နှလုံးသွင်းလို့ ရေးရ။
၂။ နှလုံးသွေးကြော ဘယ်နချောင်းရှိလဲ
နှလုံးသွေးကြော ဘယ်နှစ်ချောင်းရှိလဲလို့ ရေးရ။
၃။ နှယောက်အိပ်လားဗျ
နှစ်ယောက်အိပ်လို့ ရေးရ။
၄။ တရက်ဘယ်နဇွန်း ကျွေးရင်လုံလောက်လဲရှင့်
ဘယ်နှဇွန်းကျွေးရင်လုံလောက်လဲလို့ ရေးရ။
နှလုံးသွင်း = အာရုံစူးစိုက်သည်။
ကြားမိသတင်း၊ နှလုံးသွင်း၍၊ ရန်ချင်းလည်းဖြေ။
နှ
စိတ်နှလုံး
နှမ၊
နှမြော၊
နှမြောတသ၊
နှမသားချင်း
နှမိနှမြော = စုံမက်ချစ်ခင်ခြင်း
နှရွဲ = ရှုံ့မဲ့၍ငိုသည်
နှရား = ကြော်ဖွယ်လုလု၊ ကြောက်ကြိမ်းသည်
နှလုံး၊
နှလုံးကျဉ်းမြောင်း
နှလုံးကောင်းဝန်စီး
နှလုံးခုန်
နှလုံးတုန်
နှလုံးမရွှင်
နှလုံးမွေ့လျော်
နှလုံးရည်
နှလုံးရောဂါ၊
နှမ – န / နှမ / ၁။ မိဘနှစ်ပါးမှ ပေါက်ဖွားလာသော သားချင်းတို့အနက် ယောက်ျားကလေးများက မိမိအောက် ငယ်သော မိန်းကလေးကို ခေါ်ဝေါ်သောအမည်။ "ထိုသို့သော နှမ ရှိသည်ကို ယူ၍ မိဖုရားမြှောက်၏။" ဏိပုံ။ ဂ၇။ ၂။ သူစိမ်းမိန်းမကို ယောက်ျားက ယဉ်ယဉ်ကျေးကျေး ခေါ်သော အသုံးအနှုန်း။ "မလေးမိငယ် နှမငယ်၊ ဘဲ့နှယ်နာမ ခေါ်သတုံး။" ပါပိ။ ၄။
နှမစုံမွှေး – န / နှမစုန်မွှေး / တလင်တမယားက မွေးသော သားသမီး။
နှမြော – ကြိ / နှမျော / ၁။ မပေးရက် မကမ်းရက် ဖြစ်သည်။ ကပ်စေးနှဲသည်။ တွန့်တိုသည်။ "မပေးရက် မစွန့်ရက်အလွန်တရာ နှမြော စုံမက်တတ်သည်။" နရ။ ၃၃၅။ ၂။ မစွန့်လွှတ်နိုင်ဖြစ်သည်။ "ငါ၏ အသက်ကို မနှမြော။ စကားပျက်အံ့သည်ကိုသာ ငါနှမြောသည်။" စွယ်။ ပ။ ၂၀၅။
နှလုံး – န / နှလုံး / ၁။ (တွန့်ချည် ဆန့်ချည် ပိန်ချည် ဖောင်းချည် ဖြစ်ခြင်းဖြင့်) သွေးလှည့်ပတ် ခြင်းကို ဖြစ်စေသော တွင်းခေါင်းရှိသည့် ကိုယ်တွင်း အင်္ဂါ။ ဟဒယ။ ၂။ [ဥပစာ] စိတ်။ မနော။ "မကြည် နှလုံး၊ မပြုံးမရွှင်" ရာသီ* ၁။ ၃။ [ဥပစာ] သဘောထား။ "စလုံး လည်း သွေးသောက်နှလုံးကို သိလို၍သာ စမ်းသည်။" ကုလား၊ဒု၊၁၄၆။ ၄။ [ဥပစာ] အလို။ ဆန္ဒ။ "မယ်တော်မင်းသည် ဥယျာဉ်ကစားချင်သော နှလုံးရှိသောကြောင့် ဥယျာဉ် ကစားခြင်းဝင်ရာတွင်။" ဏိကုဏ်။၆၇၉။
နှလုံးကောင်း – နဝိ / နှလုံးဂေါင်း / သဘောထား ပြည့်ဝသော။ "ဘရံတဆစ်၊ မပြစ်မမှား၊ တရားပျော်ပိုက်၊ နှစ်ခြိုက်အင်ဗြူး၊ ကျင်မည်ကြိုးလျက်၊ ထမ်းပိုးလွင့်ကန်၊ သဒ္ဓာလွန်သည်။ ။အကျွန့်နှလုံးကောင်းသတည်း။" သံ* ၁၅၂။
နှလုံးခုန် – ကြိ / နှလုံးဂုန် / ၁။ ထိတ်လန့်ခြင်း၊ အံ့ဩခြင်း စသည်တို့ကြောင့် နှလုံးသား ပိုမိုလှုပ်ခတ်သည်။ ရင်တုန်သည်။ "နှလုံးကျုံ့ချေ လျော့ချေပြုသည်ကို နှလုံးခုန်သည်ဟု ဆိုသည်။" စွယ်ကျမ်း၊ ၇။ ၂၅၇။ ၂။ နှလုံးသား တွန့်ချည် ဆန့်ချည် ပိန်ချည် ဖောင်းချည်ဖြစ်သေည်။
နှလုံးမွေ့ – ကြိ / နှလုံးမွေ့ / အလွန်သဘောကျသည်။ အလွန် ကျေနပ်သည်။
နှလုံးငြိမ် – ကြိ / နှလုံးငြိမ် / စိတ်ငြိမ်သည်။ စိတ်လှုပ်ရှားမှု ကင်းသည်။ "နေ့စဉ် နေ့ဆက် အမြဲလျက်၊ သုံးရက် ခန့်နှင့် နှလုံးငြိမ်၊ ထိုခန္ဓာအိမ် လွန်ရွှင်လန်း။" ဗန္ဓ။ ၆၁၇။
နှလုံးညွတ် – ကြိ / နှလုံးညွတ် / တစုံတရာဆီသို့ စိတ်ရောက်သည်။
နှလုံးတုန် – ကြိ / နှလုံးတုန် / ၁။ နှလုံးခုန် – ကြိ၊ ၁ နှင့် အတူတူ။ "မျက်နှာညိုးကြုံး၊ နှလုံးတုန်၍" ဒေရို။ ဒု။ ၁၃၃။ ၂။ စိုးရိမ်ပူပန်သည်။ "အဟုတ်ကို နှလုံးတုန်စရာ ကောင်းလှပေသပေါ့။" အာတီ။ စ။ ၆၁။
နှလုံးနာ – ကြိ / နှလုံးနာ / ၁။ ရွံရှာစက်ဆုပ်သည်။ "ကလင်တက်တက်လူမျိုးကို တွေ့ရမှာ ရွံမုန်းပြီး၊ အလွန်နှလုံးနာတဲ့အတွက်။" တင်မြတ်။ ၁၄၂။ ၂။ အော့ချင်အန်ချင်ဖြစ်သည်။ "ပျို့ခြင်း၊ နှလုံးနာခြင်း၊ ပါးစပ်မျက်လုံးယောင်ခြင်း။" သက်ရှည်။ ၁၁၉။ ၃။ စိတ်နာသည်။ အသည်းနာသည်။ နာကျည်းသည်။ "သတိုးကျော်လည်း နှလုံးနာ၍.... ခမည်းတော် အိမ်ရှေ့ မင်း အိမ်တော်ကစ၍ မီးတိုက်သည်။" ကုလား၊ ဒု။ ၉၁။
– န / နှလုံးနာ / နှလုံး၌ဖြစ်သော ရောဂါ။
နှလုံးနှစ်ခွ – န / နှလုံးနစ်ခွ / စိတ်နှစ်ခွ – န၊ နှင့် အတူတူ။
နှလုံးပိုက် – ကြိ / နှလုံးပိုက် / ယူမှတ်ယုံကြည်သည်။ နှလုံးသွင်းသည်။ "ဦးဘိုးလှိုင် သည် ကျေးဇူးရှင် ဆရာတော်ဘုရားအား ကျေးဇူးဆပ်ရပေတော့အံ့ဟု နှလုံးပိုက်လျက်။" ယောလှိုင်။ ၂၆။
နှလုံးပျို့ – ကြိ / နှလုံးပျို့ / အော့အန်ချင်သည်။ "ထိုပိုးတို့သည် ရင်ပြည့်ခြင်း၊ နှလုံးပျို့ခြင်း၊ အစာမကျေခြင်း.... တို့ကို ဖြစ်စေတတ်ကုန်၏။" ကာနု။ ၁၈၀။
နှလုံးပျက် – ကြိ / နှလုံးပျက် / စိတ်ဖောက်ပြန်သည်။ "ညီတော်ခြောက်ပါး စမ်းခေါင်းဟောက်လက်၊ နှလုံးပျက်တဲ့ မျက်နှာထားကို။" ပဒ။ ၇။
နှလုံးပြု – ကြိ / နှလုံးဗျု / ယူမှတ်သည်။ နှလုံးသွင်းသည်။ အာရုံစိုက်သည်။ "ဤခွေးနက်ကား ဤမိန်းမပျက်၏ ရန်သူဖြစ်လတ္တံ့ ဟု နှလုံးပြုလျက်။" သံဝတ်။ ၉၀။
နှလုံးဗူး – န / နှလုံးဗူး / နှလုံးသား၏ အတွင်းခေါင်းအရပ်။
နှလုံးမူ – ကြိ / နှလုံးမူ / သတိပြုသည်။ နှလုံးသွင်းသည်။ "ဘုရားမြတ်စွာလည်း ‘မောဂ္ဂလာန်နှလုံးမူနိုင်စေ’ ဟု မစတော်မူ၏။" ပါရာသစ်။ ၂၅။ "မင်းကြီးလည်း မည်သို့မျှမဆို နှလုံးမူကာသာ နေလိုက်၏။" ဝေဿ။ ၂၁၀။
နှလုံးသွေး – န / နှလုံးသွေး / နှလုံးခွန်းသားအတွင်း၌ တည်သော သွေး။ "ကျွန်ုပ်တို့၏ နှလုံးသွေးခဲသလို။" မဲသ။ ၇၁။
နှလုံးသွေးပျက် – ကြိ / နှလုံးသွေးပျက် / ၁။ (ကြောက်ရွံ့ ထိတ်လန့်ဖွယ်ရာကို မြင်တွေ့ရသဖြင့်) စိတ်ဖောက်ပြန်သည်။ ရူးသွပ်သည်။ နှလုံးပျက်သည်။ "ဥမ္မတ္တက အမိတ်နာ၊ နှလုံးသွေးပျက်၍ အလွန်ရူးသော အနာ။" ဓာတု။ ပ။ ၁၁၁။ ၂။ နှလုံးသွေး အသွားအလာ ဖောက်ပြန်သည်။
နှလုံးသွင်း – ကြိ / နှလုံးသွင်း / အာရုံတခုခု၌ စိတ်ကို အမှန်တလဲလဲ ဖြစ်စေသည်။ အာရုံပြုသည်။ အာရုံစိုက်သည်။ စဉ်းစား ဆင်ခြင်သည်။ "အဘယ်သို့သော အကျင့်ရှိသော ယောက်ျား၌ သင်သည်နှလုံးသွင်းသနည်း။" ဏိပုံ။ ၆၀၂။
– န / နှလုံးသွင်း / သဘောထား။ ယူဆချက်။ အလိုဆန္ဒ။ "အမျိုးမျိုးသော နှလုံးသွင်း သဘောထားကို။" သာသမ်။ ၆၁။
နှလုံးအိမ် – န / နှလုံးအိမ် / နှလုံးသား။ "ပဋိသန္ဓေစွဲနေ၍ တည်သည့်နေ့ရက်မှစ၍ နှလုံးအိမ်၌ တချင်ရွေးမျှသော သွေးသည်။" မီး။ က။
ဒေါက်တာတင့်ဆွေ
Comments
Post a Comment