မီ နှင့် မှီ

ဪ ကရမက်ပန်းတွေက လက်လှမ်းလို့ မမိတမီ

ကွန်မင့်ကနေ မီ နဲ့ မှီ ထောက်ပြပါတယ်။

ထောက်ပြတာ မှန်တယ်။ ကျေးဇူး။

ယင်းစကားလုံး၏ ဆိုလိုရင်းမှာ အချိန်အမီ ရောက်ရှိခြင်း (သို့မဟုတ်) လက်လှမ်းမီခြင်းကို ဖော်ပြခြင်း ဖြစ်ပါသည်။

မမှီတမှီ: ယနေ့ခေတ်တွင် "မီ" ကို "မှီ" (မှီခိုခြင်း၊ မှီဝဲခြင်း) နှင့် မှားယွင်း ရေးသားလေ့ ရှိကြပါသည်။

မမိတမီ: အချိန် "မီ" သည်သာ လိုရင်းဖြစ်သောကြောင့် "မမိတမီ" သည်သာ အမှန်ကန်ဆုံး ဖြစ်ပါသည်။

အဓိပ္ပာယ် ဖွင့်ဆိုချက်

အရာ တခုခု၊ အချိန် တခုခုကို အမီလိုက်ရာတွင် ကပ်သီးကပ်သတ်လေး ဖြစ်နေသည့် အခြေအနေ၊ လုယက်ပြီး လုပ်ဆောင်ရသည့် အခြေအနေကို ဆိုလိုပါသည်။

ဥပမာ -

"ရထားထွက်ခါနီး မမိတမီ အချိန်လေးတွင် ဘူတာသို့ ရောက်သွားသည်။"

"နေဝင် မမိတမီ အိမ်အရောက် ပြန်ခဲ့ရသည်။"

သတ်ပုံ မှတ်သားရန်

မြန်မာစာ အဖွဲ့အစည်း၏ သတ်ပုံကျမ်းများအရ -

၁။ မှီ = မှီခိုခြင်း၊ အားကိုးခြင်း (ဥပမာ - နံရံကို မှီသည်။)

၂။ မီ = အချိန်ကာလ (ဥပမာ - အချိန် မီ ရောက်သည်။)

မမိမကမ်း - ကြိဝိ / မမိမကန်း / ၁၊ မိလုနီးလျက်နှင့် မမိနိုင်ဘဲ။ ၂၊ မမိသာသည်ကို မိအောင် အထူးအားထုတ်ကြိုးစားလျက်။ မိလုမိခင်။

မီ

မီ - စည်း / မီ / တစုံတခုသော ပြုလုပ် ဆောင်ရွက်မှုထက် စောသော အင်္ကြီကာ လမ်းညွှန်ပြရာ၌ (ပဋိသေပုဒ် "မ" နှင့် တွဲ၍) သုံးလေ့ရှိသော စကားလုံး။ (မလာမီ၊ မပြောမီ၊ မသိမီ စသည်ဖြင့် သုံးသည်။)

မီ - ကြံ / မီ / တစုံတရာကို ထိနိုင်စွမ်းသည်။ ကာလ၊ ပမာဏ စသည် ထပ်တူကျသည်။

မှီ

မှီ - ကြိ / မှီ / ၁၊ တစုံတခုကို မတ်ရပ်တည်သော အရာဝတ္ထု၌ အားပြုယှဉ်ကပ်၍ တည်စေသည်။ ယှဉ်ကပ် စိုက်ထောင်သည်။ "တခုပေါ် တခု မှီလျက်ရှိလေသည်။" ကာယ။ နိဒါန်း။ (က)။ ၂၊ ဆည်းကပ်အားထားသည်။ "ရှင်သူဌေးကြီးကို မှီရမှ လွတ်ပါမည်။" ကိဏ္ဏရီ။ ၃၈၂။ ၃၊ အထောက်အထား အခြေခံပြုသည်။ အစွဲမူလပြုသည်။ "ဤနည်းကို မှီ၍ ထိုထိုသော ဇာတ်တို့၌။" ကိဏ္ဏရီ။ ၁၄၇။ ၄၊ စွဲဝင်ပူးကပ်သည်။ "ဘီလူးသဘက်၊ နှောင်ယှက်ကပ်မှီ၊ ဝေသလီဝယ်။" ဓမ္မ။ ၁၁။ "အပမှီသည်။"

မှီခို - ကြိ / မှီခို / ၁၊ ဆည်းကပ် အားထားသည်။ အားကိုး ရပ်တည်သည်။ "အစားလုပ်သား တယောက်တွင် မှီခိုသူ နှစ်ဦးရှိသည်ဟု။" လုပ်ဒေ။ ၄၇။ ၂၊ အထောက်အထား အခြေခံပြုသည်။ "ကျမ်းပေစာဖြင့်၊ နည်းနာမှီခို၊ လေ့ကျင့်ဆိုလည်း။" ဝဲ။ ၅၆။

မှီခိုရာ - န / မှီခိုရာ / အားကိုးရပ်တည်ရာ။ အမှီပြုရာ။

မှီငြမ်းပြု - ကြိ / မှီညွန်းပြု / အထောက်အထား အခြေခံပြုသည်။ ကိုးကားထောက်ဆသည်။

မှီတင်း - ကြိ / မှီတင်း / ခိုလှုံရာအဖြစ် စွဲရပ်အခြေပြုသည်။ "လေးဖြာသပထ၊ မျှတမှီတင်း၊ သီတင်းသုံးခါ၊ နေထိုင်ပါ၍ သာလျှင်။" ဓမ္မသာရ။ ၁၇၈။

မှီဝဲ - ကြိ / မှီဝဲ / ၁၊ အာဟာရအဖြစ် စားသုံးသည်။ "မှီဝဲလိုက်သော အစာသည် သွေးသားဖြစ်၍။" ပါဏာဝု။ ၂၁။ ၂၊ သာယာမှု ရယူခံစားသည်။ မေထုန်မှုပြုသည်။ "သူတပါးတို့ မယားကို မှီဝဲ၏။" သံဝိ။ ၇၇။ ၃၊ ပေါင်းယှဉ်ဆည်းကပ်သည်။ "ထိုသူတော်ကောင်းတို့ကိုသာ မှီဝဲ ဆည်းကပ်၍၊ သူတော်တရားကိုသာ နှစ်သက်သောကြောင့်။" ဓမ္မ။ ၄၂။

မှီအုံး - န / မှီအုန်း / ခေါင်းအုံးကဲ့သို့သော ကျောမှီစရာ။

ဒေါက်တာတင့်ဆွေ