ခေါပုတ် ပဲပုပ် စပါးပုတ်

- မင်္ဂလာပါ ဆရာ ခေါပုတ် နဲ့ ခေါပုပ် ဘယ်ဟာအမှန်လဲဆရာ

ရှမ်းပဲပုပ်၊ စပါးပုတ်၊ သွေးပုပ်။

- အညာပဲပုပ်၊ ရှမ်းပဲပုပ်လုပ်နည်းမှာ Fermented Soybean ခေါ် ပဲပုပ်စိပဲကို ဓါတုဗေဒလို Fermentation ဖာမင့်တေးရှင်းနည်းနဲ့ လုပ်ရတယ်။ အလွယ်ခေါ် ပုပ်စေအောင်လုပ်တာဖြစ်တယ်။ ဘက်တီးရီးယား သို့မဟုတ် Yeast ယိစ် ခေါ် တဆေးကို သုံးရတယ်။ အဲလိုလုပ်တာတွေကို ပုပ်နဲ့ ရေးရတယ်။

ခေါပုတ်ဆိုတာ ကောက်ညှင်း၊ ငချိတ်ဆန်ကိုလုပ်တာဖြစ်တယ်။ အပုပ်မခံပါ။ ဖါမင့်တေးရှင်းနည်း မသုံးပါ။ စာနဲ့ရေးရင် ခေါပုတ်။

ထည့်စရာကို ပုတ်လို့ရေးပါတယ်။ စပါးပုတ်။ ဝါပုတ်။ ပဲ (ထည့်စရာ) ပုတ်။ ပုတ်ကို ပိုးမထိုးစေရန် နွားချေးသုတ်ထားသည်။

- ပုပ် နဲ့ ပုတ်မှာ သွေးပုပ်စကားလုံးက အမှန်လားရှင်

ရှမ်းပဲပုပ်၊ စပါးပုတ်၊ သွေးပုပ်။

- အိပ်ပုပ်ကြီးတာ အိပ်ပုပ်ကြီးတာ ဘယ်ဟာအမှန်လဲဆရာ သူငယ်ချင်းတဦးနဲ့ငြင်းနေရလို့ပါဆရာ

- ဆရာမင်္ဂလာပါ။ အိပ်ပုပ်လို့ရေးရတာလား၊ အိပ်ပုတ်လို့ရေးရတာလားဆရာ။

ပုပ်သိုးနေအောင်အိပ်တယ်လို့လည်းပြောနိုင်တယ်။ အိပ်ပုတ်ကြီးလို့ ကြီးစာလုံးနဲ့တွဲရင် ပုတ်လောက်ကြီးသဘောဖြစ်မယ်။ အစားပုတ်တယ်လို့လည်း ပြောကြတယ်။ ပါးစပ်ပုပ်ဆိုရင်တော့ မယဉ်ကျေးတာတွေပြောတယ်လို့ဆိုလိုတယ်။ စိတ်ပုပ်ကလည်း စိတ်ထားညံ့တယ်လို့ပြောတာ။ အဲတာ သတ်ပုံစာအုပ်တွေမှာ မပါ။ စကားအဖြစ်သာပြောတာ။

ပုတ် ပုပ် ပုဒ် ပုသ် ပုထ် ပုဂ် ပုစ် ပုဗ်

(စိတ်ထား မပုပ်ပါနဲ့လို့ ရေးရ။ ပုံအတွက် ကျေးဇူး။)

၁။ ကျနော့်ရဲ့ ကိုယ်ပိုင်သံစဉ် ငြိမ်ချမ်းရေး သီချင်းလေး တပုတ်ပါ

တပုဒ်ပါလို့ ရေးရ။

၂။ အိပ်ပုပ်ကြီးတာ အိပ်ပုတ်ကြီးတာ ဘယ်ဟာအမှန်လဲဆရာ သူငယ်ချင်းတဦးနဲ့ငြင်းနေရလို့ပါဆရာ

၃။ ဆရာမင်္ဂလာပါ။ အိပ်ပုပ်လို့ရေးရတာလား၊ အိပ်ပုတ်လို့ရေးရတာလားဆရာ။

အိပ်ပုတ်ဆိုတာ ပုတ်လောက်ကြီးတဲ့သဘောလား မပြောတတ်ပါ။ အစားပုတ်တယ်လို့လည်း ပြောကြတယ်။ ပါးစပ်ပုပ် ဆိုရင်တာ မယဉ်ကျေးတာတွေပြောတာ။ စိတ်ပုပ်က စိတ်ထားညံ့တယ်လို့ပြောတာ။ အဲတာတွေက သတ်ပုံစာအုပ်တွေမှာ မပါ။ စကားအဖြစ်သာပြောတာ။

ပုတ်

စပါးပုတ်

ပါဋလိပုတ်ပြည်

ပုတ်ခတ်ပြောဆို

ပုတ်တလုတ်ကန်

ပုတ်ပြတ်ငှားရမ်း

ပုတ်သင်ညို

ရိုက်ပုတ်သည်

လှိုင်းပုတ်သည်

အိုးပုတ်

ဆောက်ပုတ်လက်နက် (ထုရိုက်စရာ)

ရေလှိုင်းပုတ်

တင်းပုတ်

ပုပ်

ခင်ပုပ်ငှက်

စိတ်ပုပ်

ဆူးပုပ်ရွက်

ပုပ္ပါးတောင်

ပုပ်စပ်

ပုပ်ပွ

ပုပ်အဲ့အဲ့

ပုပ်စော်နံ

ဝက်ပုပ်ရွာ

သစ်ပုပ်ပင်

သစ်ပုပ်ရွာ

အစိမ်းပုပ်ရောင်

အပုပ်နံ့

မြွေငန်းပုပ်

လငပုပ်ဖမ်း

ပုဒ်

ဇနပုဒ်

နာမ်ပုဒ်

ပုဒ်ထီးပုဒ်မ

ပုဒ်ပါဇ်အက္ခရာ

သိက္ခာပုဒ်

ပုသ်

ဥပုသ်သီလယူသည်

ဥပုသ်စောင့်

ပုထ်

ဣရိယာပုထ်

ပုဂ်

ပုဂ္ဂိုလ်

ပုဂ္ဂလိက

ပုဂ္ဂလဓိဋ္ဌာန်

ပုစ်

ပုစ္ဆာ

ပုဗ်

ပုဗ္ဗနိမိတ်

ပုဗ္ဗကြယ်

ဒေါက်တာတင့်ဆွေ