မြန်မာစာမှာ အက္ခရာ

၁။ ကျွန်တော် မူလတန်းပြကျောင်းဆရာပါဆရာ။ ပထမတန်းမြန်မာဖတ်စာကို သင်ကြားရာမှာ အခက်အခဲလေးတခု တွေ့ရပါတယ်။ ဥ ဦ ဦး ကို ဘယ်လိုဖတ်ရမလဲဖြေကြားပေးစေချင်ပါတယ်ဆရာ။ ကျွန်တော်က ပုလဲနယ်ကပါဆရာ။

၂။ မင်္ဂလာပါဆရာရှင်

ဥ ဦ ဦး ဖတ်တဲ့အခါမှာ

ဥ အက္ခရာ အု

ဦ အက္ခရာ အူ

ဦး အက္ခရာ အူး အသံရှည်ဖတ်ရပါတယ်။ သို့မဟုတ်

ဥ အက္ခရာ အု

ဦ အက္ခရာ အု လုံးကြီးတင်ဆံခတ် အူ

ဦး အက္ခရာ အု လုံးကြီးတင်ဆံခတ်အူဝစ္စနှစ်လုံးပေါက်အူးဆိုပြီးဖတ်နေကြတာတွေ့ရပါတယ်ရှင်။ ဘယ်လိုဖတ်တာ အမှန်ဆိုတာရှင်းပြပေးစေချင်ပါတယ်ရှင်။

မြန်မာစာမှာ အက္ခရာအမည်ရတာ ၏၊ ၌၊ ၍ သုံးခုရှိတယ်လို့ဆိုပါတယ်။

ဣ၊ ဤ၊ ဧ၊ ၏၊ ၌၊ ၍၊ ဥ၊ ဦ၊ ဦး၊ သြ၊ သြော်တို့ကိုလည်း အက္ခရာတွေလို့ ပြောဆိုပါတယ်။

အဲတာ ကျွန်တော်သိသလောက်သာဖြစ်ပါတယ်။

ကဗျာသာရတ္ထသင်္ဂဟ သတ်ပုံ - ဦးဗုဓ်

(င အက္ခရာ ပင့်ရစ်နည်း)

င အက္ခရာ၊ ပင့်နည်းမှာမူ

သတ္တဝါ ဂျွမ်း၊ လူမျိုးဂျွမ်းနှင့်

ရက်ကန်း ဂျွမ်းလျှင်၊ ဤမျှထင်၏့

ထို့ပြင်တချက်၊ 

နက္ခတ် လ ဂြိုဟ်၊ ရာဇဂြိုဟ်နှင့်၊ 

သင်္ဂြိုဟ်သည်မှာ၊ ရစ်ရာ မပျက်

တ အက္ခရာ၊ ပင့်ပုံမှာမူ

တျာတျာနီတွေး၊ တေးတျာဖွဲ့ချက်

တျက်တျက်မာခြင်း၊ တျင်းတျင်းကုံစင်။

(ကဗျာအသံ အတွက်, သရ အကြောင်း)

ကဝိလက္ခဏာ၊ 

မြန်မာဘာသာတွင်- သရအက္ခရာ၊ ဗျည်းအက္ခရာဟု အက္ခရာ (၂)မျိုးရှိသည်။

သရအက္ခရာ (၁၁)လုံး

ဗျည်းအက္ခရာ (၃၃)လုံး- စုစုပေါင်း အက္ခရာ (၄၄)လုံးရှိသည်။

မြန်မာဘာသာ၌ အခြေခံသရ (၁၁)လုံး၊ သင်ရိုးသရ (၁၂)လုံးရှိသည်။

အက္ခရာတလုံး တနှစ်ပြသော ရှေးပြက္ခဒိန်လင်္ကာ

၁။ ရှေးဦး အမှုန်ချန်၊ အမှန်မချိန်သေး။

(သက္ကရာဇ် ၁၀၄၁ ခုနှစ်မှ ၁၀၅၀ ပြည့်နှစ်ထိ)

၂။ သူဇာနတ်သစ်စံ၊ ကျော်သံ ညိမ့်ညိမ့်ထွေး။

(၁၀၅၁ -> ၁၀၆၀)

၃။ ဝင်းရွအပျိုရံ၊ အဲးအံ မြည်ကြူးဧး။

(၁၀၆၁ -> ၁၀၇၀)

၄။ မင်းကြင်ချစ်သူမျှော်၊ ချုံသော်သည်ညနွေး။

(၁၀၇၁ -> ၁၀၈၀)

၅။ သူဇာနတ်တို့ရွာ၊ စန္ဒာလလိုဧး။

(၁၀၈၁ -> ၁၀၉၀)

၆။ မိုးမြင့်ကြူးအိန့်မြည်၊ ကြည်ကြည်သာစိမ့်ကြွေး။

(၁၀၉၁- ၁၁၀၀)

"အက္ခရာတလုံး..ဘုရားတဆူ"

ဒေါက်တာတင့်ဆွေ

၃၁-၈-၂၀၁၇