၄၂။ ကောင်းတော့ ထန်းပင်ချောင်း၊ တူရွင်းစောင်း၊ ထိုးခံရတော့ ထန်းစေ့မှုတ်။
၄၃။ ကောင်းမှန်း သိတော့ ရွှေအိတ် တစွတ်စွတ်။ (သအိတ် တစွတ်စွတ်)
၄၄။ ကိုင်းကျွန်းမှီ၊ ကျွန်းကိုင်းမှီ။
၄၅။ ကိုယ်ကကျူး၊ ဒူးတောင်မှမယုံရ။
၄၆။ ကောက်ပင် ရိတ်လှီး သလို။
၄၇။ ကောင်းလျှင်စံ၊ ဆိုးလျှင်ခံ။
၄၈။ ကိုယ့်အတတ်နှင့် ကိုယ့်စူး။
၄၉။ ကိုက်မနိုင် ခဲမနိုင်။ (ခဲမရ)
၅၀။ ကုန်ရှုံးတော့တခေါက်၊ လင်ကုန်ရှုံးတော့ တသက်လုံးမှောက်။
၅၁။ ကိုင်းတော မီးလောင်သလို။
၅၂။ ကိုယ့်ငါးချဉ် ကိုယ်ချဉ်။
၅၃။ ကိုယ့်နှစ်သက်က ထန်းပလပ် နတ်ရုပ်ထင်။
၅၄။ ကိုယ့် စိတ်နှင့်နှိုင်း၊ မရိုင်း။
၅၅။ ကိုယ့် ဝမ်းနာ ကိုယ်သာသိ။
၅၆။ ကိုယ့် ရူး ကိုယ် ပတ်။
၅၇။ ကိုယ့် ပေါင်ကို ကိုယ်လှန်၍ ထောင်းသလို။
၅၈။ ကိုယ့် ထက်သာ မနာလို။
၅၉။ ကိုယ့် ကြက် ကိုယ်သတ်စားသလို။
၆၀။ ကိုယ့် ကိုယ် ကိုယ်သော် သူတော်စင် ခုနစ် ပါး။ (မသူတော်ခုနစ်ပါး)
"ကုန်ရှုံးတော့ တခေါက်"
စီးပွားရေး လုပ်ငန်းတခုတွင် အရင်းအနှီး ရှုံးနိမ့်သွားခြင်း သို့မဟုတ် ကုန်သွယ်ရာတွင် အရှုံးပေါ်ခြင်းသည် ထိုတခေါက် (တကြိမ်) သာ နစ်နာခြင်း ဖြစ်သည်။ နောက်တကြိမ် ပြန်လည် ကြိုးစားပါက အရင်းအနှီး ပြန်ရနိုင်သလို၊ အရှုံးကိုလည်း ပြန်လည် ကုစားနိုင်သော အခွင့်အရေး ရှိပါသည်။
"လင်ကုန်ရှုံးတော့ တသက်လုံးမှောက်"
အမျိုးသမီးတဦးအနေဖြင့် အိမ်ထောင်ဖက် ရွေးချယ်မှု မှားယွင်းသွားခြင်း (သို့မဟုတ်) မကောင်းသော လင်ယောက်ျားနှင့် ဆုံစည်းရခြင်းသည် ဘဝ တသက်လုံးအတွက် နစ်နာဆုံးရှုံးသွားခြင်းကို ဆိုလိုပါသည်။ စီးပွားရေး အရှုံးကဲ့သို့ နောက်တကြိမ် ပြန်လည် စတင်ရန် မလွယ်ကူသလို၊ ဘဝ၏ ပျော်ရွှင်မှုနှင့် တန်ဖိုးများပါ တသက်လုံးအတွက် နစ်မြုပ် (မှောက်) သွားနိုင်ကြောင်း သတိပေးထားခြင်း ဖြစ်ပါသည်။
ဒေါက်တာတင့်ဆွေ
Comments
Post a Comment