ဝါဂီနစ်

မြန်မာသဘင်ပညာရှင် အဖွဲ့ချုပ်

(ဒဂုန်ပ ဦးဘတင်)

ဝါဂီနစ်

(၄-၁၀-၄၉-ရက်နေ့ညက ဂး ၃၀-နာရီအချိန်)

ဝါဂီနစ်ဖွဲ့၏ ဥက္ကဌ အဖြစ်

အသံလွှင့်ချက်။

“မြန်မာသဘင် ကြာခြည်လှစ်သလို၊ ရာဇဝင်နာမည် သစ်စေဘို့၊ ဝါဂီနစ်ယ်လို့ ဖွဲ့စည်းကာ”။ “ကျွန်တော်တို့ ဝါဂီနစ်အဖွဲ့ချုပ်ကြီးကို ဟိုလွန်ခဲ့တဲ့ ၁၃၀၈-ခုနှစ်က စပြီး သွားရှာလေသူ ဝန်ကြီး ဒီးဒုတ် ဦးဘချိုကိုယ်တိုင် ဖွဲ့စည်း ပေးခဲ့တဲ့ အဖွဲ့အစည်းတခု ဖြစ်ပါတယ်။ အဓိပ္ပါယ်ကတော့ ရှစ်ပါးသီလ ခံယူတဲ့ အခါ၊ ရှောင်ကြဉ်ကြရန် ဖြစ်တဲ့ ကခြင်း၊ သီခြင်း၊ တီးမှုတ်ခြင်း ဆိုတဲ့ နစ္စ၊ ဂီတ၊ ဝါဒိတ သိက္ခာပုဒ် (၃) ခုကို ဝါဒါသီလိဋ္ဌ ဖြစ်စေခြင်းငှါ ဝါဂီနစ် လို့-အတိုချုပ် သုံးတဲ့ ခေတ်မှာ အတိုချုပ် နာမည် ပါဘဲ။ အရှည် ကတော့ မြန်မာသဘင် ပညာရှင် အဖွဲ့ချုပ်၊ အတို ကတော့ ဝါဂီနစ် ပေါ့ဗျာနော်။

“ပြည်နယ်ကနက်မှာ၊ အသရေမနုတ်ရန်ဘို့၊ ရည်ရွယ်ချက်တွေ အခြေလုပ်ထားကာ၊ ရွှေထုပ်ပါတဲ့ မြပုဝါလို”။ ကျွန်တော်တို့ အဖွဲ့ကြီးရဲ့ ရည်ရွယ်ချက်တွေ (၁၀) ချက် ရှိပါတယ်။ အဲဒီအထဲမှာ တဦးနဲ့ တဦး ညီရင်း အစ်ကို၊ မောင်ရင်းနှမထူ ပေါင်းသင်း ဆက်ဆံကြရမယ်။

စီးပွားရေးမှာလဲ၊ ကူညီ ယိုင်းပင်း ကြရမယ်။ မြန်မာ သဘင်ပညာကို နိုင်ငံခြားအရောက် ထွန်းကားပြန့်ပွားဘို့ ကြိုးစားရမယ်။ သဘင် ဆိုတဲ့ သုခုမ အနုပညာနှင့် တိုင်းပြည် ကောင်းရာ ကောင်းကျိုးကို ဆောင်ရွက်ရမယ်။ တိုင်းရင်းသားအချင်းချင်း ချစ်ခင်ရင်းနှီး သွေးစည်းကြရမဲ့ ဇာတ်လမ်းများကိုသာ ကပြကြရမယ်ဆိုတဲ့ ရည်ရွယ်ချက် တွေပါရှိပါတယ်။ ဒါကြောင့်၊ (ရွှေထုပ်ပါတဲ့ မြပုဝါလို) သခင်နုပြသမျှ အစဉ်အလာမှာ၊ သဘင်သုခုမပညာဟာ လက်နက်တပါးရယ်လို့ ထက်သထက် ထက်တဲ့ ဒုံးဟား သည့်ထက်ထုံးပါတဲ့၊ ပြည်လက်သုံးကို၊ သေးငယ်သည် ဟု ဘေးဖယ်ကာ မထား……)

အမျိုးရယ်၊ ခလေးရယ်၊ သဘင်သယ် ရယ်လို့ အယူတော် မင်္ဂလာစကား အတိုင်း သဘင်သယ်တွေဟာ အတိတ်ဆောင်တဲ့ နိမိတ်မောင်မယ်များ ဖြစ်ကြပါတယ်။ ဒါကြောင့်လဲဘဲ၊ သဘင်သယ်တွေကို၊ ဖယ်မထားနိုင် တော့တဲ့ ဝန်ကြီးချုပ် သခင်နုရဲ့ တနှစ်အတွင်း ငြိမ်းချမ်း ရေး လုပ်ငန်းစဉ်လုပ်ရမဲ့ တာဝန် ဝေခွဲမှု (၁၆) ခုမှာ နံပါတ် (၁၅) မှာ ထည့်ထားပါတယ်။ “ကိန်းခမ်းသာကွယ်၊ ငြိမ်းချမ်းစရာ ထာဝစဉ်ရှုပြီးတော့၊ ကျွန်တော်တို့ရဲ့တာဝန်

ဝါဂီနစ် တခုဘဲရယ်လို့ သခင်နု ပြသမျှအမှု ထင်ရှားစေဘို့၊ ကျွန်တော်တို့ သဘင်သုခုမ အနုပညာရှင်များအား…… လှစ်လျှူ ရှုထားပေမဲ့၊ ကျန်တဲ့တာဝန်ကို ထမ်းခဲ့ပါတယ်ခင်ဗျား-ဟ-ဟ-ဟာ-အား၊ သခင်နုစီစဉ်တဲ့ ငြိမ်းချမ်းရေးကိုဖြင့် တနှစ်မပြည့်ခင် မပျက်မကွက် ဆက်ဆက်ကြီး ရကြပါစေသား ဟာ-ဟာ-ဟာ-အား။

ဒေါက်တာတင့်ဆွေ