မင်္ဂလာ စင်္ကာပူ မန္တလေး

 

(မှားလည်း မမှား၊ အသားလည်းကျနေတဲ့ စာလုံးတွေကို မပြင်သင့်ပါ။)

မေးခွန်း = "စင်္ကာပူ" နဲ့ "စင်ကာပူ" ဘယ်ဟာကို သုံးသင့်ပါသလဲ။

မေးခွန်း = စင်ကာပူ နဲ့ စင်္ကာပူ ဘယ်ဟာအမှန်ယူရမလဲဆရာ

စင်္ကာပူ = စင်ကာပူ

အရင်ကတည်းကဘာသာခြားစာလုံးတွေကို မြန်မာပြန်ရာမှာပါ အဆင့်တွေနဲ့ရေးကြတယ်။ အင်္ဂလိပ်၊ အိန္ဒိယ၊ ပါကစ္စတန်၊ သီရိလင်္ကာ၊ ကမ္ဘောဒီးယား၊ အစ္စရေး၊ ဣသရေလ၊ စသည်။ အဲတာတွေကို အဆင့်မပါဘဲရေးလည်း သတ်ပုံပျက်စရာမရှိပါ။

အရင်က ဖြတ်လမ်းရေးနည်းတွေ လုပ်ခဲ့ကြတယ်။ အဆင့်တွေပါလေ့ရှိတဲ့ ပါဠိစာနဲ့ မြန်မာစာ ရောနေတာများခဲ့တယ်။ အဲတာတွေကို မဆင့်တော့ပဲ ခွဲရေးတာဟာ ပိုရှင်းလင်းပြီး အဓိပ္ပါယ်လည်း မပျက်စေလို့ သင့်မှန်တယ်။

မိုဃ်း၊ ကျမ္မာရေး၊ ဆြာ၊ မင်းသ္မီး၊ မိုဃ်း၊ မဲးဇာ၊ ယ္ခင်၊ မြမ္မာ၊ သ္ခင်၊ သဲး၊ ဥူး၊ ဧး၊ သ္ခင်၊ ယ္ခင်၊ ယ္ခု၊ မိမ္မ၊ ဆုမ္မ၊ တွေကိုလည်း အခု မရေးကြတော့ပါ။ အဲလိုပြောင်းလဲခြင်းကသာ ခေတ်အရပြောင်းတာမည်ပါတယ်။ ဝါစင်္ဂ = ဝါစ + အင်္ဂ = စကား + အစိတ်အပိုင်းကတော့ ပါဠိကနေလာတယ်။

အဲဒီခေတ်မှာ ပါဠိကို အသုံးများခဲ့လို့ မြန်မာစာလုံးအစစ်တွေမှာပါ အဆင့်တွေနဲ့ရေးကြတယ်။ သ္ခင်၊ ယ္ခင်၊ ယ္ခု၊ ကျမ္မာ၊ မင်းသ္မီး၊ မြမ္မာ၊ မိမ္မ၊ ဆုမ္မ၊ စသည်။ အဲတာတွေကို မဆင့်တော့ပဲ ခွဲရေးတာဟာ ပိုရှင်းလင်းပြီး အဓိပ္ပါယ်လည်း မပျက်စေလို့ သင့်မှန်တယ်။ အရင်ကမှန်နေတာကို ပိုခက်အောင် လွဲအောင်ရေးတာကို သဘောမတူပါ။

အဲဒီခေတ်မှာပဲ မြန်မာစာလည်း မဟုတ်၊ ပါဠိလည်းမဟုတ်တဲ့စကားလုံးတွေမှာပါ အဆင့်နဲ့ရေးကြတယ်။ ဥပမာ အင်္ဂလိပ်၊ အိန္ဒိယ၊ ပါကစ္စတန်၊ သီရိလင်္ကာ၊ ကမ္ဘောဒီးယား၊ အစ္စရေး၊ ဣသရေလ၊ စသည်။ အဲတာတွေကို အဆင့်မပါဘဲရေးလည်း သတ်ပုံပျက်စရာမရှိပါ။

မပြောင်းသင့်တဲ့အဆင့်တွေရှိတယ်။ မန္တလေး၊ မိတ္ထိလာ (မိတ္ထီလာ) မုတ္တမ၊ ပခုက္ကူ၊ ဟုမ္မလင်း၊ နတ္တလင်း၊ မုပ္ပလင်၊ အလ္လကပ္ပ၊ သခွတ္တနယ်၊ သေတ္တရာရွာ၊ သာဝတ္ထိ၊ စေတုတ္တရာ၊ နမ္မတူ၊ သရေခတ္တရာ၊ ညောင်ငုတ္တို ခေတ္တ၊ ခေတ္တရာ၊ မေတ္တာ၊ သေတ္တာစတဲ့အမည်တွေ ဆက်ရေးသင့်တင်တယ်။ အကျႌကိုလည်း မပြင်သင့်သေးပါ။

မန်းလေးလို့ ရေးနေကြတာကိုတော့ သဘောမကျပါ။

ဟင်္သာတ https://burmese-spelling.blogspot.com/2024/05/blog-post_101.html

သုံးဆဲ့ရှစ်ဖြာ မင်္ဂလာ https://burmese-spelling.blogspot.com/2022/12/blog-post_74.html

ရွှေတိုင်ညွန့်ရေးသားတဲ့ သုံးဆယ့်ရှစ်ဖြာ မင်္ဂလာ https://www.youtube.com/watch?v=2EgTVXkdeoM

မင်္ဂလာ ယောက်ျား ဟင်္သာတ သင်္ဘောသီး https://burmese-spelling.blogspot.com/2023/04/blog-post_454.html

ဒေါက်တာတင့်ဆွေ