အိုင်ငယ်လေးထဲက ဖါး

ကွန်မင့် ခေါ် မှတ်ချက်များ

ဒီမနက်မှာ -

သိပ်မယဉ်ကျေးလှတဲ့ ငါ၊ မင်း အသုံးရေးသူကို ဟိုဒ် လုပ်ပါတယ်။

အခြေခံသတ်ပုံလေးလောက်တောင် မသိတဲ့ ကွန်မင့် ၂ ခုကိုလည်း ဟိုဒ် လုပ်ပါတယ်။

သူတို့က ရေးတော့ ကြီးကြီးကျယ်ကျယ်တွေ။

သူ့နေရာနဲ့သူတော့ ဆရာကြီး ဆရာမကြီးတွေဖြစ်မယ်။

တိုင်ပတ်၊ ရှယ်၊ ဂျင်း၊ မွင်းဂါး စတဲ့ ဘန်းစကားလေးသုံးပြီး ငါ့ကွသမား များတယ်။

ပုံပြင်

A frog that thinks he's king in his own pond 

မိမိ၏ ဗွက်အိုင်လေးထဲတွင် မိမိကိုယ်ကို ဘုရင်ဟု ထင်မှတ်နေသော ဖားတကောင်၏ ပုံရိပ်သည် အထူးသဖြင့် မိမိတို့ ကျင်လည်ရာ နယ်ပယ်လေးက အလွန်ကျဉ်းမြောင်းနေပါလျက်နှင့် အတိုင်းအဆမရှိ အလွန်အကျွံ ယုံကြည်ချက်လွန်ကဲစွာ ပြုမူတတ်သူတဦးကို ခိုင်းနှိုင်းရန် အကောင်းဆုံး တင်စားချက် ဖြစ်ပါသည်။

• "တွင်းထဲက ဖား" စကားပုံ: ထင်ရှားသော ဂျပန်စကားပုံတခု ဖြစ်သည့် "I no naka no kawazu taikai o shirazu" ကို ဘာသာပြန်ရလျှင် "တွင်းထဲက ဖားသည် ကျယ်ပြောလှသော ပင်လယ်ကြီးအကြောင်းကို ဘာမျှမသိ" ဟု အဓိပ္ပာယ်ရပါသည်။ ၎င်းသည် ပြင်ပကမ္ဘာကြီးအကြောင်းကို မသိနားမလည်မှုကြောင့် ထောင်လွှားစော်ကားခြင်း ဖြစ်ပေါ်လာရသူတဦးကို ဖော်ပြခြင်း ဖြစ်သည်။

• "ရေကန်ကျဉ်းကျဉ်းထဲက ငါးကြီး" အကျိုးသက်ရောက်မှု: စိတ်ပညာနှင့် လူမှုဗေဒတို့တွင် ဤအခြေအနေကို "ဖားကန် အကျိုးသက်ရောက်မှု (frog pond effect)" ဟု လူသိများသည်။ လူတို့သည် ပိုမိုကျယ်ပြန့်ပြီး အရည်အချင်း မြင့်မားသော အုပ်စုကြီးနှင့် မိမိကိုယ်ကို နှိုင်းယှဉ်ဆန်းစစ်ခြင်း မပြုဘဲ၊ ပိုမိုကျဉ်းမြောင်းပြီး ပြိုင်ဆိုင်မှုနည်းသော ဒေသခံအုပ်စုငယ်လေးနှင့် နှိုင်းယှဉ်သည့်အခါ မိမိကိုယ်ကို ပို၍ အရည်အချင်းရှိသည် သို့မဟုတ် ပို၍ အရေးပါတယ်ဟု ခံစားရလေ့ရှိကြောင်း ၎င်းက ညွှန်းဆိုထားသည်။

• အီစော့ပုံပြင်များ: "မင်းမြှောက်ပေးရန် တောင်းဆိုသော ဖားများ" ပုံပြင်တွင် ပျင်းရိနေသော ဖားများသည် နတ်မင်းထံတွင် အုပ်ချုပ်သူမင်းတပါး ပေးသနားရန် တောင်းခံကြသည်။ ပထမတွင် ၎င်းတို့သည် လှောင်ပြောင် သရော်နိုင်မယ့် ပျင်းရိသော သစ်တုံးတတုံးကို ရရှိခဲ့ကြသော်လည်း၊ နောက်ပိုင်းတွင် ၎င်းတို့ကို လိုက်လံစားသောက်မည့် ဗျိုင်းတကောင်ကို ရရှိသည့်အခါကျမှသာ "တကယ့်" အထက်လူကြီးတဦးကို လိုချင်မိခြင်း၏ အန္တရာယ်ကို လျင်မြန်စွာ သဘောပေါက်သွားကြသည်။

ဖါး လို့ရေးတာကို မှားတယ် ပြောသူတွေလာဦးမယ်။

"ခင်ဂူငေါ ဒေါပုံဝ" လောက်လေးသာ သိသူတွေ။

"ခဂငဓပဝ" ၆ လုံးကို မောက်ချနဲ့သာရေးရမယ်အထိကတော့ ၁၀၀% မှန်ပါတယ်။

ကျန် ၂၇ လုံးကို မောက်မချရဆိုရင်တော့ လွဲပြီ။

ဖါတလုံး ခေါင်းကျား

ရည်းစားဓါးပြ

ပင်လယ်ဓါးပြ

ဒေါက်တာတင့်ဆွေ