ဆည်းပူးသင့်သည့် အခြေခံပညာ

ပမာဏသင်္ချာ သည် အရာဝတ္ထုတို့၏ အလျား၊ မျက်နှာပြင် အကျယ်အဝန်းနှင့် ထုထည်တို့ကို တိုင်းတာသော အခြေခံ သင်္ချာပညာရပ်ဖြစ်၍ လူတိုင်း လေ့လာသင့်သည်။ ဤအကြောင်းရပ်တွင် ပုံသေတွက်နည်းများဖြင့် ဝေဝေဆာဆာ ဖော်ပြထားသည်။

ပမာဏသင်္ချာ။ ။(ဤပမာဏသင်္ချာ အကြောင်းရပ်တွင် သုံးစွဲရသော အင်္ဂလိပ်နှင့် ဂရိသင်္ကေတ အမှတ်အသားများသည် ကမ္ဘာတဝန်းလုံး၌ အများဆုံး သင်္ကေတ အမှတ်အသားများ ဖြစ်သောကြောင့် ထိုသင်္ကေတတို့နှင့် စပ်လျဉ်းသမျှကို အင်္ဂလိပ်နှင့် ဂရိသုံး အက္ခရာများအတိုင်း ထားရှိပါသည်။) အလျား၊ ဧရိယာ (ဝါ၊ အကျယ်အဝန်း)၊ ထုထည် စသည်တို့ကို တိုင်းသော သင်္ချာကို ပမာဏသင်္ချာ ဟု ခေါ်သည်။ ဤသင်္ချာကို လေ့လာရာတွင် ပုံသေတွက်နည်းများကို အသုံးပြု၍ တွက်ချက်ကြရသည်။ ပုံသေတွက်နည်းများကို တွက်ချက်ယူသည့်နည်းနှင့် သက်သေပြသည့်နည်းများမှာမူကား အများအားဖြင့် ဂျီဩမေတြီ၊ တြီဂိုနိုမေတြီ၊ ကာကုလပ် စသည့် သင်္ချာရပ်များနှင့်သာ သက်ဆိုင်သည်။ပေ၊ ယတ်၊ မီလီမီတာ၊ စင်တီမီတာ အစရှိသည့်အနက် တခုခုကို အလျားတိုင်းဧကမူအဖြစ်ဖြင့် ရွေးချယ်၍ ဧရိယာကို တွက်ယူသောအခါ ဧရိယာတိုင်းဧကမူသည် အလျားတိုင်းဧကမူ၏ စတုရန်းဖြစ်သည်။ ပြယုဂ်အားဖြင့် အလျားတိုင်းဧကမူသည် လက်မ ဖြစ်လျှင် ဧရိယာမှာ စတုရန်းလက်မ ဖြစ်သည်။ ဤနည်းတူ အလျားသည် စင်တီမီတာဖြစ်လျှင် ဧရိယာသည် စတုရန်းစင်တီမီတာ ဖြစ်သည်။ ထောင့်မှန်စတုဂံ၏ ဧရိယာကို တွက်ယူလိုသောအခါ $A = L \times B$ တည်း။

ပမာဏသင်္ချာ (ဆက်လက်ဖော်ပြချက်)ဟူသော ပုံသေတွက်နည်းဖြင့် တွက်ယူရသည်။ ဤနေရာ၌ $A$ မှာ ဧရိယာ၊ $L$ မှာ အလျား၊ $B$ မှာ အနံ ဖြစ်သည်။

ပုစ္ဆာ။ ။ စားပွဲတခု၏ မျက်နှာပြင်သည် အလျား ၈ ပေ၊ အနံ ၆ ပေ ရှိလျှင် ထိုစားပွဲ မျက်နှာပြင်၏ ဧရိယာကို ရှာပါ။

တွက်နည်း။ ။ ပုံသေတွက်နည်းအရ$A = L \times B$$= 8 \times 6 = 48$ စတုရန်းပေ။

ဤပုစ္ဆာကို အခြားတနည်းအားဖြင့်လည်း တွက်ယူနိုင်သည်။ ပုံ (က) တွင် ပြထားသည့်အတိုင်း စားပွဲပုံကို ရေးဆွဲပြီးလျှင် စားပွဲတွင် စတုရန်းတပေစီရှိသော အကွက်များကို ဖော်ပါ။ တပေပတ်လည် အကွက်ပေါင်း ၈ ကွက် ရှိသည့် အတန်း ၆ တန်း ရှိသဖြင့် ဧရိယာမှာ $8 \times 6 = 48$ စတုရန်းပေ ရှိကြောင်း သိရ၏။

ဧရိယာတွက်နည်းတွင် ဧရိယာ၊ အလျား၊ အနံ ဟူ၍ သုံးမျိုး ရှိလေရာ၊ အကယ်၍ ဤသုံးမျိုးအနက် နှစ်မျိုးကို ပေးထားလျှင် ကျန်တမျိုးကို တွက်ချက်ရှာဖွေနိုင်သည်။ အထက်ပါ ပုစ္ဆာတွင် ဧရိယာနှင့် စားပွဲ၏ အနားတဖက်ကို ပေးထားလျှင် ဧရိယာကို ပေးထားသည့် ဖက်နှင့် စားသော် ကျန်အနားတဖက်ကို ရသည်။

ပုစ္ဆာ။ ။ စားပွဲတခု၏ ဧရိယာသည် စတုရန်း ၄၈ ပေ ဖြစ်၍ အနံသည် ၆ ပေ ဖြစ်လျှင် အလျားကို ရှာပါ။

တွက်နည်း။ ။ အလျား $= \frac{\text{ဧရိယာ}}{\text{အနံ}} = \frac{48}{6} = 8$ ပေ။အနားပြိုင်စတုဂံ ဆိုသည်မှာ မျက်နှာချင်းဆိုင် အနားများ ပြိုင်လျက်ရှိသော စတုဂံဖြစ်သည်။ ယင်း၏ ဧရိယာကို အောက်ပါနည်းအတိုင်း တွက်ချက်ရရှိနိုင်သည်။ အနားပြိုင်စတုဂံ၏ အနားတဖက်နှင့် အောက်ရှိ အနားတဖက် တချက်စီကို အခြေ ဟု ခေါ်နိုင်သည်။ ဤအနားနှစ်ဖက်ကြားတွင်ရှိသော ထောင့်မတ်မျဉ်းမှာ အနားပြိုင်စတုဂံ၏ အမြင့် ဖြစ်သည်။

အနားပြိုင်စတုဂံ၏ ဧရိယာ = အခြေ $\times$ အမြင့်(ဤပုံသေနည်း မည်သို့ ဖြစ်ပေါ်လာသည်ကို သိလိုလျှင် ဆိုင်ရာ ဂျီဩမေတြီ အဆိုနှင့် သက်သေပြချက်ကို ကြည့်ပါ။)တြိဂံတခု၏ ဧရိယာကို ရှာလိုသောအခါ အခြေပေါ်သို့... 

မှတ်ရန်

မြန်မာ့စွယ်စုံကျမ်း အတွဲ ၆ က ဖြစ်ပါသည်။

သင်္ချာအကြောင်းကို စာလုံးပေါင်းမှန်စွာ ရေးသားထားပါသည်။

- ကမ္ဘာတဝန်းလုံး၌

- တခုခုကို

- အခြားတနည်းအားဖြင့်လည်း

- စတုရန်းတပေစီရှိသော

- တပေပတ်လည်

- အနားတဖက်နှင့် 

- ကျန်အနားတဖက်ကို 

- စားပွဲတခု၏

အခုခေတ်မှာ သင်ကြားနေတဲ့ ရေတွက်မလို့ရရင် တစ် ဆိုတာ မမှန်ပါ။

ဒေါက်တာတင့်ဆွေ