တေးရေး စန္ဒရား လှထွတ်
ရီရီသန့်
ရေဇလာနဒီ
သေလာမဟီ ဇေယျာပြည်
စစ်ကိုင်းတောင်
တခွင်လုံး ဝန်းပတ်ရံ လည်
ပုထိုးဘုရားစေတီ
ဘိုးဘွားအမွေတည်
အကျိုးပွားစေရည်
တည်ထားနှစ်များ ကြာရှည်
တမျှော်တခေါ်သာပဲ
ရှုလို့မဆုံးတော့ပြီ
ရေဇလာနဒီ
သေလာမဟီ ဇေယျာပြည်
စစ်ကိုင်းတောင်
တခွင်လုံး ဝန်းပတ်ရံလည်
ပုထိုးဘုရားစေတီ
ဘိုးဘွားအမွေတည်
အကျိုးပွားစေရည်
တည်ထားနှစ်များ ကြာရှည်
တမျှော်တခေါ်သာပဲ
ရှုလို့မဆုံးတော့ပြီ
ဆောင်းတွင်းပန်း ပွင့်လန်းဝေစီ
တင့်ဆန်းပေသည်
မကြွေစေချင်ပါပြီ
အိုလေး လှပုံ ထူးပါလို့
သင်းပျံ့ ဆင်းရနံ့ချီ
တောင်လုံးမြိုင်လုံး
ကြိုင်မဆုံးဝေဆာသည်
ဧရာဝတီ ခွေကာလည်
ရစ်သန်းလို့သာ စီးဆင်းသည်
စစ်ကိုင်းတောင်တော်မဟီ
သဘာဝအလှအပတွေနဲ့
ကြည်နူးမဆုံးပါပြီ
ဘယ်ဝယ်ဆီ
တမ်းတကာ မှန်းဆကာ လွမ်းရပါမည်
ဘယ်ဝယ် ဘယ်ဝယ်ဆီ
တမ်းတကာ မှန်းဆကာ လွမ်းရပါ့မည်
အို မသိနိုင်ဘူး အတည်
ငှက်အသွင် တောင်ပံဖြန့်ချီ
အထက်တခွင်
တောင် ကမ်းပါးယံ အနှံ့ဆီ (ဂဘယံ)
အိုလေးလေး မျှော်မဆုံး
သေလာဗွေမဟီ
အိုလေးလေး မျှော်မဆုံး
ဧ ဧရာဝတီ
နေခြည် အနွေး
ထုံးဖြူဖြူ ဖွေးပါတဲ့
စစ်ကိုင်းတောင်
ဇေယျာ ကမ်းအလှ ပန်းချီ
ဧရာဝတီ ရေဇလာနဒီ
မြစ်ရေဖွေးဖွေးဝယ်
ငှက်သမ္ဗန်လှေကလေး စီးကြမည်
သောင်ယံဆီ ဪ တောင်ပံချီ
ခွန်းချို တေးဖွဲ့သီ
ငှက်မောင်နှံ ပျော်မြူးကြပြီ
စစ်ကိုင်းတံတားဘက်ဆီကို
သူလာမလားလို့ မျှော်မှန်းမိသည်
အဝေးဘယ်ဝယ်ဘယ်ဆီ
မောင်ရောက်နေပြီလည်း မေမသိတော့ပြီ
ကမ္ဘေကမ္ဘာအတည်
ရေဇလာနဒီ ဧရာဝတီ
သက်သေညွှန်းဆိုပြုရည်
နောက်တခါမှာ အတူဖူးပါရစေ
ဧရာဝတီ ရေဇလာနဒီ
မြစ်ရေဖွေးဖွေးဝယ်
ငှက်သမ္ဗန်လှေကလေး စီးကြမည်
သောင်ယံဆီ ဪ တောင်ပံချီ
ခွန်းချို တေးဖွဲ့သီ
ငှက်မောင်နှံ ပျော်မြူးကြပြီ
စစ်ကိုင်းတံတားဘက်ဆီကို
သူလာမလားလို့ မျှော်မှန်းမိသည်
အဝေးဘယ်ဝယ်နယ်ဆီ
မောင်ရောက်နေပြီလည်း မေမသိတော့ပြီ
ကမ္ဘေကမ္ဘာအတည်
ရေဇလာနဒီ ဧရာဝတီ
သက်သေညွှန်းဆိုပြုရည်
နောင်တခါမှာ အတူဖူးပါရစေ
ဘယ်ဝယ်ဆီ
တမ်းတကာ မှန်းဆကာ လွမ်းရပါမည်
ဘယ်ဝယ် ဘယ်ဝယ်ဆီ
တမ်းတကာ မှန်းဆကာ လွမ်းရပါ့မည်
အို မသိနိုင်ဘူး အတည်
ငှက်အသွင် တောင်ပံဖြန့်ချီ
အထက်တခွင်
တောင် ကမ်းပါးယံ အနှံ့ဆီ
အိုလေလေ မောင်ဖုန်း မြင်စေချင်သည်
အိုလေလေ မောင်ဖုန်း မြင်စေချင်သည်
နေ ခြည် အညှိုး
ဘုရားစေတီ ပုထိုး တွေနဲ့
စစ်ကိုင်းတောင်
ဇေယျာ ကမ်းအလှ ပန်းချီ။ ။
https://wwwfacebookcom/100079109154257/videos/3392297317711966
သီချင်းစားသားတွေ မှန်တာက အတော် (အတော်ကို) ရှားတယ်။ ဒီသီချင်းနောက်ခံကစာသား မဆိုးလှပါ။ အရင်တွေ့တာတွေထက်တော့ မှန်တယ်။ အကုန်တော့ မမှန်သေးပါ။ ကာရာအိုကေဆိုလို့ရအောင်လုပ်တာတွေက မြန်မာစာညံ့ကြောင်း လူတကာသိစေအောင်လုပ်တာနဲ့ တူတယ်။ သီချင်းစာသား မဖတ်ဘဲ မျက်စိမှိတ်ဆိုတာက တော်ဦးမယ်။ ကြည့်ဆိုလို့ကတော့ ပျက်ရော။
ဒေါက်တာတင့်ဆွေ
Comments
Post a Comment