"သမီးလိမ်မာ"

ကြည်အေး အမည်နဲ့ တင်ထားတာခုတွေ့တယ်။ ပေါ်လစီသတ်ပုံတွေနဲ့။

ကြည်အေး ရေးတဲ့စာ စစ်မှန်ရင် သတ်ပုံလည်း မှန်ပါတယ်။

စာရေးဆရာ၊ ကဗျာဆရာတွေကို ကလောင်အမည် မဖျက်ကောင်းပါခင်ဗျား။

(၁)

သမီးလိမ်မာ

မမွှေးထုံ မမွှေးထုံ

ပါးကွက်ကျားနဲ့ နပ်ခါးမှုန်

မမွှေးထုံ ဘာကြောင့်မွှေး

ရှင်တောင်နပ်ခါး လိမ်းလို့မွှေး။

မမွှေးထုံ မမွှေးထုံ

စပယ်ကုံးနဲ့ ဆံထုံးပုံ

မမွှေးထုံ ဘာကြောင့်မွှေး

တောစပယ်သေး ပန်းလိုမွှေး။

မမွှေးထုံ မမွှေးထုံ

နှုတ်ခမ်းပါးနဲ့ ကွမ်းဝါငုံ

မမွှေးထုံ ဘာကြောင့်မွှေး

စမုန်ကွမ်းအေး ဝါးလို့မွှေး။

မမွှေးထုံ မမွှေးထုံ

နုတ်ချိုအေးနဲ့ မမွှေးထုံ

မမွှေးထုံ ဘာကြောင့်မွှေး

လိမ်မာခြားရေး သတင်းပြေး

စိတ်တည်ကြည်လို့ သတင်းမွှေး။ (ကြည်အေး)

မြန်မာပြည်မှာ ကြည်အေးတွေ မွေးပါစေ။ 

သမီးလိမ်မာတွေမွှေးပါစေ။

(၂)

ကြမ္မာနွမ်းထင့်

လွမ်းရုံ လွမ်းသော၊ ချစ်ဇာတ်မြော၌

လျောတိုက် လွင့်ပါ၊ ဆင်းရဲတာရှည်

ရာသီ ခြောက်ဆယ်၊ မပျက်ပြယ်ခဲ့

ငယ်က ပျံ့မွှေး၊ မေတ္တာနွေးခဲ့

တရေးရေးမြင်၊ သူ့ရုပ်သွင်ပင်

တလွင်လွင်ကြား၊ သူ့စကားသံ

ခံစားထိတ်ထိတ်၊ သူ့စိတ်နူးညံ့

မူးပျံ့ဆွတ်ကြည်၊ သူနားလည်ဟန်

ခိုမီချင်လှ၊ သူ့ယုယဟန်

အလှကဗျာ ဂီတသာသော

တမ်းရာဘဝ၊ လွဲခဲ့ရ၍

ညယံ ညှိုးငယ်၊ နေ့လယ် ညည်းငွေ့

တမြေ့မြေ့တွေး၊ ဘယ်နေ့ဝေး၌

ပူဆွေး ပြေလျော့၊ မေ့ပျော်မည်လဲ။ (ကြည်အေး)

(တစ်)ရေးရေးမြင် မဟုတ်။ (တစ်)လွင်လွင်ကြား မဟုတ်။ (တစ်)မြေ့မြေ့တွေး မဟုတ်။ သတ်ပုံပြင်တင်သူတွေက ကြည်အေး (အတု) ၏ စာလို့ ရေးရပါမယ်။

(၃)

အမေရေ ရှုမငြီး

ခြေကျင်း လက်ကောက် ပုတီးနဲ့

ရွှေစည်စုံ ရွှေလက်စည်းနဲ့

နတ်သမီးပုံ ပြောမယ်ဆို။

စကား ပိုပို

ဟိုရှေးခါ တပါး။

ရှင်ဘုရင် ဆင်စီး

စိန့်ကြီးငယ့် မြိုင်ချောင်မှာ

မြတ်စိယောင်မှား သစ်ညိုရိပ်ကြားမှာ

ပန်းထမီ ခြုံထည်ပါးနဲ့

နတ်သမီး လှည့်ဖြား။

အမေရေ ရှည်တောင်ဝေးနဲ့

နှုတ်ခမ်းမွှေး ပါးသိုင်းမွှေး

ပုဝါသီကာပေး တသောသောနဲ့

ဖေဇော်ဂျီ လူချော

ပုံပြောမယ် ဆို။

စကား ပိုမို

ဟိုရှေးခါ တပါး။

သူယောင်မယ် ဝေဆာသီးတဲ့

တောကြီးငယ့် အလယ်မှာ

ဒေါနသွယ် တကယ်သင်းချိန်မှ

သလင်းဖြူ မူံ ကျောက်မှာ

ဥုံမန္တာန် သုငေါက်လို့

တောင်ဝှေးယောင်ကာလွှာ။

ပုဆိုးအနီ တဖားဖားမို့

ခါးတောင်းကျိုက်ပေါ့ တကြားကြား

ယောက်ျားဟဲ့ ဘသား

မမေး မမှိတ်အားရှာလို့

ဆေးကြိတ်ပါသဗျား။

ကြည်အေး

၂၇-၇-၆၉

ဒေါက်တာတင့်ဆွေ