ထင်ရာ လာပြောသူကသာ များတယ်

တင်ထားတဲ့စာ = ဟော်တော့ တပေါင်ကျသွားပြီ

ကွန်မင့်တခု = မြန်မာစာတကယ် ချစ်ရင် ခုလို လုပ်နေတာ မထိရောက်ပါဘူး ငါးပွက်ရာ ငါးစာချ သလိုပါပဲ ဆရာပင်ပန်းပါတယ်။ ထိရောက်စေချင်လျင် ပညာရေးဝန်ကြီဌာနကို အမှားတွေ ချပြလိုက်ပါ။ သူတို့လက်ခံရင်ပြင်ပါလိမ့်မယ်။ ဆရာ့ကို ဆရာလုပ်တာမဟုတ်ပါဘူးဗျ

တခြားကွန်မင့်တခု = ပညာရှင်တွေကသိပြီးသားပါ။ မြန်မာစာဌာနကော၊ ပညာရေးဝန်ကြီးဌာနကော၊မလွန်ဆန်ဝံ့ကြလို့ဒီလိုဖြစ်နေကြတာကိုငိုချင်လျက်လက်တို့သွားမလုပ်နဲ့။ တောင်သူလယ်သမားတွေပြောသလို သွားမလုပ်နဲ့ နွားပြုတ်သွားလိမ့်မယ်။

ပြန်စာ

ပဌမကွန်မင့်လိုပြောသူ ၂၀ ဦးလောက်ရှိပြီ။

ဒုတိယကွန်မင့် ကျေးဇူး။

ဖဆပလ လက်ထက်မှာ လူတွေက တိုင်းပြည်ငြိမ်းချမ်းစေချင်တယ်လို့ သမတ၊ ဝန်ကြီးချပ်၊ ကက်ဘိနက်တွေ ကြားအောင် အသံကုန်ဟစ်ခဲ့ကြတယ်။ ဟစ်တိုင်ကနေလည်း အော်ကြတယ်။

မဆလ လက်ထက်မှာ လောကနိဗ္ဗာန်ရောက်ချင်ကြကြောင်း နေ့တိုင်းနေ့တိုင်း၊ နေရာတိုင်းနေရာတိုင်းကနေ အော်ခဲ့ကြတယ်။

အင်နယ်လ်ဒီ ၅ နှစ်မှာ ဖွဲ့စည်းပုံပြင်ပါ လုပ်ကြတာဘဲမဟုတ်လား။

စကစ လက်ထက်မှာ မီးမရှို့ပါနဲ့၊ လူတွေ မသတ်ပါနဲ့ - ရပ်ပြီလား။

အထက်ကကြားအောင် အော်တိုင်းသာ ဖြစ်လိုတာဖြစ်မယ်ဆိုရင်တော့ သိကြားမင်းကြားအောင်သာ မဖြစ်နိုင်တာ။

မြန်မာစာရေးတာကို ဝေဖန်မှု အမျိုးမျိုး၊ ဆဲရေးမှုအမျိုးမျိုး၊ တရားပြမှုအမျိုးမျိုး အတော်တော့ စုံပြီ။ ဘာတွေလာဦးမလဲ မပြောတတ်။

ညက မအိပ်ခင် တင်ပြလိုက်သလို ရေစာ ပါတာ ရှားတယ်။ ထင်ရာ လာပြောသူကသာ များတယ်။

ဟော်တော့ တရွေးစိလောက်ကျသွားပြီ

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog