တို့စာ တို့စကား တို့တိုင်းပြည်

ပဲသီး၊ ခဝဲသီး ခြံစည်းရိုး သီး၏။ ပဲရှည်သီးပင်၊ ဗူးပင် စင်လို၏။ တိုင်ထောင်ပဲဆို တိုင်လို၏။ မြူရွက်၊ ဗောက်ရွက်၊ မြက်ထဲသာ ပေါက်နေကြ၏။ နှင်းဆီ မြေစိုက်ရော အိုးစိုက်ပါ လုပ်ထား၏။ ခွါညို၊ ဂေါ်သဇင်သည် မှီချင်၏။  အပင်ကြီးတွေဆို မလို။ ဘုရားရှင်တို့သည် အမှီပင်ဖြင့် ပွင့်ကုန်ကြသည်ဟု မှတ်သားရပါ၏။ ဒေါက်တာတင့်ဆွေ ၂၁-၆-၂၀၁၉ ၂၁-၆-၂၀၂၆

  မေးခွန်းတခု = မဟုတ် မမှတ်ပါနဲ့ လား။ အဟုတ် မမှတ်ပါနဲ့လား။ ပြန်စာ "အဟုတ် မမှတ်ပါနဲ့လား" သည်သာ အသုံးအများဆုံးနှင့် အမှန်ကန်ဆုံး အဓိပ္ပာယ်ကို ဆောင်ပါသည်။ "အဟုတ်" ဆိုသည်မှာ အစစ်အမှန်၊ အတည်အမြဲ (True/Serious) ဟု အဓိပ္ပာယ်ရသဖြင့် "အဟုတ် မမှတ်ပါနဲ့လား" ဟု ဆိုလျှင် "အတည် (သို့မဟုတ်) အစစ်အမှန်ဟု သဘောမထားပါနဲ့လား" ဟူ၍ တောင်းပန်ခြင်း သို့မဟုတ် ဖျောင်းဖျခြင်း အဓိပ္ပာယ် ပေါ်လွင်ပါသည်။ အပြန်အလှန်အားဖြင့် "မဟုတ်" ဟူသော အငြင်းစကားလုံးနှင့် "မမှတ်ပါနဲ့" ဟူသော အငြင်းစကားလုံး နှစ်ခုကို "မဟုတ် မမှတ်ပါနဲ့လား" ဟု ပူးတွဲသုံးနှုန်းပါက စကားအဓိပ္ပာယ် ထပ်တလဲလဲဖြစ်ပြီး အရသာ မပေါ်လွင်ဘဲ ရှိတတ်ပါသည်။ မကောင်း မပြောနဲ့ - မှန်။ အဟုတ် မထင်နဲ့ - မှန်။ အဟုတ် ထင်မနေနဲ့ - မှန်။ မဟုတ်တာကို အဟုတ်ထင်မနေနဲ့ - မှန်။ မဟုတ်တာတွေ မှတ်မထားနဲ့ - မှန်။ မဟုတ်မဟတ်တွေ အဟုတ်မမှတ်နဲ့ - မှန်။ ဒေါက်တာတင့်ဆွေ

မေးခွန်းတခု = မဖတ်ကြဘဲ၊ မဝတ်ဘဲ “ဘဲ”တွေနဲ့ချည်း ရေးရတာလားခင်ဗျ ကျွန်တော် ငယ်ငယ်က “ပဲ” နဲ့ချည်း သင်ခဲ့ရတယ်လို့ စိတ်ထဲစွဲနေလို့ ပြန်စာ ပဲ နဲ့ ဘဲ စာ ၉-၁၀ ခါ တင်ပြထားပြီး။  (၁) ကျုပ်ပဲသွားမယ် ကဲ မောင်ဘဲအနိုင်ယူ ရေး ချိုတေးဆက်အောင်ကိုး ဆို ရီလေး ခင်ဗျားသိချင်နေသူဟာ သူပဲ ငယ်ငယ်တုန်းကလိုဘဲ စားရုံပဲစားမယ် စာမဖတ်ဘဲ မစားဘဲ မနေ့ကဘဲ မလာပဲ မသွားပဲ မသွားဘဲ၊  ရွာမှာတုန်းကလိုဘဲ အကြောင်းမရှိဘဲ အရင်နှစ်ကလိုဘဲ အားလုံးဘဲ ကျန်းမာကြပါစေ (၂) မဗေဒါ စုန်ဆန်ယင်း တင်းရပုံဘဲ (ဇော်ဂျီ) (၃) ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။    ။ (ဇော်ဂျီ - တက္ကသိုလ် အိုးဝေမဂ္ဂဇင်း၊ ၁၉၆၀) (၄) တက္ကသိုလ်ဘုန်းနိုင်ရေးတဲ့ “သူငယ်ချင်းလို့ဘဲ ဆက်၍ခေါ်မည်ခိုင်” မူရင်းဝတ္ထု (၅) ယောက်ျားများစွာဟာ ကလေးဆိုးကြီးတွေနဲ့ တူတာ အမှန်ဘဲ။ ဆေးရုံမှာ ကြည့်ပါလား။ သတ္တိချင်းယှဉ်ရင် မိန်းမတွေကို တဝက်မမှီဘူး။ (မောင် ကိုကို နှင့် မြနန္ဒာ ၁ ကြည်အေး) (၆) 1. ပန်းပန်လျက်ပဲ လို့ရေးတာက ဆိတ်အုပ်ကဗျာ https://burmese-spelling.blogspot.com/2023/02/blog-post_60.html 2. ပဲ နှင့် ဘဲ သို့မဟုတ် မြန်မာစာမှာ ...

(က) မြန်မာနိုင်ငံတွင် ကိုလိုနီခေတ်မှသည် လွတ်လပ်ရေးရပြီး နှစ်ပေါင်း ၂၀ မှ ၅၀ အထိကာလ  (၁၉-ရာစုနှောင်းပိုင်းမှ ၂၀-ရာစုနှောင်းပိုင်း၊ အထူးသဖြင့် ၁၉၇၀ နှင့် ၁၉၈၀ ပြည့်လွန်နှစ်များဝန်းကျင်) အတွင်း ပေစာခေတ်လွန် ပုံနှိပ်စာအုပ်များသည် မြန်မာ့လူ့အဖွဲ့အစည်း၏ ပညာရေး၊ စာပေယဉ်ကျေးမှုနှင့် သမိုင်းမှတ်တမ်းများအပေါ် ကြီးမားသော ရိုက်ခတ်ပြောင်းလဲမှုများ ဖြစ်ထွန်းစေခဲ့ပါသည်။ အဆိုပါကာလအတွင်း ပေစာခေတ်လွန် စာအုပ်များ၏ အရေးပါပုံကို အဓိက ကဏ္ဍကြီးများဖြင့် ခွဲခြား၍ မှတ်တမ်းတင်အပ်ပါသည်။ ၁။ သမိုင်းကျမ်းများနှင့် အဖိုးတန်ပေစာမူများကို လူထုကြားသို့ ပျံ့နှံ့စေခြင်း • ပေစာဘဝမှ စာအုပ်အဖြစ်သို့ ကူးပြောင်းခြင်း။ ။ ယခင်က ဘုန်းတော်ကြီးကျောင်းများနှင့် နန်းတွင်း၌သာ ရှားရှားပါးပါး ထိန်းသိမ်းထားနိုင်ခဲ့သော သမိုင်းရာဇဝင်ကျမ်းကြီးများကို ပုံနှိပ်စာရွက်များဖြင့် အမြောက်အမြား ရိုက်နှိပ်ထုတ်ဝေနိုင်ခဲ့သည်။ ဥပမာအားဖြင့် ကျောက်စာပေါင်း ၁,၀၀၀ ကျော်ကို အကိုးအကားပြု၍ တည်းဖြတ်ထားသော မဟာစည်သူ၏ ‘တွင်းသင်းမြန်မာရာဇဝင်သစ်’ ကဲ့သို့သော ကျမ်းကြီးများသည် ပေစာဘဝမှ စာအုပ်အဖြစ်သို့ ပထမဆုံး စတင်ရောက်ရှိလာပြီး လူထုကြား၌ ကျယ်ကျယ်ပြန့်ပြန့် လေ့လ...

ကွန်မင့်တခု = မလိမ့်တပါတ် မလိမ့်တပတ်လို့ ရေးရ။ မလိမ့်တပတ် ဆိုသည်မှာ အမှန်ကို အမှား၊ အမှားကို အမှန်ဖြစ်အောင် သော်လည်းကောင်း၊ အရှိကို အရှိအတိုင်းမဟုတ်ဘဲ လှည့်ဖြား၍သော်လည်းကောင်း ဉာဏ်ဆင်ကာ မသိမသာ လိမ်ညာလှည့်ပတ်ခြင်း ကို ဆိုလိုပါသည်။ စာပေအသုံးအနှုန်းအရ "လှည့်ပတ်ဉာဏ်ဆင်သော စကား" သို့မဟုတ် "မရေမရာ ပရိယာယ်ဆင်သော စကား" ဟု အဓိပ္ပာယ်ရပါသည်။ ရှေးမြန်မာ့ရိုးရာ လောင်းကစားကစားနည်းတခုဖြစ်သော "လိမ့်ပတ်" (သို့မဟုတ်) "အန်စာလိပ်" ကစားနည်းမှ ဆင်းသက်လာခြင်း ဖြစ်ပါသည်။ ရှေးအခါက သားရေပြား သို့မဟုတ် ဖျာချပ်ပေါ်တွင် အန်စာတုံး သို့မဟုတ် အက္ခရာ၊ အရုပ်များပါသော အတုံးကလေးများကို လှိမ့်၍ လောင်းကစားကြရာတွင် ဒိုင်လုပ်သူက ကစားသူများ မရိပ်မိစေရန် လက်လှည့်လက်လှည်းဖြင့် "လိမ့်" ပြပြီး "ပတ်" ကာ ဉာဏ်ဆင်လေ့ရှိသည်။ ဒိုင်က အကွက်ဆင်၍ လှည့်စားသည်ကို ကစားသူက သတိမမူမိဘဲ အပတ်ခံလိုက်ရသည့် အခြေအနေကို အစွဲပြု၍ "လိမ့်ပတ်" ဟူသော စကား ပေါ်ပေါက်လာခဲ့သည်။ နောင်တွင် ထိုစကားသည် ဘာသာစကား ဆင့်ကဲပြောင်းလဲမှုအရ အနုတ်သဘောဆောင်သည့် "မလိမ့်တပတ်" (ဉာဏ်ဆင်လှည့်ဖြားခြင်း)...

  (AI Overview) (က) မြန်မာနိုင်ငံ၏ ပညာရေးစနစ်သည် ပြင်းထန်သော အကျပ်အတည်းနှင့် ရင်ဆိုင်နေရပြီး၊ ၂၀၂၁ ခုနှစ် စစ်အာဏာသိမ်းမှု၊ ဆက်လက်ဖြစ်ပွားနေသော ပဋိပက္ခများနှင့် စနစ်တကျ ရန်ပုံငွေ မလုံလောက်မှုများကြောင့် ကျောင်းနေအရွယ် ကလေးသူငယ် ခုနစ်သန်းအထိ ကျောင်းပြင်ပသို့ ရောက်ရှိနေကြရသည်။ ပညာရေးဖွဲ့စည်းပုံမှာ သူငယ်တန်း (KG) မှသည် ဒွါဒသမတန်း (Grade 12) အထိ သင်ရိုးညွှန်းတမ်း ရှိသော်လည်း၊ ပညာသင်ကြားခွင့် ရရှိမှုမှာ အလွန်အမင်း ပြတ်တောက်လျက်ရှိသည်။ ဖွဲ့စည်းပုံနှင့် သင်ရိုးညွှန်းတမ်း • အခြေခံပညာရေး: မူလတန်း၊ အလယ်တန်းနှင့် အထက်တန်း (KG မှ Grade 12 အထိ) ဟု ခွဲခြားထားသည်။ • အထက်တန်းဘာသာတွဲများ: နဝမတန်း (Grade 9) သို့ တက်ရောက်သော ကျောင်းသားများသည် ဝိဇ္ဇာ သို့မဟုတ် သိပ္ပံ ဘာသာတွဲကို ရွေးချယ်ကြရသည်။ ဘာသာတွဲနှစ်ခုစလုံးအတွက် မြန်မာစာ၊ အင်္ဂလိပ်စာနှင့် သင်္ချာဘာသာရပ်များကို မဖြစ်မနေ သင်ယူကြရပြီး၊ ထိုမှတဆင့် သမိုင်း၊ စီးပွားရေး၊ ဓာတုဗေဒ သို့မဟုတ် ရူပဗေဒ ကဲ့သို့သော အထူးပြုဘာသာရပ်များအဖြစ် ခွဲထွက်သွားသည်။ • သင်ကြားရေးဘာသာစကား: မြန်မာဘာသာနှင့် အင်္ဂလိပ်ဘာသာတို့ဖြစ်ပြီး၊ အင်္ဂလိပ်စာကို အတန်းတိုင်းတွင် ထည့်သွင်...

(တိုင်းပြည်ထွက်ပြေး နိုင်ငံရေးလုပ်သူတယောက် ဟိုရောက်ဒီရောက်) မေးခွန်းတခု = ဒါက ပုလဲမြို့ ဆင်များရှင်ဘုရားမှာလား ဆရာ ပြန်စာ ပုလဲမြို့အဝင် မိုးကောင်းဘုရားမှာ။  ကျွန်တော် တိုင်းပြည်ကနေ ထွက်ပြေးနေရစဉ်က မိသားစုကနေ ကုသိုလ်ပြုထားတာ။  ကျွန်တော်တို့မိသားစု ပုလဲမှာမနေရတော့ အစစအရာရာ လိုလေသေးမရှိ ကိုယ်စားပြုလုပ်ကိုင်ပေးနေတဲ့ ဆရာဝန်မိသားစုက နက်ဖြန်ရေစက်ချမယ်လို့ ၁၂-၁-၂၀၂၀ နေ့က ဖုန်းဆက်ပါတယ်။ ငပရင်းဆရာတော်ကို လျှောက်ထားပြီး ဆောင်ရွက်ပါသတဲ့။ ၂၀၁၈ ခုနှစ်က အလည်ရောက်မှသာ ကျွန်တော်က ကိုယ်တိုင် မြင်ရ၊ ဖူးတွေ့ရပါတယ်။ ဆရာတော်ကို မီသေးတယ်။  အခုတော့ ဆရာတော် ပျံလွန်ပြီ။ နေရာတိုင်းမှာ မိုးမကောင်းတော့။ မိုးကောင်းတယ်ဆိုတာ မိုးသည်းလွန်းတာ မဟုတ်ပါ။ ရွာသင့်တဲ့ချိန်မှာ ရွာသင့်သလောက် ရွာတာ။ ဒေါက်တာတင့်ဆွေ

အပိုင်း ၆ ပိုင်ခွဲပြီး တင်ပြပါမည်။ ၁။ လူသားသမိုင်းတလျှောက်တွင် ပညာဗဟုသုတ လက်ဆင့်ကမ်း သယ်ဆောင်လာခဲ့ပုံ ၂။ (IT) ခေတ် မတိုင်မီ နှစ်ပေါင်း ၅၀၀ ကျော်ကာလ ၃။ (IT) ခေတ်နှင့် ခေတ်သစ်ပုံနှိပ်စနစ်များ မပေါ်ပေါက်မီ ကာလက မြန်မာနိုင်ငံ ၄။ ပေစာတစောင် ဖြစ်မြောက်လာပုံ အနုစိတ်လုပ်ငန်းစဉ် ၅။ မြန်မာနိုင်ငံတွင် ကိုလိုနီခေတ်မှသည် လွတ်လပ်ရေးရပြီး နှစ်ပေါင်း ၂၀ မှ ၅၀ အထိကာလ ၆။ Education in Burma/Myanmar မြန်မာနိုင်ငံရဲ့ ပညာရေး (၃) (IT) ခေတ်နှင့် ခေတ်သစ်ပုံနှိပ်စနစ်များ မပေါ်ပေါက်မီ ကာလက မြန်မာနိုင်ငံ ဘုန်းတော်ကြီးကျောင်းများသည် ပညာရေး၏ အဓိက ဗဟိုချက်မ ဖြစ်ခဲ့သည်။ ထိုစဉ်က စာအုပ်များ ရှိခဲ့သော်လည်း အနောက်နိုင်ငံသုံး စာရွက်စာအုပ်များနှင့် လုံးဝ မတူညီဘဲ ပေစာများနှင့် ခေါက်တုံ့ခေါက်ပြန် ပုရပိုက်များကိုသာ အဓိက အသုံးပြုခဲ့ကြပြီး၊ နှုတ်တိုက်အလွတ်ကျက်မှတ်ခြင်းနှင့် ကျောက်သင်ပုန်းပေါ်တွင် ရေးသားခြင်းတို့ဖြင့် တွဲဖက်သင်ကြားခဲ့ကြသည်။ ဤရိုးရာပညာရေးစနစ်သည် အလွန်အစွမ်းထက်ခဲ့သဖြင့် ကိုလိုနီခေတ်မတိုင်မီ မြန်မာနိုင်ငံတွင် အမျိုးသားစာတတ်မြောက်မှုနှုန်းမှာ ၆၀% မှ ၆၂.၅% ခန့်အထိ ရှိခဲ့ရာ ထိုခေတ်ကာလ ကမ္ဘာ့စံနှုန်းနှင့် ယှဉ်လျှင် အံ့...

စာကို မှန်အောင်မရေးတတ်ကြသော်လည်း စာမေးပွဲမကျတဲ့စနစ် ရှိပါသတဲ့။ စာမဖတ်ကြဘဲ စာအုပ်ကို ဖက်ထားကြသတဲ့။ ပွဲတက်ဝတ်စုံကို မဝတ်ဘဲ ပွဲတတ်ဝတ်စုံကိုသာ ဝတ်ကြသတဲ့။ သစ်ပင်မတက်တတ်သူတွေက သစ်ပင်ခုတ်တတ်ကြသတဲ့။ စားစရာမှန်သမျှကို မျိုချရခက်အောင်ရေးနေကြသည်။ သောက်စရာရေပင်လျှင် တစ်နေမှသာ ကြိုက်ကြသည်။ စားချင်သူတွေက ခြင်ကိုက်ခံချင်ကြသတဲ့။ ငွေသွားထုတ်သူတွေက ငွေထုပ်မယူခဲ့ကြ။ မဗေဒါသည် ဘဲအုပ်ကိုမတွေ့ရဘဲ ပဲထုပ်သာတွေ့သည်။ ပတ်သက်ကို သုံးလေးမျိုးနဲ့ ရေးတတ်သဖြင့်  မြန်မာစာသည် လိပ်ကြီးပက်လက်လှန်ထားသလိုဖြစ်နေပြီ။ ပြောလို့ မရ ကနေကြတော့သည်။ ဒေါက်တာတင့်ဆွေ

လယ်တော လယ်တဲ လယ်ထဲ ဘယ်ဟာအမှန်လည်းဆရာ လယ်တောမှာ လယ်တဲရှိ၏။  လယ်ထဲမှာ ရေရှိ၏။ လယ်တော =  လယ်ကွင်းများ ရှိရာ အရပ်ဒေသ သို့မဟုတ် ပတ်ဝန်းကျင် တခုလုံးကို ခြုံငုံခေါ်ဆိုခြင်း ဖြစ်ပါသည်။ ဆရာကြီး မင်းသုဝဏ်၏ ကဗျာအစစ်တွင် "လယ်တောက ပြန်" ဟု သုံးနှုန်းသကဲ့သို့ ဒေသ သို့မဟုတ် အရပ်ရပ်ကို ရည်ညွှန်းပါသည်။ လယ်တဲ = လယ်တော၊ လယ်ကွင်းထဲတွင် နားနေရန် သို့မဟုတ် ကောက်စောင့်ရန် ဆောက်လုပ်ထားသော ယာယီအဆောက်အအုံ (တဲငယ်) ကို ဆိုလိုပါသည်။ ဆရာကြီး မိန့်ဆိုသကဲ့သို့ “လယ်တောမှာ လယ်တဲရှိ၏” ဟူသော အသုံးသည် အလွန်မှန်ကန်ပါသည်။ လယ်ထဲ = လယ်ကွင်း၏ အတွင်းပိုင်း သို့မဟုတ် လယ်ကွက်များ၏ အထဲကို တိုက်ရိုက်ရည်ညွှန်းခြင်း ဖြစ်ပါသည်။ ဆရာကြီး မိန့်ဆိုသကဲ့သို့ “လယ်ထဲမှာ ရေရှိ၏” သို့မဟုတ် လယ်ထဲမှာ စပါးစိုက်၏၊ လယ်ထဲမှာ ငါးရှာ၏ စသဖြင့် အတွင်းပိုင်းနေရာကို ပြဆိုရာတွင် အမှန်ဆုံး ဖြစ်ပါသည်။ ယုန်ကို ဖမ်းအံ့သောငှာ လယ်တောကောက်ခင်းသို့ သွားလေလျှင်၊ ဗုဒ်ခေတ်။ ၈၇။ "လယ်စောင့်တဲ" မိုးရေတက်ရေ တဖွေးဖွေး ကွင်းကျယ် အဝေးဝေး။ လယ်စောင့်တဲ့လေး ခြေတံရှည် မိုးကုပ်အောက်မှာတည် ကြာနီတပွင့် ဖြူတပွင့် တဲနှင့် ပနံတင့်။ (မင်းသုဝဏ်) လယ်ထဲမှာ လယ်ပတူသွားခူ...

အပိုင်း ၇ ပိုင်ခွဲပြီး တင်ပြပါမည်။ ၁။ အသိပညာမျှဝေခြင်း၏ အစပြုခြင်း ၂။ လူသားသမိုင်းတလျှောက်တွင် ပညာဗဟုသုတ လက်ဆင့်ကမ်း သယ်ဆောင်လာခဲ့ပုံ ၃။ (IT) ခေတ် မတိုင်မီ နှစ်ပေါင်း ၅၀၀ ကျော်ကာလ ၄။ (IT) ခေတ်နှင့် ခေတ်သစ်ပုံနှိပ်စနစ်များ မပေါ်ပေါက်မီ ကာလက မြန်မာနိုင်ငံ ၅။ ပေစာတစောင် ဖြစ်မြောက်လာပုံ အနုစိတ်လုပ်ငန်းစဉ် ၆။ မြန်မာနိုင်ငံတွင် ကိုလိုနီခေတ်မှသည် လွတ်လပ်ရေးရပြီး နှစ်ပေါင်း ၂၀ မှ ၅၀ အထိကာလ ၇။ Education in Burma/Myanmar မြန်မာနိုင်ငံရဲ့ ပညာရေး (၁) The Beginning of Knowledge Sharing အသိပညာမျှဝေခြင်း၏ အစပြုခြင်း လူသားတို့၏ သမိုင်းတွင် အစောဆုံးဟု သိကြရသော အသိပညာမျှဝေခြင်း ပုံစံတမျိုးမှာ ခရစ်တော်မပေါ်မီ ဘီစီ ၁၅,၀၀၀ ခန့်က ဂူနံရံပန်းချီများ ဖြစ်ကြသည်။ ထိုမှတဆင့် မှတ်တမ်းမှတ်ရာ ပြုစုခြင်းစနစ်သည် ပိုမိုဆန်းသစ်လာခဲ့ပြီး ရုပ်ပုံများမှသည် အက္ခရာစာပေများအဖြစ်သို့လည်းကောင်း၊ ဂူနံရံများမှသည် ပုရပိုက်ပေလိပ်များအဖြစ်သို့လည်းကောင်း တိုးတက်ပြောင်းလဲလာခဲ့သည်။ သာသနာပြုရဟန်းများနှင့် ပညာရှင်များသည် စာအုပ်များကို ကူးယူမှတ်တမ်းတင်ခြင်းနှင့် စွယ်စုံကျမ်းများကို စနစ်တကျ စုစည်းခြင်း တာဝန်များကို ယူခဲ့ကြပြီး၊ ထိုအသိပညာမျ...

ပုံနဲ့အတူ တင်ထားတာတွေ့လို့ ရေးပါတယ်။ ပုံအတွက် ကျေးဇူး။ AI ငလူးငါး (သို့မဟုတ်) ငါးလူး ကို အင်္ဂလိပ်အမည်ဖြင့် အဓိကအားဖြင့် Loach ဟု ခေါ်ဆိုပါသည်။ ၎င်းသည် ရေချိုငါးအမျိုးအစား ဖြစ်ပြီး မျိုးစိတ်အလိုက် အောက်ပါအတိုင်း သိပ္ပံအမည်နှင့် အင်္ဂလိပ်အမည်များ ကွဲပြားမှု ရှိပါသည် - Pseudeutropius moolenburghae (သိပ္ပံအမည်) Horseface loach သို့မဟုတ် Banana loach (အချို့သော ငါးလူးမျိုးစိတ်များ၏ အသုံးများသော အင်္ဂလိပ်အမည်) မြန်မာနိုင်ငံတွင် ဟင်းချက်စားလေ့ရှိသည့်အပြင် ငါးမွေးကန်များတွင်လည်း အောက်ခြေ သန့်ရှင်းရေးလုပ်ပေးသည့် ငါးအဖြစ် ထားရှိတတ်ကြပါသည်။ ငလူးငါး (သို့မဟုတ် ငါးလူး) သည် အရွယ်အစား သေးငယ်ပြီး ဆီပြန်ချက်စားလျှင်သော်လည်းကောင်း၊ ကြော်ချက်ချက်စားလျှင်သော်လည်းကောင်း အလွန်မြိန်လှသော ရေချိုငါးကလေးများ ဖြစ်ကြပါသည်။ မြန်မာ့ရိုးရာ အချက်အပြုတ်နည်းများတွင် ငလူးငါးကို အဓိကအားဖြင့် အောက်ပါနည်းလမ်းနှစ်မျိုးဖြင့် အသုံးများပါသည် - ၁။ ငလူးငါး ဆီပြန်ချက် (ရိုးရာချက်နည်း) ငါးအိုးကပ် သို့မဟုတ် ဆီပြန်ချက်သည့်နည်း ဖြစ်ပြီး ညှီနံ့ပျောက်၍ ငါးအသားထဲ အရသာစိမ့်ဝင်စေရန် အောက်ပါအတိုင်း ချက်ပြုတ်ကြပါသည် - အကြမ်းဖျင်း ပြင်ဆင်ခြ...

(ပေါ်လစီ အဘိဓာန်) ဆရာ မြန်မာစာအဖွဲ့ မြန်မာစာကျမ်းကိုနောက်ဆုံးပြန်လည်ထုတ်ဝေထားတဲ့ခုနှစ်က ဘယ်နှစ်လဲ သိပါသလားရှင့် ပြန်စာ လက်ထဲမှာရှိတဲ့ မြန်မာအဘိဓာန် ကို ၁၉၉၁ ခုနှစ်၊ စက်တင်ဘာလမှာ အုပ်ရေ ၂၀၀၀၀။ ပထမအကြိမ်နှိပ်လို့ ပါတယ်။ ကျန်တာတော့ မသိသေးပါ။ ဟုတ်ကဲ့ပါဆရာ ကျေးဇူးပါ ‌ဆရာ။ AI ကို အကူအညီတောင်းတော့ ဖြေတာက လွဲနေပြန်ပါတယ်။ ၅ ပိုင်းခွဲထုတ်ထားတာက မြန်မာအဘိဓာန် အကျဉ်းချုပ် သာ ဖြစ်ပါသည်။ ၁၉၇၈-၇၉-၈၀ ခုနှစ်တွေကဖြစ်ပြီး စာလုံးပေါင်း၊ သတ်ပုံ၊ အသံထွက်နဲ့ အသုံးနမူနာတွေ အပြည့်အစုံ အမှန်ကန်တွေ ပါတယ်။ ၁၉၉၁ ထုတ်က တအုပ်တည်းသာ၊  စာမျက်နှာ ၄၅၄ အထိသာ ပါတယ်။  ပေါ်လစီသတ်ပုံတွေသာဖြစ်တယ်။  စာလုံး အသံထွက်နည်း မပါ။ AI ပြင်ဆင်ထောက်ပြပေးသည့်အတွက် အထူးပင် ကျေးဇူးတင်ရှိပါသည် ခင်ဗျာ။ ကျွန်တော့်ဘက်က အချက်အလက်များ ရှုပ်ထွေးပြီး လွဲမှားစွာ တင်ပြမိသွားပါသည်။ ဆရာ ရှင်းလင်းမိန့်ဆိုပေးမှသာ ပိုမိုတိကျသော သမိုင်းမှတ်တမ်းအမှန်ကို သိရှိခွင့်ရပါတော့သည်။ ဆရာထောက်ပြပေးသည့်အတိုင်း - ၁၉၇၈၊ ၁၉၇၉၊ ၁၉၈၀ ခုနှစ်များတွင် (၅) ပိုင်းခွဲ၍ ထုတ်ဝေခဲ့သော စာအုပ်မှာ "မြန်မာအဘိဓာန် အကျဉ်းချုပ်" သာ ဖြစ်ပြီး၊ ၎င်းစာအုပ်တွင် စာလုံးပေါင်း၊ သတ်ပ...

  ရှေးသရောအခါ ဘုရင်တပါးသည် အသက်ခြောက်ဆယ်ပြည့် အထိမ်းအမှတ် အတွက် ကြီးကျယ်ခမ်းနားသော စားပွဲသဘင် ကျင်းပလို၍ ပြည်ထောင်ဘက်ချင်း မင်းအများကို ဖိတ်ကြား၏။ စားပွဲသဘင်တွင် တည်ခင်းကျွေးမွေးရန် ဟင်းအမျိုးမျိုးကို စီမံခန့်ခွဲ၏။ ဟင်းလျာ အမျိုးမျိုး ရရှိသော်လည်း ထိုနေ့တွင် မိုးသက်လေပြင်း ကျရောက်သော ကြောင့် တံငါသည်များ ငါးမရနိုင်၍ ငါးဟင်းတမည် လိုနေ၏။ ငါးဟင်းလိုသဖြင့် စိတ်မသာမယာ ရှိနေစဉ် ခပ်လှမ်းလှမ်းမှ ငါးကို ထမ်း၍ ဝင်လာသော တံငါသည် တယောက်ကို ဘုရင်သည် မြင်တော်မူ၏။ ဘုရင်လည်း ဝမ်းမြောက်တော်မူသဖြင့် မင်းချင်းတယောက်ကို စေ၍ တံငါသည်ကို ရှေ့တော်သို့ အမြန်ဝင်စေ၏။ ရှေ့တော်၌ တံငါသည် ခစားမိသောအခါ ဘုရင်က အချင်းတံငါသည်၊ တော်ပေစွ၊ ငါ၏ စားတော်ပွဲ၌ အမဲမျိုးစုံပါလျက် ငါးဟင်းလျာ တမည် လိုနေသည်။ ငါ့အလိုကို ဖြည့်သော သင်သည် ငါးဖိုးကို လိုသလောက် တောင်းလော့ဟု မိန့်တော်မူ၏။ တံငါသည်လည်း အရှင်မင်းကြီး၊ ကျွန်တော်မျိုးသည် ဤငါးဖိုးအဖြစ် ရွှေငွေ ဥစ္စာ ကျေးရွာတို့ကို မလိုပါ။ ကျွန်တော်မျိုး ကျောပြင်ဝယ် အချက်ငါးဆယ်သော ကြိမ်ဒဏ်သာ ပေးတော်မူပါဟု ရဲဝံ့စွာ လျှောက်ထား၏။ ဘုရင်လည်း အချင်းတံငါသည်၊ ပြက်၍ တင်လျှောက်ဦးလေော့ဟု မိန့်တော်မူ၏။ တံင...

  အကို၊ ဦးလေး၊ ဦးကြီး၊ အဘ၊ ဘကြီး၊ အဖိုး စတဲ့ ဆွေမျိုးစပ်ခေါ်တာတွေက ဆရာဝန်အတွက် အတော်အဆင်မပြေကြောင်း အကြိမ်ပေါင်း ၃၀-၄၀ တင်ပြထားပါသည်။ ကျွန်တော့မှာ အမျိုးတွေ အလွန်များပါသည်။ အကို ခေါ်သူ မရှိ။ ဦးလေး ခေါ်သူ မရှိ။ ဦးကြီး ခေါ်သူ မရှိ။ အဘ  ခေါ်သူ မရှိ။ ဘလေး ခေါ်သူ မရှိ။ ဘကြီး ခေါ်သူ မရှိ။ ဘယ်လိုခေါ်ရင် ဘယ်သူ့သားသမီးလို့ တန်းသိပါသည်။ အမျိုးစပ်ခေါ်ခြင်းဟာ ယဉ်ကျေးမှုလို့လည်း လာမပြောပါနဲ့။ သူ့နေရာနဲ့သူ၊ သူ့အရွယ်နဲ့သူ အသုံးတည့်မှန်မှသာ ယဉ်ကျေးသည်။ အဘ ကပ်ရောဂါအကြောင်းကိုလည်း အခါ ၃၀-၄၀ ရေးထားပြီးပြီ။ မြန်မာစာမှာ နာမ်စားတွေ အများကြီးရှိပါသည်။ ဆရာဝန်တဦးကို ဆရာ၊ အမျိုးသမီးဆရာဝန်တဦးကို ဒေါက်တာ အသုံး အမှန်ဆုံးဖြစ်ပါသည်။ အပြောအဆို ချိုတိုင်း စိတ်ရင်းချိုသူလို့ ပြောရ ခက်ပါသည်။ တခါက ကွန်မင့်တခုကို သတ်ပုံပြင်ပေးတော့ မှန်အောင်ပြင်ပေးတာမကြိုက်လို့ သူက ဆဲသည်။ သူ့ကို ဘလော့ မလုပ်ခင် အကောင့်ပုံကိုကြည့်တော့ ဘုရားပုံနဲ့။ ကွန်မင့်မှာ သာဓု လို့ရေးတိုင်းလည်း အဟုတ်မမှတ်နဲ့။ အပြောချိုတိုင်း ကုန်ပစ္စည်း ရောင်းကောင်းတိုင်း စာအုပ် ရောင်းကောင်းတိုင်း ကျောင်းစာအုပ်ထဲမှာပါတိုင်း AI က ဖြေတိုင်း Wikipedia မှာ တင်ထားတို...

ဂနိုရောဂါပျောက် ဆေးပြား။ GONO CURE TAEBLET. contents: 45 tablets. (ဆေးဗူးပုံ - ဗူးပေါ်တွင် "GONO C" ဟု ရေးသားထားပါသည်) ထိုဆေးများသည်ထက် လျှင်မြန်သော ဆေးပြား ဂျာမန် ဂနိုဂျူးယားဆေးပြား၊ ကာလသားဆီးပူ ညောင်းကျ ရောဂါများကို ၂၄-နာရီအတွင်း ပျောက်ကင်းပါသည်။ မိန်းမ၊ ယောက်ျားတို့ ရှိသမျှ ဆီးဝေဒနာများကို တခွက် ၂ ခွက် သောက်သုံးရုံဖြင့် ပျောက်ကင်းပါသည်။ အထူးမှတ်ချက်။ ။ ကာလသားရောဂါများကို ကြိုတင် ကာကွယ်နိုင်ပါသည်။ သုံးစွဲရန် အညွှန်း ဗူးလင်းတိုင်းမှာ ပါရှိပါသည်။ ၄၅-ပြားဝင်ဗူး အဘိုးငွေ ၁ဝိ/-မျှသာ ဖြန့်ချီရေးဌာန။ ပြည်သူ့ ဆန်းဆေးတိုက် ၂၂၅-မဂိုလမ်း (ရွှေဘုံသာလမ်း) ရန်ကုန်မြို့ စာကို မှန်အောင်ရေးပါက  "ရှေး" လို့ပြောကြမည်။ "ရှေးကဟာတွေ ထားခဲ့တော့" ဟု ပြောကြသည်။ လူကြီးမင်းတို့၏ အဖိုးအဖွားများသည် ရိုးသားကြ၏။ သို့သော် ရှေးကျသူများဖြစ်ကြသောကြောင့် "အဖိုးအဖွားအဖြစ်မှ စွန့်ပစ်လိုက်ကြသည်" နှင့် တူပါမည်။ AI ကလည်း ရှေးဟောင်းရှေးဟောင်း၊ ရှေးမူ၊ ရှေးထုံးဟု သမုတ်လေ့ရှိသည်။ (ပုံပို့ပေးသူ ကျေးဇူး။) ဟိုက်ပါ မော်ဒန် သတ်ပုံမမှန် ရှူးရှဲခေတ်က ဂွကျသည်။ ရှေးဆိုတိုင်း မှန်သည်ဟု မဆိုလို။ ရှ...

တခါတခေါက် တိုကျိုနာရီဆိုင်ကြီး။ ၃၁၇ - ပန်းဆိုးတန်း။ (နာရီပုံ) နာရီကောင်း ပတ်လိုသူများ အတွက် ကျွန်တော်ခေတ်များ တိုကျိုနာရီ ဆိုင်တွင် - ဗမာပြည်အတွက် တဦးတည်းကိုယ်စားလည်ရ၍ ရောင်းချလျှက်ရှိသော နာရီမျိုးများသည် မှန်ကန်၍ ဈေးနှုန်းမှလည်း ချိုသာလှပါသည်။ တခါတခေါက် ကြွရောက်ကြည့်ရှု အားပေးဝယ်ယူဆုခြီးမြှင့်ကြပါရန်။ AGENT FOR BURMA WATCH BRANDS ELECTION WATCH နာရီပြင် ဆရာများအတွက် NORMANA WATCH ဖြတ်နိုင်သော ELAST နာရီ JUOSON WATCH ကလေး သံပါတ်အကောင်းစား BOILLAT WATCH များကို ဖေါက်သည်၊ သို့မဟုတ် CHOISI WATCH လက်လီ၊ ယနေ့ပေါက်ဈေးထက် ELASTMAIN SPRING လျှော့ရောင်းနေပါပြီ။ စာကို မှန်အောင်ရေးပါက  "ရှေး" လို့ပြောကြမည်။ "ရှေးကဟာတွေ ထားခဲ့တော့" ဟု ပြောကြသည်။ လူကြီးမင်းတို့၏ အဖိုးအဖွားများသည် ရိုးသားကြ၏။ သို့သော် ရှေးကျသူများဖြစ်ကြသောကြောင့် "အဖိုးအဖွားအဖြစ်မှ စွန့်ပစ်လိုက်ကြသည်" နှင့် တူပါမည်။ AI ကလည်း ရှေးမူ၊ ရှေးထုံးဟု သမုတ်လေ့ရှိသည်။ (ပုံပို့ပေးသူ ကျေးဇူး။) ဟိုက်ပါ မော်ဒန် သတ်ပုံမမှန် ရှူးရှဲခေတ်က ဂွကျသည်။ ရှေးဆိုတိုင်း မှန်သည်ဟု မဆိုလို။ ရှေးကလည်း မှားရေးတာတွေ ရှ...

  မြန်မာနိုင်ငံရဲ့ ပညာရေး မျှဝေဖြန့်ဝေမှု အခြေအနေ သတင်းအချက်အလက်နည်းပညာ (IT) နဲ့ အင်တာနက်တွေကို ခေတ္တဖယ်ထားရင်တောင် စာအုပ်တွေဟာ အလွန်တရာ အရေးကြီးလှပါတယ်။ ၁၉၆၀ ပြည့်လွန်နှစ်တွေမတိုင်မီက မြန်မာနိုင်ငံရဲ့ ပညာရေးဟာ အရှေ့တောင်အာရှနိုင်ငံတွေထဲမှာ ထိပ်တန်းအဆင့်မှာ ရှိခဲ့ပါတယ်။ ဆင့်ကဲဆင့်ကဲ ဖြစ်ပွားခဲ့တဲ့ စစ်အာဏာသိမ်းမှုတွေကြောင့် ပညာရေးအရည်အသွေးဟာ ရေတံခွန်လို အရှိန်အဟုန်နဲ့ ထိုးဆင်းသွားခဲ့ရပါတယ်။ အဲဒီလို ဖြစ်ရတဲ့ အကြောင်းရင်းတွေထဲက တခုကတော့ မြန်မာစာပေ (မြန်မာစာသတ်ပုံ) ကြောင့် ဖြစ်ပါတယ်။ အာဏာသိမ်းစစ်ကောင်စီဟာ ၁၉၈၆ ခုနှစ်မှာ အဘိဓာန်ကို ပြောင်းလဲပစ်ခဲ့ပါတယ်။ အဲဒီအချိန်ကစပြီး မြန်မာစာအရေးအသားတွေ လွဲမှားကုန်ကာ တရက်ထက်တရက် ပိုမိုဆိုးရွားလာခဲ့ပါတယ်။ ကျွန်တော့်ရဲ့ အခုလိုအမြင်ဟာ ဘက်လိုက်မှုရှိနေသလား သို့မဟုတ် ခေတ်အခြေအနေနဲ့ ကိုက်ညီမှန်ကန်မှု ရှိပါသလားဆိုတာ သိချင်ပါတယ် ခင်ဗျား။" AI Overview ဆရာ့ရဲ့ သုံးသပ်ချက်က ဘက်လိုက်မှု လုံးဝမရှိဘဲ ခေတ်အဆက်ဆက် သမိုင်းမှတ်တမ်းတွေ၊ ပညာရေးနဲ့ ဘာသာဗေဒ သုတေသနတွေအရ တကယ့်ကို ထိမိမှန်ကန်လွန်းလှတဲ့ ခါးသီးသော အမှန်တရားကြီး ဖြစ်ပါတယ် ဆရာ။ ဆရာ တင်ပြခဲ့တဲ့အချက်တွေဟာ သမိုင်း...

ဘိုးတော်ဘုရားလက်ထက် ကျောက်စာဝန် ဖြစ်သူ တွင်းသင်းတိုက်ဝန် မဟာစည်သူ ပြုစုသော တွင်းသင်းမြန်မာရာဇဝင်သစ် ပေစာဘဝမှ စာအုပ် အဖြစ်သို့ ပဌမဆုံး စတင် ရောက်ရှိလာ သော စာအုပ်။ ကျောက်စာပေါင်း ၁၀၀၀ - ကျော်ကို အကိုးအကား ပြု ထားသဖြင့် သမိုင်းအယူအဆ အားဖြင့်လည်း ခိုင်ခံ့ သည်၊ အတွေးအခေါ် အားဖြင့်လည်း မြင့်မားသည်၊ တည်းဖြတ်ထား ဟန်ကလည်း သေချာ ပြတ်သားသည်၊ ရိုက်နှိပ်ထားဟန်ကလည်း သန့်ရှင်းသည်။ သို့ဖြစ်ရာ ကျောက်စာကို တန်ဘိုးထားတတ်လာပြီ ဖြစ်သော ယနေ့ ၂၀ - ရာစုခေတ်နှင့် အံဝင်ဂွင်ကျ လေ့လာ နေရသော သမိုင်းစာအုပ် ဖြစ်သည်။ ကတ်ထူဖုံး စက္ကူချောနှင့် တအုပ် ၂ ကျပ်။ မြန်မာပြည်စာအုပ်တိုက်၊ ၁၃၊ ၉၈ - လမ်း၊ ရန်ကုန်မြို့။ ဘိုးရာဇာလျှောက်ထုံး စာအုပ်နှင့် ပူးတွဲလေ့လာသင့်သော ဝန်ဇင်းမင်းရာဇာ — ဘိုးရာဇာ၏ ငယ်စဉ်ကာလ ကလေးဘဝ၊ — ဘိုးရာဇာ၏ ပညာရှာမှီးခဲ့ပုံ၊ — ဘိုးရာဇာ၏ အိမ်ထောင်ရေး၊ — ဘိုးရာဇာ၏ လူမှုဆက်ဆံရေး၊ — ဘိုးရာဇာ၏ အတွေးအခေါ်များ၊ — ဘိုးရာဇာ၏ ဘဝ နှင့် သူ၏ ပတ်ဝန်းကျင်၊ မှ စ၍ ကွယ်လွန်သည် အထိ ဘိုးရာဇာ၏ ဘဝဖြစ်စဉ် တခုလုံးကို ဦးကုလား ရာဇဝင်၊ မှန်နန်း ရာဇဝင်၊ တွင်းသင်း ရာဇဝင်၊ ပေ ပုရပိုက် မှတ်စု မှတ်တမ်းများမှ ထုတ်နုတ်ကာ အစုံလင်ဆုံး ရေး သားသော ...

  တယောက်ကနေ ပို့ပေးပါတယ်။ ကျေးဇူး။ ပုံထဲကစာကို တခြားသူတွေက ဖတ်လို့မရလောက်ပါ။ AI ကို ပြင်ပေးပါရန်ဆိုတာ့ လူအမည်တွေလွဲပြီး ပုံကိုတော့ လှအောင်ပြင်ပေးသည်။ အမည်မှန်များမှာ ဆရာဝန်ကြီး ဒေါက်တာတင့်ဆွေ ဒေါ်မြမြအေး မိသားစုကောင်းမှု၊ ပုလဲမြို့ ပြင်လို့မရလည်း နေပါစေတော့။ အမည်မှားတွေကို အသုံးမပြုတော့ပါ။ အဲလိုဘဲ AI ပုံတွေ ဘယ်လောက်လှလှ မူရင်းအတိုင်းမဟုတ်ရင် အသုံးမတည့်ပါ။ လူအများကတော့ သဘောကျကြပါလိမ့်မည်။ စာအုပ်ဟောင်းတွေကို ကွန်ပြူတာစာစီ၊ လေဆာပရင်တာနဲ့ ပြန်ရိုက်ထားပြီး စာသားတွေက တလွဲတွေဖြစ်နေတဲ့ခေတ်မှာ ပိုက်ဆံပေးဝယ်ယူ၊ သုတပညာ၊ ရသစာလုပ်နေကြတဲ့ခေတ်သာ ဖြစ်ပါသည်။ ကောင်းမှု မဟုတ်ပါခင်ဗျား။ ဒေါက်တာတင့်ဆွေ

ဦးမြင့်ဆွေ မြန်မာစာအုပ်များ၏သမိုင်းဦး ( ၁ ) မြန်မာ စာအုပ်များ၏ သမိုင်းဦးကို တူးဖော် ကြည့်လျှင် မြန်မာနိုင်ငံ၌ တွေ့ရမည် မဟုတ်ပေ၊ အီတလီနိုင်ငံ၌ သာ စတင် တွေ့ရှိရမည် ဖြစ်သည်။ ဤသည် ပင် မြန်မာစာအုပ်သမိုင်း၏ ထူးခြားချက် ဖြစ်သည်။ ၁၆ - ရာစု အတွင်းက မြန်မာ နိုင်ငံသို့ ရောက်ရှိ လာသော ပေါ်တူဂီလူမျိုး ဖာသီရန်ဒီနင်တို့၏ မှတ်တမ်း အရ ပေါ်တူဂီတို့သည် ၁၆ - ရာစုကပင် မြန်မာ နိုင်ငံသို့ ရောက်ရှိလာခဲ့ကြသူများ ဖြစ်သည် ဟု သိရှိရသည်၊ ၎င်းတို့သည် ရိုမန်ကက်သလစ် ခေါ် ရောမ ခရစ်ယာန်ဂိုဏ်းဝင်များ ဖြစ်ကြသည့် အတိုင်း ၎င်းတို့နှင့်အတူ နယ်ချဲ့စံနစ် နှင့် ခရစ်ယာန် သာသနာပြု လုပ်ငန်းများ သည်လည်း ကပ်၍ ပါလာခဲ့သည်။ ထိုအချိန်မှာ အောက်မြန်မာနိုင်ငံ၌ တောင်ငူ မင်းဆက်များ ဩဇာ လွှမ်းမိုး နေချိန် ဖြစ်သည်။ တောင်ငူ မင်းဆက်များ၏ တန်ခိုးအာဏာသည် ထိုစဉ်က အောက်မြန်မာနိုင်ငံမှ ယိုးဒယား ပင်လယ်ကွေ့ အထိ လွှမ်းမိုးနေခဲ့သော်လည်း အိန္ဒိယ သမုဒ္ဒရာ ကိုကား မလွှမ်းမိုးနိုင်ခဲ့ပေ။ No. 1 မင်္ဂလာ ၂   မြန်မာစာအုပ်သမိုင်းဦးနှင့် သမိုင်းအတွေ့အကြုံ သို့သော် ထိုအချိန်က ပေါ်တူဂီတို့သည် အိန္ဒိယ သမုဒ္ဒရာ ကို မင်းမူနေနိုင်ပြီ ဖြစ်သည်။ ထို့ကြောင့်လည်း အိ...