ဆေးပညာစာအတွက် မြန်မာလိုအမည်တွေက ဂွကျတာယ်။ ဆေးပညာဆိုတာ အမည်မှားတာနဲ့ လွဲရော။
ဆေးသုတေသနအရ Aloe Vera ရှားစောင်းလက်ပပ် မှန်တယ်။
ရှား – န / ရှား / အပူပိုင်းဒေသများတွင် ပေါက်လေ့ရှိသော အထူးသဖြင့် အညိုရောင်ရှိပြီး၊ ဖန်သော အရသာရှိသော အဆေးထုတ်ယူရသည့် အနှစ်ပါ ပင်စောက်ကြီးတမျိုး။
ရှားစေး – န / ရှားဇေး / ဆေးဆိုးခြင်း၊ သားရေနယ်ခြင်း၊ ဆေးဝါးအဖြစ် သုံးရစားရခြင်းစသည် အနည်းနည်းအသုံးဝင်သော ရှားပင်မှထုတ်ယူရသည့် အဆေး။
ရှားစောင်း – န / ယှားဇောင်း / ယှားလောင်း / အပူပိုင်းဒေသတွင် အလေ့ကျပေါက်ရောက်၍ အရည်ရွှမ်းပြီး ဆူးရှိသော အခက်အလက်တို့၊ ပင်စည်ပွားရွက်လက်အဖြစ် ဖြာထွက်လေ့ရှိသော အပွင့်ပွင့်သည့် အပင်မျိုး။ (ပင်စည်ပွားရွက်လက် ပုံစံအရွယ်အစားအလိုက် ရှားစောင်းအမျိုးအမည် ကွဲပြားသည်။)
ရှားစောင်းခါး – န / ယှားဇောင်းဂါး / ရှားစောင်းချဉ် – န၊ နှင့် အတူတူ။
ရှားစောင်းချဉ် – န / ယှားဇောင်းဂျဉ် / လေးမြှောင့် သဏ္ဌာန် ရွက်လက်များ အဆစ်လိုက်ဖြာထွက်၍ ချဉ်ဖန်ခါးသောအရသာရှိသည့် ဟင်းချက်စားရသော ရှားစောင်းတမျိုး။
ရှားစောင်းပြာသာဒ် – န / ယှားဇောင်းဗျတ်သတ် / ရွက်လက်များ အဆင့်ဆင့်ပွားထွက်၍ အလွန်မြင့်သည့်တိုင် ကြီးရင့်ပေါက်ပွားတတ်သော၊ ခြံစည်းရိုးအဖြစ် စိုက်လေ့ရှိသည့် ရှားစောင်းတမျိုး။ (ရှားစောင်းကြီးဟူ၍လည်း ခေါ်သည်။)
ရှားစောင်းမြင်းနား – န / ယှားဇောင်းမျဉ်းနား / အမျှားဝိုင်း၍ မြင်း၏နားရွက်သဏ္ဌာန် ပင်စည်ပွားရွက်လက်များ၊ ပင်စည်၏ ဝဲယာနှစ်ဖက်မှ ဖြာထွက်လေ့ရှိသော ခြံစည်းရိုးအဖြစ် စိုက်လေ့ရှိသည့် ရှားစောင်းတမျိုး။
ရှားစောင်းလက်ညှိုး – န / ယှားဇောင်းလက်ညှိုး / ပင်စည်ပွား ရွက်လက်မှာ လုံး၍ရှည်ပြီး၊ အဆင့်ဆင့်ဖြာထွက်လေ့ရှိသော၊ အရည်ကို နားကိုက် ပျောက်စေရန် အသုံး ပြုရသော ရှားစောင်းတမျိုး။
ရှားစောင်းလက်ပတ် – န / ယှားဇောင်းလက်ပတ် / ခါး သော အနှစ်သားကို မုန့်ခါးအဖြစ် ပြုပြင်အသုံးပြုရသော၊ အခြေမှ ရွက်ချွန်များ ပတ်လည်ဖြာထွက်သော ရှားစောင်းတမျိုး။
ဒေါက်တာတင့်ဆွေ
Comments
Post a Comment