ဘယ် ဘယ့် နှယ် နှစ်

မေးခွန်း

1. ဘယ်နှယ်ကောင် မဟုတ်ဖူးလားဆရာ

2. ဘယ်နှယ်နေလဲ

3. ဘယ်နှယ်လုပ်မလဲ

4. ဘယ်နှယ်ရှိစ

5. ဘယ့်နှယ်ကွာ

6. ဘယ်နှယ်လမ်းမြောက်လဲ

ပြန်စာ

ဘယ်နှယ်ကောင် - မမှန်ပါ။

ဘယ်နှစ်ကောင်လဲ - မှန်ပါသည်။

ဘယ်နှယ်နေလဲ - မမှန်ပါ။

ဘယ့်နှယ်နေလဲ - မှန်ပါသည်။

ဘယ်နှယ်ရှိစ - မမှန်ပါ။

ဘယ့်နှယ်ရှိစ - မှန်ပါသည်။

ဘယ်နှယ်လုပ်မလဲ - မမှန်ပါ။

ဘယ့်နှယ်လုပ်မလဲ - မှန်ပါသည်။

ဘယ့်နှယ်ကွာ - မှန်ပါသည်။

ဘယ်နှယ်လမ်းမြောက်လဲ - မမှန်ပါ။

ဘယ်နှစ်လမ်းမြောက်လဲ မှန်ပါသည်။

ရှင်းလင်းချက်

ဘယ့်နှယ် = မည်သည့်အရာဖြစ်ကြောင်းအမေးစကား။ ဘယ့်နှယ့်ဟာ။

ဘယ့်နှယ်ဟာ = မည်သည့်အရာဖြစ်ကြောင်း အမေးစကား။

ဥပမာ

ပိုးမျိုးရှစ်ဆယ်၊ လူတို့ဝယ်၊ ဘယ့်နှယ်ဘယ်သို့ နေသနည်း။

စာစပ်ရိုးဝယ်၊ မုလေးသွယ်၊ ဘယ့်နှယ်ချရိုး ရှိသနည်း။

ဘယ်

ဘယ် — စည်း / ဗယ် / အမျိုးအမည် မကွဲပြားသော နာမ်တခုခုကို ရွေးထုတ်ရည်ညွှန်း၍ သုံးသော စကားလုံး။

ဘယ်တော့ — စည်း / ဗယ်ခါ / မည်သည့်အခါ ဟူ၍ အနာဂတ်ကာလကို ရည်ညွှန်းမေးမြန်းသည့် အမေးစကားလုံး။

ဘယ်တုန်းက — စည်း / ဗယ်တုန်းက / မည်သည့်အခါကဟူ၍ အတိတ်ကာလကို ရည်ညွှန်းမေးမြန်းသည့် အမေးစကားလုံး။

ဘယ်နံရာအခါ — စည်း / ဗယ်နံယောအခါ / အချိန်ကာလတခုခုကို ရည်ညွှန်းပြောဆိုသည့် စကားလုံး။

ဘယ်နှ — စည်း / ဗယ်နှ / အကြိမ်၊ အရေအတွက် စသည်ကို သိလိုရာ၌ မေးမြန်းသည့် အမေးစကားလုံး။ (ဘယ်နှယောက်၊ ဘယ်နှခု၊ ဘယ်နှခါ စသည်ဖြင့် သုံးသည်။)

ဘယ်ယာရင် — န / ဗယ်ယာရင် / ဝင်ရိုးပေါ်၌ ပွတ်လည်သော ပုံတောင်းကို အတိုက်စားသက်သာ၍ ချောမွတ်စွာလည်ပတ်စေရန် ဝင်ရိုးနှင့် ပုံတောင်း အကြား၌ ခံသောပစ္စည်း။ (အလုံး၊ ဘောဘယ်ယာရင်နှင့် အံဖို၊ ဗေဓါ ဘယ်ယာရင် ဟူ၍ ကွဲပြားသည်။) [လိပ်]

ဘယ်သူဘယ်ဝါ — စည်း / ဗယ်သူဗယ်ဝါ / သိလိုသူ မည်သူဖြစ်သည်ကို မေးမြန်းရာ၌သုံးသော အမေးစကား။

— န / ဗယ်သူဗယ်ဝါ / တစုံတယောက်သောသူ။

ဘယ်သို့၊ ဘယ်ညာ — စည်း / ဗယ်သို့၊ ဗယ်ညာ / မည်သို့သော နည်းအားဖြင့် ပြုမူဆောင်ရွက်သည်ကို မေးမြန်းရာ၌သုံးသော အမေးစကား။

— န / ဗယ်သို့၊ ဗယ်ညာ / တစုံတရာ ရည်ညွှန်းဖော်ပြချက်။

ဘယ့်

ဘယ့်နှာ — စည်း / ဗဲ့နှာ / မည်သည့်အရာဖြစ်ကြောင်း အမေးစကား။ ဘယ့်နှယ်ဟာ။

ဘယ့်နှယ် — စည်း / ဗဲ့နှယ် / မည်ကဲ့သို့၊ မည်သို့၊ မည်ပုံ ဟူ၍ မေးသော အမေးစကား။

ဒေါက်တာတင့်ဆွေ