ပိုက်ဆံတန်ဖိုးတွေကို ဘယ်လိုရေးမလဲ ဘယ်လိုပြောဆိုမလဲ

၁။ မင်္ဂလာပါဆရာ ၁၀သိန်းခွဲ လို့ပြောနေကြတာဟာ ၁၀သိန်း ၅သောင်းလား၊ ၁၅သိန်းလားဆိုတာ မသဲကွဲလို့ပါဗျ အဆင်ပြေမယ်ဆိုရင်‌ ဖြေပေးပါဗျာ ကျေးဇူးတင်ပါတယ်ဗျ။

၂၀၂၅ ခုနှစ် မတ်လတုန်က တယောက်ကမေးလို့ တင်ပြထားသေးတယ်။

၂။ ၁၀ သိန်းခွဲနဲ့ ၁၀ သိန်း ၅ သောင်း။ ၁ သန်းနဲ့ ၁၀ သိန်း ဘာကွာလဲ။

စာရေး၊ စကားပြောနဲ့ ဂဏန်းသင်္ချာအရေးအသား ရယ်လို့ ရှိပါတယ်။

စာအရေး = ၁၀ သိန်း ၅ သောင်း။

စကားပြော = ၁၀ သိန်းခွဲ။

ဂဏန်းသင်္ချာအရေးအသား = ၁၀ သိန်း ၅ သောင်း။

ဒီနေရာမှာ စာအရေးနဲ့ ဂဏန်းသင်္ချာအရေးတို့က တူတယ်။

မတူတဲ့အခါလည်း ရှိတယ်။ ဥပမာ

၁၉၆၄ ခုနှစ် ကျပ်တရာန်ငွေစက္ကူနှင့် ကျပ်ငါးဆယ်တန်ငွေစက္ကူများကို တရားဝင်ငွေအဖြစ်မှ ရပ်စဲသည့်ဥပဒေ

တရာကျပ်တန် လို့ မရေးပါ။

၂၀၀၀၀ ကျပ်တန်ထုတ်တဲ့သတင်းကို ကျပ် ၂၀၀၀၀ (နှစ်သောင်း) တန်ထုတ်သည်လို့ ရေးရတယ်။ ၂၀၀၀၀ ကျပ်တန်ထုတ်သည်လို့ မရေးရပါ။

ဂဏန်းသင်္ချာအရေးအသားမှာ -

၅၀ ကျပ်

၁၀၀ ကျပ်

၁၀၀၀ ကျပ် စသည်။

စကားပြောမှာတော့ လွယ်ကူသလို ပြောလေ့ရှိကြပါတယ်။

ခွဲ ဆိုတာ တဝက်။ ဥပမာ 

၁ ကျပ် ၅၀ ပြား (ပြား ၅၀) = တကျပ်ခွဲ။

၁၅၀၀၀ = တသောင်းခွဲ။ 

၁၅၀၀၀၀ တသိန်းခွဲ။

မတ် ဆိုတာ ၄ ပုံ ၁ ပုံ။ ဥပမာ

၁ ကျပ် ၂၅ ပြား = ၅ မတ်။

၂ ကျပ် ၂၅ ပြား = ၂ ကျပ် တမတ်။

၄ ပုံ ၁ ပုံဆိုတာ အမြဲတမ်းတော့ ၂၅ မဟုတ်ပါ။ ဥပမာ

၁၅ မိနစ် = နာရီတမတ်။

၁ နာရီ ၄၅ မိနစ် = ၂ နာရီ မတ်တင်း။

မတ်တင်း ဆိုတာ မပြည့်ခင် ၄ ပုံ ၁ ပုံလို။ ဥပမာ 

၁ ကျပ် ၇၅ ပြား = ၂ ကျပ်မတ်တင်း။

၂၅ ကျပ်သား = အစိတ်သား။

၇၅ ကျပ်သား = ၃ အစိတ်သား။

၁၂ ကျပ်ခွဲသား = အဝက်သား။

မြန်မာလို အသုံးအခေါ် ဝေါဟာရတွေ များတယ်။ တချို့ နားမလည်ကြတော့ပါ။

အရင်က အရပ်သုံးဝေါဟာရတွေ ကြွယ်ကြွယ်ဝဝ သုံးခဲ့ကြတယ်။ ဂဏန်းသင်္ချာသင်ယူတဲ့ ကျောင်းသားတွေက သိပ်နားမလည်ကြလို့ မေးမြန်းကြရတယ်။

၂၅ ပြား = ၁ မတ်။

၅၀ ပြား = ၅ မူး။

၁၀၀ ပြား = ၁ ကျပ်။

၁ ကျပ် ၂၅ ပြား = ၅ မတ်။

၁ ကျပ် ၅၀ ပြား = ၁ ကျပ်ခွဲ။

၁ ကျပ် ၇၅ ပြား = ၂ ကျပ် မတ်တင်း။

၇၅ ပြား = ၃ မတ်။

၁၀၀ ကျပ်သာ = ၁ ပိဿာ။

၂၅ ကျပ်သား = အစိတ်သား။

၇၅ ကျပ်သား = ၃ အစိတ်သား။

တန်ဖိုးတူနေရ ဘယ်လိုသုံးသုံး မှန်ပါတယ်။

သင်္ချာမှာလည်း ဈေးတွက်နဲ့ မိန်းမတွက်လိုပါ ရှိခဲ့တယ်။ နည်းသိရင် သူတို့နည်းက ပိုလွယ်တယ်။

မြန်မာ့ရိုးရာ ကိန်းဂဏန်းသင်္ချာ ရှိတယ်။

မြန်မာ့ရိုးရာ ကိန်းဂဏန်းသင်္ချာ https://burmese-spelling.blogspot.com/2023/08/blog-post_946.html

မြန်မာ့ရိုးရာ အခြင်အတွယ်ယူနစ်များ https://burmese-spelling.blogspot.com/2022/11/blog-post_686.html

မြန်မာ့ရိုးရာ ကိန်းဂဏန်းသင်္ချာ (ဒဂုန် နတ်ရှင်) https://myanmarbookscatalog.blogspot.com/2013/01/blog-post_4194.html

ဒေါက်တာတင့်ဆွေ