ပြန်စာ
စီစာနဲ့ ဒီနေ့တက်ကို စတင်လိုက်ပါပြီ။ စာရေးဖြစ်လို့ ကျေးဇူး။
ပြဋ္ဌာန်းလို့ ရေးရတယ်။ ဋ္ဌ ကလည်း ယူနီကုတ်မှာ ဂွကျတယ်။ ကျွန်တော်တော့ ဖုန်းကနေ မရိုက်တတ်။ ကွန်ပြူတာကနေသာ စာရေးရတယ်။
လူကြီးမင်း မှတ်ချက်က အနှစ် ၂၀ လောက်နောက်ကျနေပြီ။ သမိုင်းကြောင်း၊ အထောက်အထား၊ အကိုးအကေားတွေကို တင်ပြနေတာ အနှစ် ၂၀ နီးပါးရှိပြီ။
အဲလို အခုမှ တရေးနိုးလာသူတွေ ရှိတယ်။
တရေးနိုးတာလည်း ကောင်းပါတယ်။ တချို့က အခုထိ တရေးမနိုးကြသေးဘူး။
၁၉၆၀ လွဲနေတယ် ၁၉၈၆ စက်တင်ဘာလ ၃၀ ရက်နေ့မှာ အမိန့်စာနဲ့ ပြင်စေသတည်း လုပ်ထားတာ။
အကြောင်းပြချက်တွေကတော့ ငါ့စကား နွားရ (ကန်တော့)။
အရင်ရေးတာတွေ မှားနေလို့ မဟုတ်ဘဲ ပေါ်လစီမူအရ ပြင်ထားတယ်။
နှစ်ပေါင်း ၄၀ ဆိုတော့ လူပေါင်း သန်း ၄၀ တို့က ပေါ်လစီမူကိုသာ လူထင်ကြတာ အဆန်းမဟုတ်ပါ။
ကျွန်တော်က မြန်မာစာကို ဆရာကြီးလုပ်ပြီး သင်ပြေပေးနေတာလည်း မဟုတ်ပါ။
မျက်စိဖွင့်ပေးနေတာ၊ တရေးနိုးလာအောင် ဆူညံသံပေးနေတာ။
ကျွန်တော်တင်ပြနေတာတွေကို လက်မခံလို့လည်း လူကြီးမင်းတို့ လက်ရှိ၊ ရာထူး၊ တာဝန် ကျဆင်းစရာ မရှိပါ။
ပညာကို ပညာလို လေ့လာလိုသူတွေအတွက်တော့ အုတ်တချပ် သဲတပွင့်။
အဲဒီ အုတ်တချပ် သဲတပွင့် ဆိုစကားကိုလည်း မှန်အောင်ရေးတတ်သူ ၅-၁၀% လောက်သာရှိတယ်။ အဲဒါတောင် ၁-၂% ကနေ တက်ထာတာ။
အာဏာအောက်မှာနေရသူတွေ မှန်အောင် မရးရ၊ မှန်တာ မလုပ်ရ၊ မှန်အောင် မဖြေရပါ။
မှန်တာကို မသိသူက လုံးလုံးလျားလျား အများစု။
မှန်တာ သိလာပေမဲ့ အခြေအနေမပေးသူက နောက်တစု။
အခြေအနေရှိပါလျက်ကနဲ့ ရထားပြီးသား နာမည် (ကလောက်အမည်)၊ ဂုဏ်ရှိန်ကို ဆက်ထိန်းချင်သူတွေကလည်း ၁၀% လောက်တော့ ရှိနိုင်တယ်။
အဲလိုဖြစ်နေတာ ရာစုနှစ်တဝက် ကြာပြီ။
သတ်ပုံမှန်စာအုပ်တွေ ထုတ်ခဲ့ပြီး ၁၉၈၆ နောက်ကျမှ ပေါ်လစီလိုင်း ကူးပြောင်းတဲ့ နာမည်ကြီးတွေလည်း ရှိတတယ်။ လက်ထဲမှာ တအုပ်ရှိတယ်။
လက်ရှိမြန်မာစာသင်ယူနေသူ၊ သင်ယူခဲ့သူ အများစုက အဲလိုပုဂ္ဂိုလ်မျိုးတွေရဲ့ တပည့် ကျောင်းသူ ကျောင်းသားတွေ။
မဟာဘွဲ့၊ ပါရဂူဘွဲ့၊ ဂုဏ်ထူးဆောင်ပါရဂူဘွဲ့အတွက် ပေါ်လစီနောက်လိုက်ရုံမှတပါး အခြားမရှိ။
မှတပါး ကို မှန်အောင်ရေးတတ်သူ ၁၀% ထက် မပိုတာလည်း သိပါကြောင်း။
တရေးနိုးသော် အကြံပေါ်ကြစေသတည်း။
ဒေါက်တာတင့်ဆွေ
Comments
Post a Comment