ငွေချေးစနစ်၏ လျှို့ဝှက်အန္တရာယ်နှင့် ၂၀၂၆ ၏ စီးပွားရေးမုန်တိုင်း

ဤဆောင်းပါးသည် ၂၀၂၆ ခုနှစ်အတွင်း ရိုးရာဘဏ်လုပ်ငန်းများနှင့် ရင်ပေါင်တန်းလာနေသည့်၊ 

ငွေချေးစနစ်၏ လျှို့ဝှက်အန္တရာယ်နှင့် ၂၀၂၆ ၏ စီးပွားရေးမုန်တိုင်းလျင်မြန်စွာကြီးထွားလာသော်လည်း ပိုမိုပျော့ပျောင်းအားနည်းလာသည့် “လျှို့ဝှက်” ချေးငွေစနစ် (Private Credit) အကြောင်းကို ဖော်ပြထားခြင်း ဖြစ်သည်။

၁။ "အကြွေးပတ်လည်ဝိုင်းခြင်း" ထောင်ချောက် (The IOU Trap)

ဒုက္ခရောက်နေသော ချေးယူသူများသည် လက်ငင်းအတိုးမပေးနိုင်သည့်အခါ ၎င်းအတိုးကို အကြွေးအရင်းထဲသို့ ပေါင်းထည့်လိုက်သည့်စနစ် (Payment-in-Kind - PIK) ကြောင့် ဖြစ်ပေါ်လာသော အန္တရာယ်ဖြစ်သည်။

ဥပမာအနေဖြင့် - သင်သည် သူငယ်ချင်းတယောက်ကို ကော်ဖီဆိုင်ဖွင့်ရန် ငွေချေးထားသည်ဆိုပါစို့။ သူသည် တလလျှင် အတိုးနှုန်း $၁၀၀ ပေးရမည်ဖြစ်သည်။ သို့သော် ဆိုင်မှာ ရောင်းမကောင်းသဖြင့် သူငယ်ချင်းဖြစ်သူက "အခု $၁၀၀ လက်ငင်းမပေးနိုင်သေးဘူး၊ နောက်ဆုံးပေးရမယ့် အကြွေးအရင်းထဲမှာ $၁၁၀ ပေါင်းထည့်လိုက်ပါ" ဟု ပြောလာသည်။

ဘာကြောင့် အန္တရာယ်ရှိသလဲ - စာရင်းဇယားအရ သင်သည် "ငွေပိုရနေသည်" ဟု ထင်ရသော်လည်း၊ လက်တွေ့တွင် သင့်သူငယ်ချင်းသည် အကြွေးတွင်းထဲ ပိုနက်သွားခြင်းသာ ဖြစ်သည်။ Private Credit လောကတွင် ကုမ္ပဏီအများအပြားသည် ယခုကဲ့သို့ လုပ်ဆောင်နေကြသည်။ ၎င်းတို့သည် "အကြွေးမဆပ်နိုင်သူ" စာရင်းထဲ မဝင်သေးသော်လည်း၊ အကြွေးအပြည့်အဝ ဘယ်တော့မှ ပြန်မဆပ်နိုင်တော့မည့် “ဇမ်ဘီကုမ္ပဏီများ” (Zombie Companies) ဖြစ်လာနေသည်။

၂။ "ငါ့ကိုပဲယုံလိုက်" တန်ဖိုးသတ်မှတ်ချက် (The "Trust Me" Value)

အများပြည်သူပိုင် စတော့ရှယ်ယာများကဲ့သို့ တန်ဖိုးကို ရှင်းလင်းစွာ မသိနိုင်ခြင်းဖြစ်သည်။

ဥပမာအနေဖြင့် - သင်သည် Apple ကုမ္ပဏီမှ စတော့ရှယ်ယာ ပိုင်ဆိုင်ပါက စက္ကန့်နှင့်အမျှ တန်ဖိုးမည်မျှရှိသည်ကို စျေးကွက်က ပြောပြနေသည်။ သို့သော် Private Credit သည် "သီးသန့်" ဖြစ်သည်။ ထိုငွေကို စီမံခန့်ခွဲသူများကသာ ချေးငွေတန်ဖိုး မည်မျှရှိသည်ကို ကိုယ်တိုင်ဆုံးဖြတ်ကြသည်။

ဘာကြောင့် အန္တရာယ်ရှိသလဲ - ၎င်းသည် ၅ နှစ်အတွင်း အိမ်တလုံးမှ မရောင်းရသေးသည့် ရပ်ကွက်တခုတွင် အိမ်ရောင်းရန် ကြိုးစားနေရသကဲ့သို့ပင်။ သင်က သင့်အိမ်ကို ငါးသိန်းတန်သည်ဟု ထင်နိုင်သော်လည်း၊ အခြေအနေဆိုးရွားလာပြီး အမှန်တကယ် ရောင်းရန်ကြိုးစားချိန်မှသာ တန်ဖိုးအစစ်အမှန်ကို သိနိုင်မည်ဖြစ်သည်။ ဝေဖန်သူများက ရင်းနှီးမြှုပ်နှံမှု ရန်ပုံငွေအဖွဲ့များသည် "မိမိတို့ဘာသာ အမှတ်ပေးနေကြပြီး" အခြေအနေဆိုးနေသော်လည်း ကောင်းမွန်နေသယောင် ဟန်ဆောင်နေကြသည်ဟု စိုးရိမ်နေကြသည်။

၃။ "မျဉ်းက ရွေ့နေပြီ" (The Line is Moving - အသေးစားရင်းနှီးမြှုပ်နှံသူများ၏ အန္တရာယ်)

မူလက ဆယ်စုနှစ်နှင့်ချီ စောင့်နိုင်သည့် ပင်စင်ရန်ပုံငွေအဖွဲ့ကြီးများသာ ရင်းနှီးမြှုပ်နှံခဲ့သော်လည်း၊ ယခုအခါ အသေးစား ရင်းနှီးမြှုပ်နှံသူများကိုပါ ဖိတ်ခေါ်လာခြင်းဖြစ်သည်။

ဥပမာအနေဖြင့် - အသေးစား ရင်းနှီးမြှုပ်နှံသူများသည် သတင်းဆိုးများကြားရလျှင် ၎င်းတို့၏ငွေကို ချက်ချင်းပြန်ထုတ်ချင်ကြသည်။

ဘာကြောင့် အန္တရာယ်ရှိသလဲ - Private Credit ချေးငွေများသည် နှစ်ရှည်ပိတ်မိနေသော အရာများဖြစ်သည်။ စက်ရုံတခုကို ချေးထားသော ချေးငွေကို ခလုတ်တချက်နှိပ်ရုံဖြင့် ချက်ချင်းပြန်ရောင်း၍ မရနိုင်ပါ။ အကယ်၍ ရင်းနှီးမြှုပ်နှံသူ ထောင်ပေါင်းများစွာက ငွေပြိုင်တူ ထုတ်ချင်ကြပါက (Bank Run)၊ ရန်ပုံငွေအဖွဲ့တွင် ပြန်ပေးရန် လက်ငင်းငွေသား လုံလောက်မည်မဟုတ်ပါ။

၄။ "ငါးမန်းအချင်းချင်း ကိုက်ခြင်း" (Creditor Violence)

ကုမ္ပဏီတခု ဒုက္ခရောက်သောအခါ ကျန်ရှိသော ပိုင်ဆိုင်မှုကို မည်သို့ခွဲဝေမည်ဆိုသည့် "လူကြီးလူကောင်း သဘောတူညီချက်" များ ပျက်ပြားလာခြင်းဖြစ်သည်။

ဥပမာအနေဖြင့် - ယခုအခါ အခြေအနေသည် "Hunger Games" (အနိုင်ရသူအကုန်ယူ) ကစားပွဲကဲ့သို့ ဖြစ်လာသည်။

ဘာကြောင့် အန္တရာယ်ရှိသလဲ - အချို့သော ငွေချေးသူများသည် အကြွေးပြန်ဆပ်ရာတွင် ဦးစားပေးနေရာရရန် ကုမ္ပဏီနှင့် တိတ်တဆိတ် သဘောတူညီချက်များ ပြုလုပ်ကြပြီး အခြားသူများကို ဘာမှမရအောင် ချန်ထားခဲ့ကြသည်။ ၎င်းသည် ရင်းနှီးမြှုပ်နှံသူများထံ ပြန်ရောက်ရမည့် ငွေများကို ကုန်ဆုံးစေသော ကြီးမားသည့် တရားစွဲဆိုမှုများကို ဖြစ်ပေါ်စေသည်။

၂၀၂၆ ခုနှစ်၏ အခြေအနေနှင့် နိဂုံး

ယခုလက်ရှိ ၂၀၂၆ ခုနှစ်တွင် ဆော့ဖ်ဝဲလ်နှင့် နည်းပညာကဏ္ဍသည် ဤအကျပ်အတည်း၏ အဓိကဗဟိုချက် ဖြစ်နေသည်။ AI နည်းပညာ တဟုန်ထိုးတိုးတက်လာမှုကြောင့် ယခင်က နာမည်ကြီးခဲ့သော ဆော့ဖ်ဝဲလ်ကုမ္ပဏီဟောင်းများမှာ ဝင်ငွေကျဆင်းလာသော်လည်း အကြွေးများစွာ ကျန်ရှိနေသည်။ ဥပမာအားဖြင့် BlackRock သည် ၎င်းတို့၏ လုံခြုံသည်ဟု ယူဆရသော ချေးငွေတခုကို သုံးလအတွင်း တန်ဖိုး "သုည" သို့ လျှော့ချလိုက်ရသည်။

ယခုအခြေအနေကို "ဒီရေကျချိန်" နှင့် တူသည်ဟု တင်စားထားသည်။ စီးပွားရေးကောင်းနေစဉ်အတွင်း အန္တရာယ်များကို ဖုံးကွယ်ထားနိုင်သော်လည်း၊ အခြေအနေများ ကျပ်တည်းလာချိန်တွင် မည်သည့်ငွေချေးသူများက မရေရာသော လောင်းကြေးများ ထပ်ခဲ့သည်ကို အမှန်အတိုင်း ပေါ်ပေါက်လာတော့မည်ဖြစ်သည်။

Listener's Heaven Audiobooks - အသံစာအုပ် ကျေးဇူး။

ဒေါက်တာတင့်ဆွေ