၃-ကျောက်ဆောင်ဘုရားတိုင် မယ်ဘွဲ့ရတု
ဆင့်လေသံ့။ မပျံ့စဖူး၊၊ အမူးအဖော်၊ ကြိုးသည်သော်ကား၊ နားတော်ပျံ့ညောင်း၊ ညွှတ်ပေ့ကောင်းဟု၊ ရွှေပေါင်းလှည့်ဖြား၊ လျှောက်ပါ ငြားလည်း၊ ရွှေသား မြဲလျှံ၊ ညွှတ်ညွတ်စံသည်။ ချစ်သံမြွက်၊ မခြည်သောကြောင့်။
(ဒု) မပျောင်းရစ်တည်၊ ဗျာပါရည်နှင့်၊ သာကြည်ကြားခက်၊ မိန့်မမြွက်တည့်၊ ခွဲဝက်သံချို၊ အလိုလိုလျှင်၊ ကွဲပြို လွင့်ရှာ၊ သူ့စိတ်မှာကို၊ အာဏာကြီးဘိ၊ ပြီး ဘွယ်ရှိရှု၊ ပြစ်ထိ ဖွေဖွေ၊ ရိပ်ကာနေလည်း၊ ခြောက်ထွေ ကွန့်ရစ်၊ ရှင်တော်စစ်ကို၊ သစ်သစ် ပြန်ခေါက်၊ ပန်ခဲ့လျှောက်ရှင့်၊ မလျှောက်သင့် တောင်း၊ ညှို့နောင်းလျှင်၊ ယုံကြောင်း ယုံခြုံ၊ မယုံပဲကို၊ မှတ်စွဲ တထွေ၊ ပါလေစေဟု၊ ဖြေဖြေခခ၊ ထိန်းယ ငယ်ချို၊ သွေးသီမသာ၊ ကြိုးကာကာသည်။ မေတ္တာစက် မလည်သောကြောင့်။
(တ) ခပေါင်းမြစ်တည်၊ ခုနစ်မည်လျှင်၊ ဖန်ရည်ရောင်ဖုံး၊ တောင်အလုံးကို၊ မြိုက်မိုး ရံပတ်၊ ခွေခဲညွှတ်မှ၊ ရန်လွတ် ညီနောင်၊ နေပြည်ထောင်ကို၊ တင့်အောင်လက်ယာ၊ လည်ခဲ့ပါသား၊ အဝါခြောက်စံ၊ တက်ပျံဖြိုးဖြိုး၊ ဖြိုးဖြိုးပြောင်စက်၊ မတန်ပြက်၍၊ ကွန်ရက် ခြည်ထူး၊ ပြပါဦးလော့၊ နူးနူးညံ့ညံ့၊ ပျံ့ပျံ့၊ ဖြားဖြား၊ စကား မဥ္ဇူ၊ ကြားသံချို၊ သို့သာဆိုရှင့်၊ စွန်းညိုစိတ်မှာ၊ မသိသာခဲ့၊ သစ္စာ တွေးခေါ်၊ နှောင်းစွန်းမြှော်သည်။ ။ မိန့်တော်ခက် မရည်သောကြောင့်။
ပုံပြပြီး AI ကို စာသားတောင်းတော့ အတော်ပြင်ယူရတယ်။
တသောင်း ကို တသောင်း လို့ မှန်အောင် ရေးတတ်သူ၊ သင်ပေးတတ်သူ ရှားတယ်။
ကျွန်တော်တို့ မြန်မာစာနဲ့ မြန်မာစာပေကို လေ့လာလိုသူတွေ ပေါ့ပေါ့တန်တန်နဲ့ မရပါခင်ဗျား။
ဒေါက်တာတင့်ဆွေ
Comments
Post a Comment