ကျပ် နှင့် ကြပ်

ကျပ်¹ - န / ကျတ် / ၁။ လေးမတ်သားနှင့် ညီမျှသော အလေးချိန်။ ၂။ ပြားတရာတန်ဖိုးရှိသောငွေ။

ကျပ်² - န / ကျတ် / စောက်နက်သော ထည့်စရာ တောင်းတမျိုး။ "သူ့ကျပ်နှင့် သူ့ဗော်သည်။ ဖိုးသူတော် ကြားသည့်ပုံသို့။" နေမိ ပ။ ၁၃၈။

ကျပ်³ - န / ကျတ် / လည်ပင်း၌ အဖုအကျိတ်ထွက်သော အနာတမျိုး။

ကျပ်⁴ - န / ကျတ် / ၁။ ခြေ၊ လက်စသည် ကျိုးသောအခါ စည်းနှောင်ရာတွင် သုံးရသည့် ပျဉ်ချပ်၊ ဝါးချပ်စသည်။ ၂။ အထည်အလိပ်တို့ကို ချည်နှောင်စည်းတုပ်ရာတွင် အပြင်က ခံရသောပျဉ်ချပ်။ ၃။ ကျပ်ကြိုးပြား ရက်လုပ်ရာတွင် သုံးရသော အပေါက်များ ဖောက်ထားသည့် သားရေချပ်။

ကျပ်⁶ - ကြိ / ကျတ် / ၁။ မချောင်သည်။ ကျဉ်းမြောင်းသည်။ ၂။ ခဲယဉ်းသည်။ "ဆွမ်းရေးထက် ဝမ်းရေးကကျပ်။" စံပယ်။ ၁၂၂။

ကျပ်၇ - ကြိ / ကျတ် ၁၊ ဝက်အူဝက်အူကို တစုံတခုအတွင်းသို့ ဝက်အူလှည့်ဖြင့် ဖိလှည့်သွင်းသည်။ ၂။ မူလီချောင်းတွင် မူလီခေါင်းကို ကဏန်းလက်မဖြင့် လှည့်သွင်းသည်။

ကျပ် — ကြိ / ကျတ် / ၁။ (နားစသည်တွင် ကြက်တောင်စသည် သွင်း၍) ပွတ်လှည့်သည်။ ၂။ ထိုးသွင်းသည်။ “ထက်စွာ သွယ်သွယ်၊ စူးရဲအပ်နှင့်၊ ထိုးကျပ်သောနှယ်။” ဝေပျံ။* ၂၀၅။

ကျပ် — န / ကျတ် / ဂျပ် — န၊ နှင့် အတူတူ။

ကျပ်ကြိုးပြား — န / ကျတ်ကျိုးဗျား / ဂျတ်ကျိုးဗျား / ရက်လုပ်ထားသော အနံသေးကြိုးပြား။ (စည်းနှောင်ရာတွင် သုံးသည်။)

ကျပ်ခိုး — န / ကျတ်ခိုး / ကျပ်စင်တွင် ငြိကပ်နေသော မီးခိုးမှ ဖြစ်သည့် အမှုန့်။

ကျပ်ခိုးစင် — န / ကျတ်ခိုးဇင် / မီးဖိုအထက်တွင် လုပ်ထားသော စင်အဆင့်။ “ကျပ်ခိုးစင်၊ ငါးကင်ချောင်းတဲ့ ကြက်ကယယ်။” သာ။ ၇။

ကျပ်ခုတ် — ကြိ / ဂျတ်ခုတ် / ဂျပ်ခုတ် — ကြိ၊ နှင့် အတူတူ။

ကျပ်ချွတ် — န / ဂျတ်ချွတ် / ၁။ ကျပ်မှ ချွတ်ယူအသစ်။ ၂။ အသစ်စက်စက်။ “ဆရာဖြစ်သင်ဘဲ့ရကာ ကျောင်းမှထွက်စ ဆရာကျပ်ချွတ်ကလေးများ။” သည်မိုး။ ၂၄၁။

ကျပ်စင် — န / ကျတ်စင် / ၁။ ကျပ်တိုက်ရာစင်။ ၂။ ငါးခြောက် လှန်းရန် ပြုလုပ်ထားသော လူတရပ်ခန့်မြင့်သည့် စင်။

ကျပ်စည်း — ကြိ / ကျတ်စီး / ခြေ၊ လက်စသည် ကျိုးသည်ကို ကျပ်ဖြင့် တင်းကျပ်စွာ စည်းနှောင်သည်။

ကျပ်တိုက် — ကြိ / ကျတ်တိုက် / အမဲသား၊ ငါး၊ ကြက်ပေါင်စေး စသည်တို့ကို ကျပ်စင်တွင်ထား၍ ခြောက်သွေ့စေသည်။

ကြပ် - ကြိ / ကျပ် / ၁။ မြဲစေသည်။ အတူတကွဖြစ်စေသည်။ မကွဲမကွာ ဖြစ်စေသည်။ "ပဉ္စသီငါးရပ်၊ ကိုယ်ဝယ်ကြပ်မှ၊ သုံးထပ်သရဏဂုံ။" သံဝေ* ၂၂။ ၂။ မကွဲမကွာနေ၍ ထိန်းသိမ်းအုပ်ချုပ်စီမံခန့်ခွဲသည်။ "သိမ်းဆည်းအုပ်ကြပ်၊ နောက်အုပ်ကြပ်လျက်၊ တပ်မတော်စု။" ကုသ* ၁၅၃။

ကြပ်ကြပ် - ကြိဝိ / ကျပ်ကျပ် / ၁။ မြဲမြံစွာ။ အမြဲအမြဲ။ အခိုင်အမာ။ အတင်းအမာ။ "အာဝဇ္ဇုံ၊ ကြပ်ကြပ်ဆုံ၊ မြဲမြံစေကြ၊ နိဂဏ္ဌနှင့်။" သံဝေ* ၅၃။ ၂။ အနီးအကပ်။ အလွန်နီးကပ်စွာ။ "ထံပါးကြပ်ကြပ်၊ ရှေ့တွင်ရပ်သို့။" ဘူပေါင်* ၇၃။

ကြပ်ကြပ်တင်းတင်း — ကြိဝိ / ကျတ်ကျတ်တင်းတင်း / မိမိနှိပ်နှိပ်။ ခိုင်ခိုင်မြဲမြဲ။ နိုင်နိုင်နင်းနင်း။ “သစ္စာဓမ္မ၊ မြတ်ဘဝ၌၊ မခွတ်တပ်တပ်၊ အထပ်ထပ်ဖြင့်၊ ကြပ်ကြပ်တင်းတင်း၊ တည်စေလျင်း၍။” သောမ* ၁၄၃။

ကြပ်ကြပ်တည်းတည်း — ကြိဝိ / ကျတ်ကျတ်တီးတီး / အပြင်းအထန်။ “အခွန်တော်ဆိုင်ရာ အကြီးအအုပ်တို့က ကြပ်ကြပ်တည်းတည်း ဆင့်ဆိုစောင့်ထိန်း ထမ်းရွက်စေ။” လွှတ်။ ၁၇။

ကြပ်စည်း — ကြိ / ကျတ်စီး / ၁။ မကွဲပြားရအောင် အုပ်ထိန်းသည်။ “ပြစ်တိုကလည်း မိမိတို့တတွင် ကြပ်စည်း၍ နေသည်။” ရာဇပုံ။ ၂၆၃။ ၂။ စည်းကြပ် — ကြိ။ ၂၊ နှင့် အတူတူ။

ကြပ်မ — ကြိ / ကျတ်မ၊ / မကွဲမကွာ ဆောင်ရွက်သည်။ ကိုယ်တိုင် ဆောင်ရွက်သည်။ “ဆင့်၍ ပိုင်ပိုင်၊ မှုပြီးတိုင်စေ၊ မနိုင်လတ်ကာ၊ ကိုယ်ကြပ်မလော။” ကုသ* ၂၁။

ကျပ်တင် — ကြိ / ကျတ်တင် / ကျပ်တိုက်သည်။

— န / ကျတ်တင် / ကျပ်တိုက်ထားသော အမဲ၊ သား၊ ငါး။

ကျပ်တင်း — ကြိ / ကျပ်တင်း / မလှုပ်ရှား သာအောင် ကျဉ်းမြောင်းသည်။ “အိမ်ထောင် ကျပ်တင်း၊ နှောင်ချိုင့်တွင်းမှ။” မဃ* ၁၁၃။

ကျပ်တည်း — ကြိ / ကျတ်တီး/ကျတ်တဲ / ၁။ လျော့ခြင်း ချောင်ခြင်း မရှိ။ ကျဉ်းမြောင်းသည်။ “လောကကြီးအလယ်မှာ ပြုဘွယ်ကျပ်တည်းကြောင်း။” သူရ၊ ပ။ ၁၉၁။ ၂။ လွတ်လပ်မှု မရှိ။ ၃။ (စားဝတ်နေရေး) မချောင်လည်။ ၄။ ခဲယဉ်းသည်။

ကျပ်ထုပ် — န / ကျတ်ထုပ် / ကျွတ်ထုပ် — န၊ နှင့် အတူတူ။

ကျပ်ပြား — န / ကျတ်ပျား / ၁။ (အလေးချိန်) လေးမတ်သားရှိသော ငွေဒင်္ဂါး။ ၂။ ပြားတရာတန်ဖိုးရှိသော ငွေဒင်္ဂါး။

ကျပ်လုံး — န / ကျတ်လုန်း / အချင်း တလက်မရှိသောအချင်း အတံ။

ဒေါက်တာတင့်ဆွေ