ခွေးမြီးကောက် ကျည်တောက်စွပ်

၁။ ခွေးမှီးကောက် ကျည်ထောက်စွပ် စကားရဲ့ အဓိပ္ပာယ်က ဘာလဲဗျ သိတဲ့သူများပြောပြကြပါ

ကျွန်တော့ကို မေးတာ မဟုတ်ပါ။ မှီး နဲ့ မြီးမှားနေတာ့ ဖြေလိုက်ရင် မေးတာ မဟုတ် ဖြစ်နေမလား မသိပါ။

၂။ ဆရာ့ရှင့် ခွေးမြီးတောက်ခြေထောက်စွပ် နဲ့ ဗလက်ချီးနန်း စကားလုံးအမှန်ကို သိပါရစေရှင့်

ခွေးမြီးတောက် မဟုတ်ပါ။ ခွေးမြီးကောက် ကျည်တောက်စွပ်ဖြစ်ပါတယ်။

ခွေးတွေအမြီးဟာ ကောက်နေတယ်။ မွေးကတည်းက ကောက်နေတာ။ ဖြောင့်အောင်လုပ်မရ။ ဒါပေမဲ့ ကျည်တောက်ခေါ် ဝါးကျည်တောက်နဲ့စွပ်ထားရင် ကျည်တောက်ထဲမှာ ဖြောင့်နေတယ်။ ကျည်ထောက် ဆွဲချွတ်လိုက်တာနဲ့ ခွေးမြီးက ကောက်မြဲသာ ကောက်နေမယ်။ ဆိုဆုံးမ မရသူတွေဟာ၊ လူကြီးမိဘ၊ ဆရာသမားရှေ့မှာတော့ လိမ္မာချင်ယောင်ဆောင်တဲ့သူ ကွယ်ရာမှာ မိုက်မြဲမိုက်တာကို တင်စားပြောလေ့ရှိတယ်။ တောရွာတွေမှာ ခွေးအမြီးကို မီးပုလွေခေါ် မီးမှုတ်စရာနဲ့စွပ်ပြီး ဆော့ကစားလေ့ရှိတယ်။

ဗလက်ချီးနန်း မဟုတ်ပါ။ ဗလချီးရမ်းလို့ ရှိတယ်။ အရပ်သုံးသာဖြစ်တယ်။ ဗရပွ၊ ဗရပျစ်၊ ဗရမ်း ဗဒါ၊ ဗလာင်ဆူ၊ ဗရပြွတ်၊ ဗရွတ်ရွှတ်တ၊ ဗရုတ်ဗရက်၊ ဗရုတ်သုက္ခ၊ ဗရုတ်သုတ်ခ၊ ဗရုန်းဗရင်း၊ ဗရုန်းသုန်းကားဗရဗွေ ဗလပျစ်၊ ဗရဗွေ စောင်းရမ်း၊ ဗလုံးဗထွေး၊ ဗလက်ကာရ၊ ဗလချာ၊ ဗလစ်ဗလစ်၊ ဗလာင်ဆန်၊ ဗယောက်ဗယက်၊ ဗလေ ဗလွင့်၊ ဗလောင်းဗလဲ၊ ဗလောင်ဆန်လို့ရှိတယ်။ ဟိုဟိုသည်သည် အစီအစဉ်တကျမရှိဘဲ ရမ်းချင်ရာရမ်းတာမျိုးမှာ ပြောလေ့ရှိတယ်။

မှီးကို ကြိယာအဖြစ် သုံးနိုင်တယ်။ မှီးရေးသည်။ ကိုးကားသည်။ နည်းနာယူသည်။

မြီး

ငကြင်းမြီး

မြီးကောင်ပေါက်

မြီးစွပ်နွား

မြီးဆံ

မြီးညောင်းရိုး

မြီးညှောင့်ကောင်

မြီးညှပ်ကောင်

မြီးတံ

မြီးတုံးစပါး

မြီးထူးမြီးပပ်

မြီးပျမ်းကြိုး

မြည်း

ဆားမြည်း

မြင်းနှင့်တူသော မြည်း

ဟင်းမြည်း

မြည်းတကောင်

ဟင်းကိုဆားမြည်းပါ

မြည်းကြည့်မှသိမယ်

မန္တလေးမြီးရှည် https://burmese-spelling.blogspot.com/2022/10/blog-post_14.html

 

ဒေါက်တာတင့်ဆွေ