သည်အငူ မော်အတက်မှာလ
အကျော်ကရမက်ကယ်က မွှေးလှတယ်။ ။
ဂိမ် အကူးပေမို့
ချိန်ဦး ဝသန်မှီလို့
ဟန်ချီချီ ပျံပုရစ်တွေက
ဖူးလှစ်စ သွယ်။ ။
ရပ်မြေပြင် သည်အလှဲ့မှာတော့
ခတ်ရွှေရင် ပလီခဲ့တာမို့
သည်နွဲ့နွဲ့ ခိုင်စံပါယ်ငယ်
မြိုင်လယ်မှာ ကြိုင်လှောင်း။ ။
ခပေါင်းပင်
နှာမောင်း လိမ်လည်တင်လို့
ကြိမ်နွယ်သွင် တမည်ရှိပေငဲ့
လေနှင်ရာ ငွေစင်အိသကဲ့သို့
နှစ်အခြေ ခေတ်ရေထိပြန်တော့
ချောင်ငူ(ဂူ)မှာ တောင်သူတို့သိရန်ဖို့
ဆန်းပွေဘိတောင်းတဲ့မှ
ပန်းငွေမိကျောင်း။ ။ (ဦးကြော့)
မဆွတ်ခင် ညွှတ်ချင်ရက်ဟာမို့
အခက်နှင့် အခိုင်မတော့
မကိုင်လျှင်သာ သာသာပ
ကိုင်ပြန်လျှင် ယိုင်ခါခါနှင့်
ပြိုင်မကြာ ခိုင်ညှာက ပြုတ်တော့မထင့်
ပန်းပုပ္ဖ ပွင့်ပွေလီ။ ။
ထိမ်းအမှတ်
ဝိညာတ် ဝစီဒွါနှင့်
သညာထင်စွာ ပြုရှာကြ
သံသုမာ ဆိုသထင့်
ခရာပို လတာညိုပန်းတွေက
ဆန်းပေ့စီရီ။ ။
ရွှေနန်းသူ ဟန်ပွေလီတဲ့အောင်
ရွှေကေသီတော် ပေါ်မှာဆင်တဲ့
ဂေါ်သဇင် ဒေဝီမှန်တို့ကို
အာခံကာ ကာပြန်ဝင့်ပြီဟု
သဒါလန် ရာဇဒါဏ် သင့်မည်ကြောင့်
မြိုင်မင်း့ခွင် စုံညိုညိုတို့မှာ
ဂုဏ်သိုသို အသာကွယ်၍
ဆာမကျယ် ခမျာငယ် ပွင့်ရှာကြ
နန်းနှင့်ဖြင့် သူမသီ
ပလီငဲ့ ဘိတောင်း။ ။
ရဂုံထဲမှာမို့
ပုံကွဲဆင်တော်မူရအောင်
ရွှေတံချူ ဆောင်မချွတ်ပြီဘု
ခေါင်ထွဋ်ညှာတံက
သာအမြန် ဖျာ့ကျွန်ဖြုတ်ခဲ့ပေါ့
ရွှေဥသျှောင် တောင်ပေါ်မှာဆင်တဲ့
ဂေါ်သဇင် ဒေဝီလှုံတို့လို
ပုံတမူ ယဉ်ယဉ်နှင့်
မူတသွင် ဆန်းရေဖြင့် ရှိပါလိမ့်
ပန်းရွှေ မိကျောင်း။ ။ (ဦးကျော်လှ)
မောင်းထောင်ဦးကျော်လှ၏ လက်တန်းစပ် သံချိုကဗျာ ဆုတော်ငွေ- ၁၀၀၀ ထုပ် ချီးမြှင့်ခံရသကဲ့သို့ ဦးခြုံ၏ လက်တန်းစပ် လွမ်းချင်းကဗျာလည်း ဆုတော်ငွေတထောင် ခံရဖူး၏။
ရှေးစာကဗျာများ ကျေးဇူး။
ဝါဆိုလပြောင်း၊ မိကျောင်းဖွေးဖွေး၊ မိုးအေးအေး
ဒေါက်တာတင့်ဆွေ
Comments
Post a Comment