ကမ္ဘာ ပြားခြင်းအကြောင်း

တယောက် မှန်။ တဝိုက် မှန်။ တကယ် မှန်။ ဒါပေမဲ့ စာမေးပွဲမှာ မှန်အောင် မဖြေနဲ့။

ကျောင်းစာတွေမှာဆိုရင် အဲ့စာလုံးတွေမှာ _စ် ပါနေတယ်မလားရှင့် သမီးလည်း ကျောင်းသူဆိုတော့ အဲ့ဒီ _စ်ပါတာကမှ မှန်တယ်ထင်နေတာ

မကြာခဏ ဖြေရပါသည်။

၁၉၈၆ ခုနှစ်ကတည်းက မြန်မာစာ စာလုံးပေါင်းသတ်ပုံတွေကို အထက်အမိန့်နဲ့ ပြင်ထားပါတယ်။

အတိအကျဆိုရင် ၃၀-၉-၁၉၈၆ နေ့က စပါတယ်။

ကျောင်းတွေ၊ ရုံးတွေ၊ ဘဏ်တွေ၊ ပုံနှိပ်တိုက်တွေ၊ လွှတ်တော်တွေမှာ ခိုင်းတဲ့အတိုင်းသာ ရေးသား၊ သင်ကြား၊ ပုံနှိပ်ထုတ်ဝေရပါတယ်။

၁၉၈၈ ခုနှစ်နောက်ပိုင်းကစပြီး စာပေစိစစ်ရေးက

- တ တလုံး စမသတ်ရင် ၁၀ ပြား ဒဏ်ရိုက်တယ်။

- စစ်အစိုးရမူမဟုတ်တဲ့စာအုပ် ထုတ်ဝေခွင့်မပေးပါ။

၂၀၁၂ မှာတော့ စာပေစိစစ်ရေး မရှိတော့ပါ။ သတ်ပုံမှန်အတိုင်း ထုတ်ဝေခွင့် ပြန်ရလာပါတယ်။

ကျွန်တော့ ဆေးပညာစာများ စာအုပ် ၃ အုပ်ထုတ်နိုင်ခဲ့ပါတယ်။

ဒါပေမဲ့ ကျောင်းတွေ၊ ရုံးတွေ၊ ဘဏ်တွေ၊ လွှတ်တော်တွေမှာ ခိုင်းတဲ့အတိုင်းသာ သင်ကြား၊ ရေးသား၊ ဥပဒေပြုကြရပါသေးတယ်။

ဆိုရှယ်မီဒီယာမှာတော့ ကြိုက်သလို၊ ထင်သလို ဘယ်လိုရေးရေး။

- လွဲလေ လူကြိုက်များလေ။

- မှားလေ ဖေါ်လိုအာ ပေါလေ။

- မမှန်လေ ဆဲလီ ဘွဲ့ရလေ။

လူကြီးမင်းတို့ သဘောသာ ဖြစ်ပါကြောင်း။

ကမ္ဘာကြီးသည် အိမ်မှာ လုံးဝန်း၍၊ ကျောင်းမှာ ပြားချပ်နေသည်။

အမှန် စံကိုက် မြန်မာစာ ပြန်လည် အသက်ရှူနိုင်လာပါစေသတည်း။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog