ရွှေသဇင်

(ဦးတိုး၏ ရာမရကန်မှာ သဇင်ပန်းဆွဲ)

မောင်ကိုကို အသံသွင်းသည်။

ဆို - ဝင်းဦး။

(စိမ့်ကြီးမြိုင်ကြီး၊ ရိပ်ကြီးတောတောင် နေရောင်မခံ၊ ပန်းပျံပင်ဆင့် မြေနှင့်ရန်ဖက်၊ ခက်လက်စိမ်းမြ၊ မိုးမခဘူး) ၂

နွေလသန်ပေါက် ရက်ချိန်ရောက်ကာမှ နှင်းသောက်ကယ်ရွှင်ရွှင်၊ ပွင့်ဖူးတွေဆင်ကြသည်။

ရွှေပင်ဆင့်ငွေပင်ဆင့် ပတ္တမြားပင်ဆင့် ဂမုန်းအင့်အဖက် ဆောင်းစက်ရိပ်ခို ရေတွက်လို့ ဆိုတော့မည်။ လက်တံတိုတမည်၊ လက်တံရှည်နဲ့ နေရောင်ခြည် လရောင်ဝါ မိုးလုံးပြာ မိုးလုံးမှိုင်း ပုလဲဆိုင် ပုလဲနှစ် ချစ်စရာ့လိပ်ပြာတောင် နီလာရောင် တောင်လုံးမြိုင် သုံးပွင့်ဆိုင် ခိုင်လုံးလန်း 

ပင်လုံးလန်း နွယ်တန်းယိမ်း ညှာတံစိမ်းများတို့ လေသိမ်းတိုင်းလှ ကိန္နရီကသည့်နှယ်။

တချို့က နီပြာပြာ တချို့က ဖြူဝါဝါ တချို့မှာချိပ်ပွင့် တချို့မှာ ပန်းရင့်လို ပင်ဆင့်ပန်းပျံ ဘွဲ့အမည်ခံချင်းတွင် ဝေယံနန်းမြင့် ပန်တိုင်းတင့်မို့ မြို့ဝန်မင်းစာ လိပ်မပါဘဲ ကွယ်ရာဈေးပြင် ရောင်းလို့များ မြင်မလား သေချင်သေ ရှင်ချင်ရှင် အင်တန့်အင်တန် ဇာတ်တော်ခံသည် မြတ်ပန်တော်ပန်း၊ ခိုင်လုံးလမ်းကို ဟို ချောင်ပန်းပွင့် ဘယ်ဂုဏ်ကြောင့် ဝင့်သတုန်း (ဘုန်းနှင့် ကံနှင့် ရွှေသဇင်) ၄။

မူကွဲတွေ မူလွဲတွေ ရှိပါသည်။ သီချင်းစာသားပါ သတ်ပုံတွေကို မပြင်ပါ။

http://mmblogtesting.blogspot.com/2014/10/blog-post_41.html

ခုခေတ်လိုသာ တတွေကို လျှာရှည်ပြီး စသတ်နဲ့ရေးနေလို့ကတော့ ဖိတ်စာရှည်တာနဲ့ ရာမနဲ့သီတာ တော်တော်နဲ့ လက်ထပ်ကြရမှာ မဟုတ်။ 

ဝီကီပီးဒီးယားမှာ စာသားသတ်ပုံတွေ မှားနေတယ်။ မှန်အောင်ပြင်သင့်ပါတယ်။

ကျွန်တော် အရင်တခါ ကူးတင်စဉ်ကစာမှာလည်း အမှားတွေပါခဲ့လို့ လိုက်ပြင်ရပါတယ်။ ဆောရီး။

ဒေါက်တာတင့်ဆွေ