ဒီ သည် အဲဒါ

၁။ ဆရာခင်ဗျာ။ ဒီ နှင့် သည် အသုံးပြုပုံလေး သိချင်ပါသည်။ ဥပမာအားဖြင့် ဒီနေ့ နှင့် သည်နေ့၊ ဒီအချိန် နှင့် သည်အချိန် ဘယ်ဟာအမှန် အမှား ဝေခွဲရခက်နေပါသည်။ ကျေးဇူးတင်ပါတယ်ဆရာ။

၂။ ဆရာ မင်္ဂလာပါ။ ကျတော့်ကို စာလုံးပေါင်း သတ်ပုံလေး မေးခွင့်ပြုပါ။ သည် နဲ့ ဒီ ပါဆရာ။ ရည်ညွှန်းတဲ့အခါမှာ သုံးကြတဲ့အခါ သည်နေရာ ဒီနေရာ သည်ပစ္စည်း ဒီပစ္စည်း ဘယ်ဟာက အမှန်ဖြစ်ပါသလဲဆရာ။

သည် နဲ့ ဒီက စာနဲ့ စကားသာဖြစ်ပါတယ်။ သည်အစားဖြစ်တယ်။ စာရေးရင်တော့ ဤ၊ ယင်း၊ အနှီ၊ ထို၊ ၎င်း၊ အဆိုပါ စသဖြင့် ရေးတယ်။ သည်အလုပ်၊ သည်အမှုလို့ အရင်ကကတည်းကရေးတယ်။ သည်မိုဃ်း သည်လေ သည်လူတွေလို့ အရင်ကရေးပါတယ်။ နောက်မှာ သည်မိုး သည်လေ သည်လူတွေလို့ စာအုပ်ရေးတယ်။ သည်နွေ သည်မိုး သည်ဆောင်း သီချင်းရှိတယ်။

ဒီ

ဒီကရီချသည်

ဒီကျ ဒီတက်

ဒီဃတာလ

ဒီဃနိကာယ်

ဒီဃာယုက

ဒီဃာဝု

ဒီဇင်္ဘာလ

ဒီပယင်း၊ ဒီပဲယင်း၊ ဒီပဲ့ယင်းမြို့ (မွန်-မြန်မာ ကပြားအသုံး၊ ဒီ = ရေ၊ ပဲ့ =ဆိတ်၊ ယင်း = တော)

ဒီပရာဇ်

ဒီပဝင်ကျမ်း

ဒီပိုးကောင်

ဒီလုံးကာတွန်း

ဒီလုံးခင်းသည်

ဒီလုံးငှက်

ဒီလီပဆာမင်း

ဒီလီမြို့၊ ဒေလီမြို့

ဒီရေ

အချိန်ဒီကရီ

သည်

ကုန်သည်

ကုန်သည်

ကချေသည်

လက်သည်

လာသွားသည်

သည်ကိစ္စ

သည်ထန်မင်း

သည်ပင် = သည်မျိုး = သည်ရင်း = သည်ရန် = သည်လျာ = သည်ဟောင်း = မယား-လင်

သည်ပိုးရွက်ဆောင်သည်

သည်မိုး

သည်ရင် = ဆွေးသည်၊ မယား-လင်

သည်ဝါသံခံ = မင်းစေလုလင်

သည်အမှု

သည်အလုပ်

အဆိုသည်

အလုပ်သည်

အသည်ငယ်

အသည်ငယ်

အသည်ကြီး

အသည်ဝန်ကြီး

အသည်အဝါ

အပြောသည်

ဧည့်သည်

ဈေးသည်

သတ်ပုံစာအုပ်ဟောင်းတွေမှာ မပါ။ အဲဒီဟာ၊ အဲသည်ဟာ၊ ဒီကောင်၊ ဒီကောင်မ၊ သည်ကောင်၊ သည်ကောင်မလို့ ရေးကြပါတယ်။ စကားပြောမှာသုံးရာကနေ ဖြစ်လာပုံရတယ်။ အဲတာက စာဆန်တယ်။ အဲဒါက စကားပြော။ ကျွန်တော်ကို ကျတော်၊ ကျနော်လို့ရေးကြပေမယ့် ကျွန်ဒေါ်နဲ့ ကျဒေါ်လို့မရေးပါ။ ဒါလို့ သုံးတာ ခက်ထန်မှုရှိတယ်။ မာတယ်။ ဒါတို့ပြည် ဒါတို့မြေ။

အဲဆိုတာ အဲဒီအရာ၊ အဆိုပါ၊ ထိုဟာ၊ ၎င်း၊ ယင်း၊ အနှီ၊ ဤ သဘောဖြစ်တယ်။ တာမှာ အဓိပ္ပါယ်သပ်သပ်ရှိတယ်။ ခုနစ်တောင် = တတာ၊ တာလမ်းလို့ခေါ်တာမျိုး။ သူ့တာ ကိုယ့်တာ။ အဲတာ၊ အဲဒီတာနဲ့ ဆက်စဉ်းစားရင် သင့်မလား။ အဲဒီဟာကို အဲဟာလို့ပြောကြတယ်။ ဟာဆိုတာ မရေတာတခုခု။ တာက သေချာတယ်။

အဲ့လို့ရေးနေကြတာ မမှန်ပါ။ 

ဒီက ချစ်တာ သိရဲ့သားနဲ့ သူမို့ ခွဲသွားရက်တယ် (မေ့ဘ၀ခဏဘယ်သူယူပါ့မယ် - မာမာအေး)

သည်သောင်ယံက မခွာရက်နိုင်တယ် https://www.youtube.com/watch?v=KLtRUT8Wl_I&list=PLRwbQ0PrfnDZRaM6mEyU-bVmzdNk7jp5A

သည်နွေ သည်မိုး သည်ဆောင်း https://uta-karaoke.com/watch/?v=ZfjvStVyRbQ

ဒေါက်တာတင့်ဆွေ