာပေတိုက် ရောက်လာသည်ကို ကျွန်တော့်အမေကမြင်၍ “ပဲနဝါမျက်နှာကြီးနဲ့ ပါလား” ဟု ပြောလိုက်သည်။ ထိုစကားကို ကျွန်တော် မှတ်လိုက်သည်။ ထိုခဏ၌ ကျွန်တော့်အကိုတဦး ရောက်လာသည်။ “နွားကလေး ဈေးတည့်သွားပလား” ဟု ကျွန်တော့်အမေ မေးသည်။ “ရင်မှာ ပျားစွဲနေတယ်ဆိုပြီး ကာရန်မသင့် ဖြစ်သွားတယ်” ဟုဖြေသည်။ “ဗွေတရာ ကြာတလုံးပဲကွယ်။ မင်းနွားကလေးမှာ ကြာကလေးနဲ့ မဟုတ်လား” ဟု အမေ...

ကွန်မင့်တခု = ဆရာကြီး မင်းသုဝဏ်ရဲ့ အချစ်ရေးနဲ့ သက်ဆိုင်ခဲ့တဲ့ ကဗျာတစ်ပုဒ်လို့ မှတ်သားမိပါတယ်ခင်ဗျာ ပြန်စာ ကဗျာတပုဒ် လို့ ရေးရပါတယ်။ ဆရာမင်းသုဝဏ် ရေးသမျှ သတ်ပုံ မှန်တယ် (၁) ဆရာမင်းသုဝဏ် ရေးသမျှ သတ်ပုံ မှန်တယ်။ မြန်မာအဘိဓါန် ဦးစီးပြုစုခဲ့ပါတယ်။ (၂) ဝှက်ထားသော ရင်ထဲမှ ကဗျာတပုဒ် (ဒေါင်းနွယ်ဆွေ) (၃) ကဗျာတပုဒ်၊ စာတပုဒ်ဖြင့် ကျွန်ုပ်ကျေးဇူးဆပ်ပါ၏။ တင်မောင်အေး (ပခုက္ကူ) (၄) ကာရန်မဲ့ ကဗျာတပုဒ် ကိုပညာ(အမရပူရ) ဒေါက်တာတင့်ဆွေ

မေးခွန်းတခု = ဒီပုံထဲကစာကိုလဲရှင်းပြပေးပါဆရာ။ ပြန်စာ ကဗျာဆိုတာ ဘာသာပြန်သလိုလုပ်ရလေ့မရှိပါ။  ဟိုခေတ်က ကဗျာတွေကိုတော့ ကျောင်းသုံးစာအုပ်တွေမှာ ခက်ဆစ်အဖြေ ထည့်ပေးရတယ်။ အခုကဗျာက ရိုးရှင်းပြီး နှစ်လိုဘွယ်ကောင်းတယ်။ ဘာသာမပြန်လိုပါ။ ကဗျာဖတ်သူတွေ မတူကြပါ။  တဦးတယောက်တည်းကနေ အသက်အရွယ်၊ စိတ်အခြေခံမတူရင် ကဗျာကို ပုံဖေါ် ခံစားချက်လည်း မတူတတ်ပါ။ ဖတ်မိတာတွေအရ ကဗျာရေးသူ ကိုယ်တွေ့ခံစားချက်တခုကနေ ဒီကဗျာ ဖြစ်လာတာပါတဲ့။  အထင်ကိုရေးတာ ဖြစ်နိုင်လို့ ထည့်သွင်းဖေါ်ပြခြင်း မပြုတော့ပါ။ ဒေါက်တာတင့်ဆွေ

မင်းပူး ဆရာတော်ဦးဩဘာသ ၏ ဝေဿန္တရာဇာတ်တော်ကြီး WETHANDAYA BY U AW BA THA ( Approved by the Text Book Committee. ) ရန်ကုန်မြို့ ဟံသာဝတီပိဋကတ်ပုံနှိပ်တိုက် ၁၉၅၄ ပထမပုံ ဝေဿန္တရာဇာတ်နိဒါန်း သဗ္ဗညု မြတ်စွာဘုရားသည် ကပိလဝတ်ပြည် နိဂြောဓာရုံကျောင်း၌ နေတော်မူသောအခါ ကြာတော၌ ရွာသော မိုးနှင့်တူသောမိုးကိုအကြောင်းပြု၍ "ဖုဿတီဝရဝဏ္ဏာဘေ" အစရှိသော ဂါထာတထောင်တို့ဖြင့် တန်ဆာဆင်အပ်သော ဤဝေဿန္တရာဇာတ်တော်ကို ဟောတော်မူ၏။ နိဒါန်းအကျယ်ကား - မြတ်စွာဘုရားသည် ဗောဓိမဏ္ဍိုင်၌ သဗ္ဗညုတဉာဏ် အထွတ်အမြတ်သို့ ရောက်တော်မူသည်မှ သတ္တဌာန၌ သတ္တသတ္တာဟကို လွန်ပြီးသော် ဝါဆိုလပြည့်နေ့၌ ဗာရာဏသီပြည် မိဂဒါဝုန်တောသို့ ကြွတော်မူ၍ ကောဏ္ဍည၊ ဝပ္ပ၊ ဘဒ္ဒိယ၊ မဟာနာမ်၊ အဿဇိ ... ၁။ ကပိလဝတ်-ကပိလဝတ္ထု-ကပိလမည်သောရသေ့၏ နေရာ၌တည်သောမြို့။ ၂။ နိဂြောဓာရုံ-နိဂြောဓ အာရာမ-နိဂြောဓ သာကီဝင်မင်းသား၏နေရာ၌ ဆောက်လုပ်သောကျောင်းတော်။ ၃။ ဗောဓိမဏ္ဍိုင်-သဗ္ဗညုတဉာဏ်တော်၏ ကြည်လင်ရာ။ ၄။ သဗ္ဗညုတဉာဏ်-အလုံးစုံသော တရားအပေါင်းကို သိတတ်သောဉာဏ်။ ၅။ သတ္တဌာန-ခုနစ်ခုသောနေရာ။ ၆။ သတ္တသတ္တာဟ-ခုနစ်ရက်ခုနစ်လီ။ ၇။ ဗာရာဏသီ-ဝါရာဏသီသ-မျောက်ဦးခေါင်းနှင့် တူသောမြို့။ [တနည်း] ဘုရားအလောင...

၁။ ဆရာ အားတဲ့အခါ ပြောပြပေးပါရှင့်။ ၂။ ဆရာခင်ဗျား ကြေငြာချက် နဲ့  ကြေညာချက် ဘယ်ဟာက စာလုံးပေါင်းသတ်ပုံ အမှန်ပါလဲခင်ဗျ ကျေးဇူးပြု၍ ဖြေကြားပေးပါဦး ၃။ ဆရာရှင့် ကြေညာ နဲ့ ကြေငြာ ဘယ်ဟာမှန်လဲရှင့် ပထမပုံ (စာမျက်နှာ ၇၀) ဝဏ္ဏဗောဓနသတ်အင်း ကြော် ကြော ကြော်လှော် ဆေးကြောသည် ကြော်ညာ ၃၆ စစ်ကြောသည် ကျွေးကြော် ၃၇ ကြက် ဟတ်ကြော် (မန်း) ကြက်သီးထသည် ကြော ပိတန်ကြက် ၄၀ မာကြော ၃၈ တင်းတင်းကြက်သည် ကြောရိုး ၃၉ ကြက်ငှက် အကြော ရေကြက် ကြောရွာ ကြက်သွန် ၄၁ ကြမ်းကြောသည် ကြက်ဆူပင် ________________________________________ ၃၆။ ကြော်ငြာ-ဟု အရေးများသည်။ မဃ * ၃၂၃ တွင် ကောင်းချီးကြွေးညာ၊ လှုံ့ကြော်ငြာလျက်-ဟု ခွဲ၍ စပ်သည်။ ၃၇။ ကင်း၊ လင်္ကာ၊ ဂါထာတို့တွင် နှစ်လုံးစလုံး အကြောင်း ရှိသည်။ သို့သော်-ဟတ်ကျွေးသည်-ဟု အဆင့် ဇယား ပြခဲ့သည့်အတိုင်း-ကျွေး-ကို အဆင့်နှင့်ပင် ထားသင့်သည်။ ၃၈။ မန်း၊ လင်္ကာတို့တွင် မပါ။ ဝေဂါ အဆင့်ပြသည်။ ၃၉။ အများကမူ ယပင့်ဖြင့်-ကျော-ဟုရေးကြ၏။ မဃ * ၃၂ ၌- စူးစမ်းနှစ်နှော၊ ဝမ်းနှင့် ကျော သို့၊ စောကြော နောက်-ဟု ခွဲထားစပ်သည်။ ၄၀။ ပိတန်ကြက်သည် (ကင်း)၊ ပြတန်ကြက် (လင်္ကာ)။ ၄၁။ ကြက်သွန်ဖြူစသည် (ကင်...

"တတောင်လုံးမှိုင်း စ၍ဆိုင်းသော်" မဲဇာတောင်ခြေ  စီးထွေထွေတည့် မြစ်ရေဝန်းလည် မြိုင်တောဆီက ရွှေပြည်ကိုသာ တရှာတော့မိ မိုးရှိရှိလျှင် သီရိကျက်သရေ တက်ဖြိုးဝေသား အောင်မြေကြော့ကြော့ ကုန်းမော့မော့နှင့် ဘိုးတော်ကောင်းမှု တည်ထားပြုသည် ဇဗ္ဗူ့ဆီမီး ခြောက်ရောင်ည်ီးမျှ ဂူကြီးသ္ခင် ရွှေလင်းပင်နှင့် ရွှေခြင်္သေ့မွေ စ၍ရေသော် ရွှေစေတီကြီး အသီးသီးတည့် ပိတ်ဆီးချယ်တန်း လျှပ်ရောင်သန်းမျှ ရွှေနန်းရွှေဘုံ အလုံးစုံကို အာရုံမျက်မြင် ဖူးမျှော်ချင်၍ သည်တွင်ရွှေမြို့ သည်သို့စေတီ သည်ဆီရွှေနန်း ဖြောင့်တန်းတော့မည် စိတ်ကရည်သည် ရွှေပြည်ဌာန ဝေး‌သောကြောင့်။ သဲသာသောင်မြေ မြစ်ကမ်း‌ခြေလည်း အကြေတပြင် ဒို့အောက်ခွင်ဝယ် ရေယဉ်ပတ်ဝန်း ပျော်ဘွယ်ထွန်းလိမ့် တကျွန်းလောက်ပင် ဝေးမည်ထင်ခဲ့ စီးသွင်ညိုရစ် မဲဇာမြစ်လည်း ထစ်ထစ်ထွန်းဘိ ခြုံအတိနှင့် တောကြီးဆိတ်ညံ ဆည်းကျံကျံဝယ် ဓူဝံမပေါ်  မမျှော်ပါရ နေကို တ လည်း ဘယ်ကရှေ့နောက် ဘယ်တောင်မြောက်ဟု တွေးထောက်မမှန် ဖန်ဖန်အံ့ဩော ကြံတိုင်းမောစွ ဘယ်တော ဘယ်မြိုင် မသိနှိုင်ခဲ့ မခိုင်စိတ်ဝမ်း နေ့တိုင်လွမ်းရှင့် ကင်းစမ်းတောင်က လေဦးစ၍ နောက်မှလေရှည် အတည်တည်သည် လေပြည်လာက အေးသောကြောင့်။ ပွဲခါညောင်ရေ သွန်...

တစုံတယောက်က အသုံးပြုပြီးသား ပစ္စည်း (သို့မဟုတ်) ပိုင်ရှင်တဦးလက်မှ နောက်တဦးလက်သို့ ကူးပြောင်းလာသော ပစ္စည်းကို ဆိုလိုခြင်း ဖြစ်ပါသည်။  အင်္ဂလိပ်ဘာသာဖြင့် "Second-hand" ဟူသော စကားလုံးနှင့် တိုက်ရိုက်အဓိပ္ပါယ် တူညီပါသည်။ Used သုံးပြီးသား။ Good second hand နဲ့လည်း ဆင်တယ်။ တပတ်ရစ်ကား။ တခါသုံးထားပြီးသား။ သက်မဲ့တွေကိုသာမက လူကိုလည်း သုံးနိုင်တယ်။ တပတ်နွမ်းနဲ့လည်း တူတယ်။ ဒါပေမဲ့ လူကိုရည်ညွှန်ပြီး သုံးလေ့ရှိပါတယ်။  "တပတ်နွမ်း" ဆိုတဲ့ အသုံးကို ပိုသုံးလေ့ရှိပါတယ်။ ၎င်းဟာ အသုံးပြုထားလို့ ဟောင်းနွမ်းသွားတယ်ဆိုတဲ့ အဓိပ္ပာယ်ထက် ဘဝအတွေ့အကြုံတခု ဖြတ်သန်းပြီးသား သို့မဟုတ် အိမ်ထောင်ရေးတခု ဖြတ်သန်းပြီးသားသူကို ပိုပြီး ရည်ညွှန်းလေ့ ရှိပါတယ်။ တခုလပ်: အိမ်ထောင်ရေးတခု ပျက်ပြားသွားသူကို သုံးနှုန်းတဲ့ စကားလုံး ဖြစ်ပါတယ်။ "တပတ်ရစ်" သို့မဟုတ် "တပတ်နွမ်း" ဆိုတာက အဲဒီသဘောတရားနဲ့ ဆင်တူယိုးမှား ရှိပေမယ့် "တခုလပ်" ကတော့ ပိုပြီး တိကျတဲ့ လူမှုရေး အသုံးအနှုန်း ဖြစ်ပါတယ်။ စာအုပ်ကိုတော့ တပတ်ရစ်လို့ သုံးလေ့မရှိဘဲ၊ စာအုပ်ဟောင်းလို့သုံးကြတာများတယ်။ အခုခေတ်မှာ တပတ်ရစ် ကို မှန်အော...

အသုံးချမြန်မာစာ စာပေဆောင်းပါးများ ပုံ (၂) - ကဗျာသင်ကြားရေး (စာမျက်နှာ ၁) ကဗျာသင်ကြားရေး ကဗျာ သင်ကြားရေးနှင့် စပ်လျဉ်း၍ စနစ်တကျ လေ့လာထားသူ ကျယ်ကျယ်ပြန့်ပြန့် လေ့လာသူများက အောက်ပါအတိုင်း စနစ်များကို ပြသကြပါသည်။ ၁။ ကဗျာ၏အဓိကရည်ရွယ်ချက်၊ ကဗျာဆရာ၏ အာဘော်၊ ကဗျာဆရာ၏ တွေးတောဆင်ခြင်ခြင်းတို့ကို လေ့လာခြင်း။ ၂။ ကဗျာက စေ့ဆော်သော စိတ်အခြေအနေ၊ ကဗျာက ပေးသော ခံစားမှုတို့ကို လေ့လာခြင်း။ ၃။ အကျိုးဝင်အနက်၊ နိမိတ်ပုံစသည်တို့ကို လေ့လာခြင်း။ ၄။ ကဗျာ၏ အဓိကရည်ရွယ်ချက်၊ ကဗျာဆရာ၏အာဘော်၊ ကဗျာဆရာ၏ တွေးတောဆင်ခြင်ခြင်းတို့ကို ထမြောက်အောင် စိတ်အခြေအနေနှင့် ခံစားမှု ဖြစ်ပေါ်အောင် ကဗျာဆရာက ဖန်တီးဖွဲ့ဆိုပုံများ ဆောင်ရွက်ပုံများကို လေ့လာခြင်း။ ၅။ စကားလုံး၊ စကားစုတို့၏ အဓိပ္ပါယ်များကို မှတ်စုထုတ်ခြင်း စသည်တို့ဖြစ်ပါသည်။ ပုံ (၃) - စာမျက်နှာ ၄ နှင့် ၅ စာမျက်နှာ ၄: ၁။ ကဗျာ၏ အဓိက ရည်ရွယ်ချက်ဆိုသည်မှာ အင်္ဂလိပ်လို (Purpose) ဟု ဆိုသော သဘောပင်ဖြစ်ပါသည်။ အာဘော် ဆိုသည်မှာ (Opinion)၊ တွေးတောဆင်ခြင်ခြင်း ဆိုသည်မှာ (Thought) တို့ကို ဆိုပါသည်။ ဤအကြောင်းအရာ ဗျာနှင့် စပ်လျဉ်း၍ ကဗျာဆရာသည် ဘဝ၏ အချက်အလက်ကို ပြခြင်း၊ ယူဆချက်တရပ်ကို တင်ပြခြ...

ကျီးလေး တကောင်ပါ တစာစာ ပျံလို့သွား အ အာ အား၊ အ အာ အား။   ။ ထမီစလေး ဆွဲလို့ပါ မင်းသမီးလေး ကနေတာ လက်ဆန့်ကာ ခြေကိုကား က ကာ ကား၊ က ကာ ကား။   ။ ကျွဲကျောင်းသားလေး မောင်ဖိုးနီ သွားလေးစိလို့ စီ ကျွဲကြီးလာပြီ တက်ကာစီး စိ စီ စီး၊ စိ စီ စီး။   ။ (အမည်မသိဆရာ) ဒေါက်တာတင့်ဆွေ

ချစ်သူ့ ပါးပြင်၊ နှင်းဆီထင်၍  ခုံမင်ခဲ့ရ၊ ဟိုတုန်းက။ ချစ်သူ့ ပါးထက်၊ အိုးမဲကွက်နှင့်  ချက်လိုက်ပြုတ်လိုက်၊ မောင့်အကြိုက် … တဲ့  တိမ်တိုက်ကြားက၊ ဖိုးရွှေလသို့  ဆံစဝဲဝဲ၊ ပြုံးချိုဆဲကို  စွဲမက်ပါရ၊ ခုကာလ။ နောင်တနေ့တွင်  ကလေးတပွေ့၊ မြေးတပွေ့ နှင့်  မေ့ပါးရေလိပ်၊ ပီတိဖိတ်လျက်  စိပ်ပုတီးတကုံး၊ တပြုံးပြုံးနှင့်  နှလုံးကြည်နူး၊ နေလိမ့်ဦးဟု  စိတ်ကူးယဉ်ရ၊ နောင်ကာလ။   ။ (တင်မိုး) (မူရင်းကဗျာ ဖြစ်ပါတယ်။ ကူးတင်၊ ပြန်ထုတ်တွေကတော့ ဆရာတင်မိုးမျက်နှာကို အိုးမဲသုတ်ထားကြလေရဲ့) ဒေါက်တာတင့်ဆွေ

အခန်း ၁ မှတ်ထား။ ။ဘီလူးမှ လူယောင်ဆောင်တတ်တာ မဟုတ်ဖူး။ အပူကြောင့်ဖြစ်တဲ့ တံလျှပ်ကလဲ အအေးဖြစ်တဲ့ ရေယောင်ဆောင်တတ်တာဘဲ။ ဆန်းသယုံမို့။ ငါနဲ့လဲ တလောက တွေ့ပါပြီ။ ပြောလိုက်သမျှကို ဝေလို့။ အကူအညီလိုရင် ပြောပါ တဲ့။ သူတတ်နိုင်တာဆို အချိန်မရွေးခေါ်လွှဲပါတဲ့။ ပြောဘော်ရတာတော့ မဆိုးပါဘူး။ ဒါပေမယ့် အလကားအကောင်ရယ်။ သည်မယ်၊ ငါ ပြောပြမယ်။ လောကမှာ ခွေးဇာတ်ခင်းတဲ့လူလဲ ရှိတာဘဲ။ နွားကျတဲ့လူလဲ ရှိတာဘဲ။ ကြောင်သူတော်လဲ ရှိတာဘဲ။ ကျားငြှိုးလဲ လဲ ရှိတာဘဲ။ လူဆိုတာ ကောင်းတာမကောင်းတာ ဘေးချိတ်။ အမျိုးစုံတော့ ဖန်ဆင်းတတ်တယ်။ စာမျက်နှာ ၁၀: သည်ကောင့် အကြောင်းတော့ ကောင်းထဲကို ထည့်ပြောမနေနဲ့။ လူက ပုဂ္ဂဏာ မဟုတ်ဖူး။ ပေါ်လဲသနတယ်။ ဟဲ့... ငါက ဘာတတ်နိုင်မှာလဲ။ ထွက်ပြေးလို့မှ မရတော့တဲ့ဥစ္စာ။ က ထမ်းပိုးနဲ့ ချွတ်ရိုက်ပစ်လို့ကောင်းဖြစ်မလား။ တဖက်က နှစ်ပွဖြစ်ရုံ ရှိတော့ပေမှာ။ ပစ္စည်း ပစ်ပြေးဘို့ဆိုတာတော့ မပြောနဲ့။ ထဲမှာ ပိုဆိုးမှာ။ သစ်သီးဘိုး မဟုတ်သေးဘူး။ ဆိုင်ဖမ်းဘိုး ဝေးသေးဘို့။ ကျပ်တောင် သူ့ဥစ္စာရင် အကျေမဆပ်နိုင်သေးဘူး။ ကနေ့ အမြတ်ကတော့ ရယ်ဖို့လဲ ကောင်းတယ်။ ငါကလဲ ငါဘဲ။ နေဗျ။ ငါက အတိတ်က ဈေးဝယ် မှတ်နေတာ။ ရွှေတည်တည့်လာရပ်တဲ့အထိ မော်ကြည့...