"တရားဦး ဟောလှည့်ပါ"

'ကာမဘောင်  ရှုပ်အထွေးကိုလှ

 ပျိုလေးမယ်  မခင်လို့

 ရုန်းချင်ပြီ' ဆုပန်ကြားသူရဲ့

တားမြစ်ဘို့  ခွင့်မသာ။   ။

နှစ်ကိုယ်တွဲ ကာပ

သည်ဝဲ  သံသရာက

သောင်ခေမာ ဟိုတဖက်ဆီသို့

ဖောင်မဂ္ဂင်  ဆင်ကာကူးမယ်လို့

ဆုထူးကို  ပန်ညီသော်လဲ့

ပါရမီ  မောင်မရင့်သော်ကြောင့်

သွားနှင့် သက်လျာ။   ။

ဇာတ်မတူ  အမူကြမ်းသူဖြင့်

သောင်ကမ်း  မမြင်နိုင်လို့

တပင်တိုင်  နာဝါပျက်လိုပ

သံသရာ  သည်ဂယက်မှာလှ

စုန်တခါ  ဆန်တချက်ကယ်နဲ့

မျောလျှက်ကွဲ့  ယောင်ချာချာ

တွယ်ရာဖြင့်  ရှိနိုင်ဘူး။   ။

သို့အကြောင်း  ရယ်ကြောင့်

ချစ်ဟောင်း  နွယ်သာကီရဲ့

ပါရမီ  ပြည့်လျှံဖြိုးကာပ

တန်ခိုးတွေ  တလူလူနဲ့

ဘိက္ခူနီ  ထေရီဖြစ်တော့ခါ

မောင်ချစ်ကို  မယ်သနားတာဖြင့်

တရားမွန်  မှန်သဘောကို

ဟောလှည့် အဦး။   ။ (မင်းသုဝဏ်)

#ရှေးစာကဗျာများ ကျေးဇူး။

ဒေါက်တာတင့်ဆွေ