စိမ့် ဆိုတာ
စိမ့်ကြီးမြိုင်ကြီး
စိမ့်စမ်း
စိမ့်ရေ
စိမ့်အေး
စိမ့်စမ်းရေ
ရေစိမ့်
ရေစိမ့်ကျနေတာ
လုပ်စိမ့်မည်
စိမ့်
စိမ့်၁ – ကြိ / စိန့် / ၁။ အရည်သည် တခုခုကိုဖြတ်၍ တဖြည်းဖြည်း ချွေးထွက်သကဲ့သို့ ထွက်သည်၊ ဝင်သည်။ “မိုးရေသည် မြေဆီလွှာအတွင်းသို့ စိမ့်ဝင်သွားသဖြင့်။” လူထုသိပ္ပံ။ ၄။ ၆၅။ ၂။ ခံစားမှု၊ ဝေဒနာ စသည်တို့ တဖြည်းဖြည်း ပျံ့နှံ့သွားသည်။ “အပူတုံးငယ်က၊ ချစ်လုံးကိုတော်ရုံလှိမ့်ပါတော့၊ ကျောစိမ့်စိမ့်လို့ ချမ်း။” ပဒု။ ၁၄။
– န / စိန့် / ၁။ ရေစိမ့်ထွက်ရာ စိုစွတ်သော အရပ်။ ၂။ စိမ့်ရေဖြင့် တောချုံပေါက်သော အရပ်။ “စိမ့်ကျယ်ခုံပြော၊ ဝေးပစ်တောဝယ်။” ပြူကန်* ၁။
စိမ့်၂ – ပစ္စည်း / စိန့် / အလုပ်ကိစ္စ ပြီးမြောက်စေမည့် အဖြစ်ကို ပြသည့် စကားလုံး။ စေအံ့။ စေမည်။ “ခုနစ်ရက်အတွင်း ရမိရမည်။” ကိကုဏ်။ ၂၃။
စိမ့်စမ်း – န / စိန့်စန်း / စိမ့်၁-န၊ ၁ နှင့် အတူတူ။ “စိမ့်စမ်းရေ တံခွန်ရေတို့ကို မှီဝဲသုံးဆောင် အပ်ကုန်၏။” ဥတု။ ၁၀။
စိမ့်တော – န / စိန့်ဒေါ / ၁။ စိမ့်မြေတွင် ပေါက်ရောက်သောတော။ ၂။ မိုးတွင်းအခါ ရေမြုပ်သော ရေချိုတော။
စိမ့်ပေါက် – န / စိန့်ဗောက် / [ဓာတု] စိမ့်အိုးပတ်လည်ရှိ အရည်စိမ့်ထွက်နိုင်သော အပေါက်ကလေး။
စိမ့်မြေ – န / စိန့်ဗျေ / ရေစိမ့်ထွက်ရာ မြေအရပ်။ “မြစ်ယံသဲကြမ်း၊ စိမ့်မြေချမ်းဝယ်၊ သစ်မင်းဟူမူ၊ မူသားဦးခေါင်း။” သမ္ဘာ* ၁၈။
စိမ့်ဝင် – ကြိ / စိန့်ဝင် / ၁။ ဆီ၊ ရေသည်တို့သည် မြေကြီး၊ သဲသည်တို့ အထဲသို့ တဖြည်းဖြည်း ဝင်သွားသည်။ “ဂွမ်းလွှာ ခုနစ်ထပ်တို့၌ လောင်းအပ်သော ဆီသည် စိမ့်ဝင်ပျံ့နှံ့၍ တည်သကဲ့သို့။” ကာဗျ။ ၇။ ၂။ [ဥပမာ] ခံယူချက်၊ သဘောတရား စသည်တို့သည် လူတို့၏ အသိဉာဏ်ထဲသို့ တဖြည်းဖြည်း ဝင်ရောက်သွားသည်။ ၃။ [ဥပမာ] လူများစုအတွင်းသို့ လူနည်းစုက တဖြည်းဖြည်း ဝင်ရောက် နေရာယူသည်။ “ပါတီဝင်တွေဟာ လူထုထဲမှာ စိမ့်ဝင်နေရမယ်။”
စိမ့်အိုး – န / စိန့်အိုး / ၁။ [ဓာတု] နံရံပတ်လည် အပေါက်ကလေးများမှ အရည်စိမ့်ထွက်နိုင်သော အိုးတမျိုး။ ၂။ ရေစိမ့်ထွက်နေစေသော သောက်ရေအိုးတမျိုး။
ယခု "စိမ့်" ဝေါဟာရသည်လည်း ရှေးခေတ်ကဗျာလင်္ကာများနှင့် စကားပြေများတွင် (ဥပမာ- "သိစေစိမ့်သောငှာ" ဟူသော ကြိယာပစ္စည်းအသုံးမျိုးနှင့် "စိမ့်မြေချမ်း" ဟူသော နာမ်အသုံးမျိုးတွင်) အလွန်အဓိပ္ပာယ်ကျယ်ပြန့်စွာ အသုံးပြုခဲ့သည့် စံပြသတ်ပုံတခု ဖြစ်ပါသည်။
ဆိမ့်
ဆိမ့်သောအရသာ
အီဆိမ့်
ဆိမ့်အိမ့်
ချိုဆိမ့်
စိမ့်ကြီးမြိုင်ကြီး - ကိုအံ့ကြီး https://www.youtube.com/watch?v=AorbWJQKyNg
ဒေါက်တာတင့်ဆွေ
Comments
Post a Comment