၁။ အရှေ့ဘက်မှာ၊ တောင်လက်ယာက၊ တေဇာထွန်း၊ တက်နေထွန်းသို့၊ ပ-ရွှန်းရောင်ခြည်၊ ပြောင်ဦးလည်လျက်၊ သုံးမည်လူများ၊ ကြည်စိတ်ထားသည်၊ ဘုရားသခင်၊ မွေဆံရှင်...။ ဝမ်းတွင်ပြတ်ပြတ်၊ မသိတတ်ခဲ့၊ ကလတ်ကလေး၊ သဘောမမှန်၊ ဘောက်ပြန်လိုလို၊ ထက်ပို-ထက်ဝါး၊ ရှည်လျားကြာမြင့်၊ တဖင့်ဖင့်လျှင်၊ နှုတ်ဖြင့်ပေါ်သာ၊ လိမ်းကျံကာတည်း၊ သစ္စာဝိဓိ၊ ဝက်ချစ်ပန်နက်သည်။ ။ တုပြတ်ရေသို့ လျှံလေသော်။
၂။ တနေ့ရက်ကြာ၊ မမြင်ကာမျှ၊ တရာအသက်၊ ရှည်သမျှထက်လျက်၊ ဆယ်တက်ဆယ်ပြန်၊ မြတ်နိုးလွန်လျက်၊ မင်းမွန်စကား၊ ဆိုသည်များကို၊ ထက်ဖျားမိုးနေ၊ ဘုံကကြွေလည်း၊ မဝေမေတ္တာ၊ ရှင့်ကိုသာဟု၊ ဝမ်းမှာလိမ္မော၊ ကောက်ကျစ်ထွေပြား၊ တံငါများသို့၊ တော်လျားမမူ၊ သို့သသူကို၊ ရှုယူပြညွှန်၊ ဘယ်နတ်တန်၍၊ ချန်ဘိသည်နည်း၊ မိတည်းနောင်တော်၊ မြတ်ဆံကျော်လျှင်၊ မိန့်ဖော်မြတ်ဟ၊ မဆုံးမရှင့်၊ ကြီးလှမြင့်ခေါင်၊ မြင်းမိုရ်တောင်သို့၊ ဆွေမောင်မယ့်သက်၊ ဆိုနိုင်ခက်စွာ၊ မဝက်ကြောင်းလျား၊ ပြန်လျှောက်ကြားသည်။ ။ နှစ်ပါးမောင်တို့ ကြံလေသော်။
၃။ မတူခက်စွာ၊ နောင်မတ်လျာနှင့်၊ သစ္စာယွင်းခွ၊ ကလုလူရှင်၊ ဝမ်းကကြီထွေး၊ ကြက်သွမ်းပေးသို့...
ချစ်ရေးမဆင်၊ သုဇိမ်းစင်မြင့်၊ မယ့်ထွဋ်အဖျား၊ ရှိသည်ဖြစ်လည်း၊ ပစ်ပယ်ဝေးလှူ၊ ဘုန်းတုမမျှ၊ မိတ္တေမိကြီး၊ ဦးရီးကစ၊ ဆုံးမစကား၊ မနာခါးသို့၊ လှည့်ပြားသည်ကို၊ ပျားနှယ်သိရှိ၊ ကတိဝတ်တရား၊ ကျမ်းမိချေသော်၊ ထွေထွေလာလာ၊ သစ္စာမမှန်၊ ဘောက်ပြန်ရုံက၊ ချစ်စိတ်ပျက်သည်။ ။ မယ်သက်မျှကို နှံလေသော်။
မှတ်ရန်များ
တဖင့်ဖင့်လျှင်
တနေ့ရက်ကြာ၊
တရာအသက်၊
ဒေါက်တာတင့်ဆွေ
Comments
Post a Comment