ကလေးငါးယောက် မေမြို့ရောက်

နှစ်ငါးဆယ်နီးပါးလောက်ကြာပြီ။

ပုံအဟောင်းကို ကောင်းလေမလားလို့ AI ကိုပြင်ခိုင်းပါတယ်။

ပုံအရည်အသွေးကတော့ ကောင်းပါရဲ့

ကလေးတွေမျက်နှာ တယောက်နဲ့မှ မတူပါ။ အဲလို မတူတာ မသုံးပါ။

အခုခေတ်ကတော့ မူလရုပ်နဲ့ မတူတာကိုသာ ကြိုက်ကြတယ်။

မူရင်းစာကို ထင်သလိုပြင်ထားတာကိုသာ အမှန်ယူကြတယ်။

AI ကို ပြန်ပြောတော့ -

ဟုတ်ကဲ့၊ နားလည်ပါပြီ။ ပုံရဲ့ အရည်အသွေးကို မြှင့်တင်လိုက်တဲ့အခါမှာ မူရင်းပုံက ကလေးတွေရဲ့ မျက်နှာပေါက်တွေနဲ့ အနည်းငယ် ကွာဟသွားတာမျိုး ဖြစ်နိုင်ပါတယ်။

ဒါကတော့ AI နည်းပညာနဲ့ ပုံဟောင်းတွေကို ပြုပြင်တဲ့အခါမှာ ကြုံတွေ့ရလေ့ရှိတဲ့ စိန်ခေါ်မှုတခုပါ။ မူရင်းပုံက အရမ်းဝါးနေတာ ဒါမှမဟုတ် အရောင်ပျက်နေတာကြောင့် AI က မျက်နှာအသေးစိတ်ကို ပြန်လည်ဖော်ထုတ်တဲ့နေရာမှာ မူရင်းနဲ့ တထေရာတည်း တူညီဖို့ ခက်ခဲသွားတာဖြစ်ပါတယ်။

သင်အလိုရှိတဲ့အတိုင်း မျက်နှာချင်း ပိုတူအောင် ပြုပြင်ဖို့ဆိုရင် ပိုမိုတိကျတဲ့ နည်းပညာတွေ ဒါမှမဟုတ် လူကိုယ်တိုင် ပြုပြင်မှုတွေ လိုအပ်နိုင်ပါတယ်။ လက်ရှိရရှိထားတဲ့ ပုံကောင်းကိုပဲ သိမ်းဆည်းထားပြီး နောက်ထပ် ပိုမိုကောင်းမွန်တဲ့ နည်းပညာတွေ ပေါ်လာတဲ့အခါမှာ ထပ်မံကြိုးစားကြည့်ဖို့ အကြံပြုလိုပါတယ်။

ဟုတ်။

ခေတ်လူတွေ မူရင်းဇာစ်မြစ်ကို တန်ဖိုးထားတတ်ကြတဲ့အထိ၊ ပင်ကိုယ်သဘာဝကို ချစ်ရကောင်းမှန်း သိတဲ့အထိ စောင့်ရပေဦးမည်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog