ဆရာကြီးဆိုတာ ဘယ်သူလဲ

မက်ဆေ့ချ်တခု = ဆရာကြီးရာကောင်းရာသုဂတိဘုန်ဘဝသို့ရောက်ရှိပါစေ ဆရာကြီးရေးသားထားတဲ့စာသားတွေကတကဲ့မှတ်သားလောက်ပါပေတယ်ဆရာကြီးရယ်

၂-၃ ခေါက်ဖတ်တာ သိပ်တော့ နားမလည်သေးပါ။

ဆရာကြီးဆိုတာ ဘယ်သူလဲ။ 

လောလောဆယ်ကွယ်လွန်သူတချို့နဲ့ဆိုင်တာလေးတွေလည်း ရေးတော့ ကွယ်လွန်သူတဦးဦးကို ရည်ညွှန်းတာလား။ 

ကျွန်တော့ကိုလား စဉ်းစားနေရတယ်။ ကျွန်တော်က အခုစာကို ရေးနိုင်ပါသေးတယ်။ 

သုဂတိဘုံ လို့ ရေးရတယ်။

ပြန်စာ = တေးရေးဆရာ နိုင်မြန်မာကို ဆိုလိုတာပါခမျာ။ မှားတာရှိရင် ခွင်လွှတ်ပါဗျာ ရည်ရွယ်သူအထင်မှားမှာကြောက်လို့ပါ။ တောင်းပန်ပါတယ်။

ဟုတ်။

ကျွန်တော်က မေးခွန်းတွေ၊ ကွန်မင့်တွေနဲ့ မက်ဆေ့ချ်တွေမှာ 'ဆရာကြီး' လို့ ရေးတာတိုင်းထဲက 'ကြီး' ကိုဖြုတ်ပြီးမှသာ ပို့စ်မှာ သုံးပါတယ်။ အခု မက်ဆေ့ချ်က ဘယ်သူ့ကိုပြောတာလဲ မသိလို့ ဆက်ထည့်ထားပါတယ်။

ကျွန်တော့အသက်ကတော့ ကြီးရုံမက အိုပြီ။ ဒါပေမဲ့ ဆရာဝန်လောကမှာ 'ကြီး' ကို ဆေးရုံအုပ်ကြီး၊ တိုင်းမှူးတို့အတွက်သာ သုံးပါတယ်။ ကျွန်တော်က မြို့နယ်ဆရာဝန်အဆင့်သာ တာဝန်ရှိခဲ့ပါတယ်။

ဆရာရှင့်

သမီး G6 ကျောင်းသူပါ။

ဖြန့်ကျက် နဲ့ ဖြန့်ကြက် ဘယ်ဟာအမှန်လဲသိချင်ပါတယ်။

ဖြန့်ကြက်

အငွေ့ပျံ နဲ့  အငွေ့ပြန် လဲ သိချင်ပါတယ်။ သမီးကိုကူညီပါနော်။

အငွေ့ပျံ

လန့် ဖျတ် ဖျန့် ဖြန့် ဖျပ် https://burmese-spelling.blogspot.com/2024/04/blog-post_98.html

ပျံ ပြန် https://burmese-spelling.blogspot.com/2022/11/blog-post_427.html

ဒေါက်တာတင့်ဆွေ