Head in the Sand နိဗ္ဗိန္ဒတေးထပ်

ကွန်မင့်တခု = သတ်ပုံကိစ္စ အဓိကမဟုတ် ဆိုလိုရင်းက ဆရာ ကျန်းမာပျော်ရွှင် နိဗ္ဗာန်မြင်ရင် ကျေနပ်လျက် နောက်ကျမှ သတ်ပုံကိစ္စ အမှား အမှန် အေးဆေး ဆွေးနွေးရန်။

ဟုတ်။

အလားတူကွန်မင့်တွေ မကြာခဏာလာပါတယ်။ သတ်ပုံမှားလည်း တရားကိုသဘောပေါက်ရင်ပြီးတာဘဲ စသည်။

ကျွန်တော်ကတော့ တရားနဲ့ အတော်အလှမ်းဝေးပါတယ်။

“မြတ်ဗုဒ္ဓ၏တစ်ရားတော်များ” ဆိုရင် မဖတ်၊ တရားမနာနိုင်ပါ။

“ငယဲကျမယ်” ဆိုလည်း မယုံနိုင်ပါ။

“နောင်တစ်မလွန်” ရှိတယ်လို့မထင်ပါ။

“မေတ္တာတစ်ရား” မပွားနိုင်ပါ။

စာကိုဘယ်လိုရေးရေး ပညတ်တွေတဲ့။ ဟုတ်ရဲ့လား။

မနေ့ကပဲ အဘိဓမ္မာ သတ်ပုံစာလေးတင်သေးတယ်။ တခုတည်းထင်မှတ်၊ မျှင်မပြတ်လျှင်၊ ပညတ်ပင်။ အများထင်မှတ်၊ အမျှင်ပြတ်မှ၊ ပရမတ်။ တစ်ခုတည်းမဟုတ်။ သတ်ပုံမှန်မှ တရားလည်းမှန်၏။ (ပရမတ္ထစက္ခုကျမ်းမှ ကောက်နုတ်ချက်)

ကဗျာဆရာတယောက်ကလည်း ပြောတယ်။ သတ်ပုံကိုထားလိုက်ပါ ကဗျာဈာန်ကသာအရေးကြီးသတဲ့။ တချို့ စာရေးသူတွေကလည်း ရေးကြတယ်။ သတ်ပုံဘယ်လိုနေနေ အိုင်ဒီယာကသာ အရေးပါသတဲ့။ ဟုတ်ပါ့မလား။

ကျွန်တော်ကဆရာဝန်၊

"လူနာရောဂါပျောက်ရေးကသာ အရေးကြီးတယ်။ ပိုက်ဆံတွေပိုတောင်းတာ အရေးမကြီး" လို့ ပြောသင့်သလား။

"ပျောက်ပြီးရော ဆေးကုနည်းကအရေးမကြီး" လို့ ပြောသင့်သလား။

"အော်ပရေးရှင်း ဆာဆက်စဖူးလ် ပေးရှင့်ဒိုင်း" ဆိုတာ ကြားဖူးမှာပေါ့။

သတ်ပုံဇောက်ထိုးနဲ့တော့ နိဗ္ဗာန်ကို အတည့်မြင် မမြင် ကျွန်တော် မသိပါ။

ဒေါက်တာတင့်ဆွေ

၅-၁၀-၂၀၁၇

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog