Comments ကွန်မင့်များသို့ ပြန်စာ

၁။ ဆရာလည်း မြန်မာစာနှင့် အတော်ပမ်းလှပါပြီ။ မေးရသူတွေအကျိုးရှိပေမယ့် ဆရာပင်ပမ်းတဲ့အတွက် စိတ်မကောင်းဖြစ်မိပါတယ်။

မနေ့တနေ့က စတာ မဟုတ်ပါ။ မြန်မာစာ၊ သုတစာရေးတာ ၁၅ နှစ်ရှိပါပြီ။

၂။ ဦးဖေမောင်တင်နဲ့ဦးဘေမောင်တင် ဘယ်စာလုံးပေါင်းကအမှန်လို့သတ်မှတ်ရမလဲဗျ။ကျွန်တော့်မှာရှိတဲ့စာအုပ်ကတော့ ဦးဖေမောင်တင်လို့ စာလုံးပေါင်းထားလို့ပါ။

ပုံနှိပ်မူမှာ ဘေ နဲ့ ဖေ ၂ မျိုးလုံးတွေ့ရပါတယ်။ အခုစာအုပ်က ထုတ်တာစောလို့ ဦးဘေမောင်တင် လို့ရေးတာက အမည်ရင်း ဖြစ်မလား စဉ်းစားမိပါတယ်။

၃။ ကိုယ့်ကိုယ်ကိုယ် နဲ့ ကိုယ့်ကိုယ်ကို နေ့လည် နဲ့ နေ့လယ် အိပ်ရာ နဲ့ အိပ်ယာ အခုတလော အသုံးများနေပြီး စာလုံးပေါင်းသတ်ပုံ သံသယရှိနေလို့ပါ ဆရာ စစ်ပေးပါဦးခင်ဗျ

ကိုယ့်ကိုယ်ကို ၁၅ ခါလောက်၊

နေ့လယ် အခါ ၂၀ လောက်၊

အိပ်ရာ ၁၀ ခါလောက် တင်ပြထားပါတယ်။

၄။ ဆရာ့စာတွေ ဖတ်နေရင်းက တစ်ခု(တခု) သတိပြုမိတာလေး တခုခုအပြောမှာ ဒါမှမဟုတ် အရေးမှာ …..သောပဲ…တို့ သောလေး တို့ စတဲ့ မြန်မာစကားအသုံး အရေးတွေ ခုနောက်ပိုင်းမှာ တွေ့ရတာများလာသလို ဖတ်ရ မြင်ရ ကြားရတိုင်းလည်း ဘာလို့အဲ့လို မဆုံးသေးတဲ့ စကားလုံးနဲ့ အဆုံးသပ်ပြီး ရေးနေ ပြောနေကြသလဲဆိုတာ သိချင်လို့ ပါ နမူနာအားဖြင့် ချစ်သောလေးတို့ရေ တို့ ကျမချစ်ရသောလေး ရေ တို့ ချစ်သောပဲ တို့ ဘာတွေဖြစ်မှန်းမသိကို ဖြစ်နေကြတော့တာဆရာရေ ကျေးဇူးပြုပြီး အသုံးလေးတွေ ရှင်းပြပြောပြပေးစေလိုပါတယ်။

၂ ခါလောက် တင်ပြထားပြီး။

မဟုတ်မှန်ကြောင်းကိုလည်း လူတိုင်းကသိကြတယ်။

ရေးနေသူတွေမှာ အထင်ကြီးခံ၊ အာရုံစိုက်ခံချင်ကြတဲ့ စိတ်အခြေအနေတတခုရှိကြတယ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog