တို့ နှင့် ဒို့

၁။ တို့ နဲ့ ဒို့ ကိုလည်းရှင်းပြပေးပါလား ဆရာခင်ဗျ။

၂။ တို့မိတ်ဆွေ ကို ဒို့မိတ်ဆွေ လို့ ရေးကြသလိုပဲ ဆရာ  အသုံးလေး သိလိုပါတယ် ဆရာ

၃။ ဆရာ ဒို့ပြည် ဒို့မြေ မဟုတ်ဘူးနော်

၄။ တို့တတွေ နဲ့ ဒို့တတွေ၊ တို့ မင်းကို နဲ့ ဒို့မင်းကို ဘယ်ဟာအမှန်ဖြစ်မလဲ ဆရာခင်ဗျ။

၅။ ဆရာ ကိုးရို့ကားယားရဲ့ စာလုံးပေါင်းအမှန်နဲ့ တို့ နဲ့ ဒို့ ရဲ့ ကွဲပြားပုံတွေ သိပါရစေဆရာ။                         

ကိုးလိုးကန့်လန့်လို့ အရင်ထုတ်သတ်ပုံတအုပ်မှာပါတယ်။ ခုခေတ်မှာ ကိုးရိုးကားရားလို့တွေ့ရတယ်။

တို့

ကုတို့ဆိပ်

ခါးကိုတို့သည်

စာရင်း တို့ (ရေးမှတ်) ထားသည်

ဆီတို့ဖူး

ဆေးတို့ပတ် (ဆေးတို့ဖတ်)

ဆေးလိပ်မီးတို့သည်

တို့ကနန်း ဆိတ်ကနန်း

တို့ကျောင်းသားစာစောင်

တို့စရာနှင့် ငါးပိရည်

တို့တတ် ပင့်တတ်သူ

တို့တို့ဆိတ်ဆိတ်

တို့ထိသည်

တို့ဖတ်ပုဝါ

တို့ဗမာအစည်းအရုံး

နာမည် တို့မှတ်ထားသည်

မေ့ဆေးနှင့်တို့သည်

ရေမွှေးတို့ (ဆွတ်) ထားသည်

လေးတောင်းတတို့ရှိသည်

သူတို့လာကြပြီ

ဒို့ဆိုတာ မြန်မာသတ်ပုံစာအုပ် အဟောင်းတွေမှာရော အသစ်တွေမှာပါ မပါ။ စကားအရာမှာသာသုံးတယ်။ ကဗျာ? ကြွေးကြော်သံ၊ သံချပ်၊ သီချင်းတွေမှာတော့ ရေးကြတယ်။ အဲတာကလည်း နောက်ပိုင်းမှသာရေးတာ။ အရင်က တို့လို့သာ ရေးပါတယ်။

ဗမာပြည်သည် - တို့ပြည်

ဗမာစာသည် - တို့စာ

ဗမာစကားသည် - တို့စကား

တို့ပြည်ကို - ချစ်ပါ

တို့စာကို - ချီးမြှင့်ပါ

တို့စကားကို - လေးစားပါ

တို့ဗမာအစည်းအရုံးနဲ့ ဗမာပြည်လို့ မူလတံဆိပ်မှာ ရေးပါတယ်။ ဗမာကို မြန်မာလုပ်တာက အစာမကျေတဲ့နိုင်ငံရေးသာဖြစ်တယ်။

ကမ္ဘာမကျေ၊ ဗမာပြည်၊ တို့ဘိုးဘွား အမွေစစ်မို့ ချစ်မြတ်နိုးပေ (နိုင်ငံတော်သီချင်း)

သိကြားမင်းလည်း “မောင်နတ်သားတို့၊ အမောင်တို့ ၌ လူသားတို့၏ ဘောပွဲကို ကြည့်သည်လည်း တပြစ်၊ ရထား ခိုးစီးသည်လည်း တပြစ်၊ ဤနှစ်ပြစ် ရှိ၏တကား၊ အမောင်နတ်သားတို့ အဘယ်ဆိုဖွယ်ရာအကြောင်း ရှိသေးသနည်း” ဟု မေးမြန်း၏။ (နတ်ပြည်က ဝတ္ထု - ဇော်ဂျီ)

တို့ဗမာ သခင်ဗဟိုဝယ် တို့သာလျှင် တဗိုလ်ကျမဟဲ့ဆိုတဲ့ အလိုမငယ် (သခင်ကိုယ်တော်မှိုင်း)

တို့ဗမာ သီချင်း (နောင်ဥဒါန်း ဘယ်မကျေ)။ တေးရေး - ဝိုင်အမ်ဘီဆရာတင်။ တေးဆို - သန်းမြတ်စိုး

https://www.youtube.com/watch?v=gBXpn3NQqKw

ကဗျာ၊ သီချင်း၊ ဆောင်ပုဒ်၊ ကာတွန်း၊ ကြွေးကျော်သံ စတာတွေမှာ အသံနဲ့ ကာရန်ကို ဦးစားပေး ရေးလေ့ရှိတယ်။ အဲလိုရေးတာတိုင်းကို စံကိုက်သတ်ပုံလို့ မယူရပါ။

ဒို့ကျောင်းသား (ဇဝန)

မောင်လေး ဒို့ကျောင်းသား ကဗျာ (တင်မိုး)

ဒေါက်တာတင့်ဆွေ