မှားနေသည်ကို မှန်စေလော့

စာရေးအမှားတွေကို ထောက်ပြ၊ တင်ပြနေတာ ဆယ်စုနှစ်တခုခွဲကြာပြီ။

နည်းနည်းလေးတော့ တိုးတက်လာသည်ဟု ထင်မိပါသည်။ 

ကိန်းဂဏန်း ရာခိုင်နှုန်းအတွက် သုတေသနလုပ်လို့တော့ မရနိုင်ပါ။

တချို့က ကျေးဇူးစကားဆိုကြသည်။

တချို့က အားပေးကြသည်။

တချို့က တိုင်းပြည်ကြီး ဒီလိုဒီလို ဖြစ်နေတာ သတ်ပုံက ဘာအရေးလဲ ပြောသူကလည်း လူတရာကျော်ရှိပါသည်။

ကဲရဲ့၊ ကန့်ကွက်၊ အပြစ်ပြော၊ ဆဲဆိုသူက ၅၀၀ လောက်ရှိပြီ။

နောက်တမျိုး

တင်ထားတာကို ကွန်မင့်ကဖြစ်စေ၊ မက်စင်ရှာကနေဖြစ်စေ ပြင်ပေးတဲ့အခါ -

တချို့ ကျေးဇူးပါ။ ပြင်ရေးပါသည်။

တချို့က ဟုတ်ကဲ့ရှင်။ အမှားကိုတော့ မပြင်။

တချို့က ပြင်ပြီးပါပြီရှင့်၊ တင်ထားတာကို ဖြုတ်ပေးပါ။ ဖြုတ်လိုက်ပြီ။

အရင်းအနှီးကြီးသော်လည်း အကျိုးနှမ်းတစေ့မက ရပါသည်။

လုပ်နေတာကလည်း အမြတ်ရရရေး မဟုတ်ပါ။

အခွန်မဆောင်ရတဲ့ အမြတ်ရပါသည်။ ကျေးဇူး။

စာရေးနိုင်တဲ့အထိ ဆက်ရေးနေပါမည်။

“Don’t wish it were easier. Wish you were better.”

— Jim Rohn

ဤစကားစုသည် ပုဂ္ဂိုလ်ရေးဆိုင်ရာ တိုးတက်ပြောင်းလဲမှု (Personal Development) နယ်ပယ်တွင် အလွန်ဩဇာညောင်းသော ဂျင်ရွန် (Jim Rohn) ၏ အလေးနက်ဆုံးသော လမ်းညွှန်ချက်တခု ဖြစ်ပါသည်။

၎င်း၏ ဆိုလိုရင်းမှာ အခက်အခဲများကို ရှောင်လွှဲရန် သို့မဟုတ် အခြေအနေများ သက်သာလာရန် ဆုတောင်းနေမည့်အစား ထိုအခက်အခဲများကို ကျော်လွှားနိုင်မည့် အရည်အချင်း၊ ဗဟုသုတနှင့် စိတ်ဓာတ်ခွန်အား မိမိကိုယ်တိုင်တွင် ရှိလာစေရန် ကြိုးပမ်းရမည်ဟု ဆိုလိုခြင်း ဖြစ်ပါသည်။

ဒေါက်တာတင့်ဆွေ