မှတဆင့်

အရပ်ပျက်မကလေး မှ တဆင့် (မောင်သာရ)

(ပုံပို့ပေးသူ ကျေးဇူး။)

- ထပ်တရာ ကို ထပ်တစ်ရာလို့ မရေးဘူးလားဆရာ။ မှ/တဆင့် ကိုတော့ မှ/တစ်ဆင့် လို့ရေးဖို့ စာထုတ်နေပီ (အဲဒါမှန်လား) ဆရာ

- မှတစ်ဆင့်လို့တော့ ဘယ်သူမှ ရေးမှာမဟုတ်

- ရေးကြတာပေါ့ တစ်ဆင့်ခံ လို့ရေးကြတာပိုဆိုးသေး။

အဲလိုတော့ မရေးလောက်ပါဘူးလို့ ပြန်မေးတာမျိုး မကြာခဏလာတယ်။ သက်သေခံ တဒါဇင်ပြပါမယ်။

၁၀ လအတွင်း ပင်လယ်ရေကြောင်းမှတစ်ဆင့် CMP ချုပ်ပြီးအထည်တင်ပို့မှု ဒေါ်လာသန်း = မှား၏။

ကိုသဲ & မေသက်ထားဆွေ - မျက်ဝန်းမှတစ်ဆင့် ... = မှား၏။

ဆုန်သင်းပါရ် လမင်းမှတစ်ဆင့် = မှား၏။

တစ်ဆင့် - ဝစ်ရှင်နရီ = မှား၏။

တိုက်ရိုက်မဟုတ်ဘဲ။ အခွင့်မနှေး၊ တစ်ဆင့်ပေး၍အရေးမိအောင်ပို့ပါသည်။ သန့်။ ၁၆။ = မှား၏။

မျက်ဝန်းမှတစ်ဆင့် - ကိုသဲ & မေ = မှား၏။

မျက်ဝန်းမှတစ်ဆင့် ဗညားဟန်_စိုးစန္ဒာထွန်း = မှား၏။

မျက်ဝန်းမှတစ်ဆင့် မေသက်ထားဆွေ = မှား၏။

မျက်ဝန်းမှတစ်ဆင့် - ကိုသဲ & မေသက်ထားဆွေ Myat Won Mha Ta Sin [Official Video] = မှား၏။

မှ တစ်ဆင့် in English - Burmese-English Dictionary = မှား၏။

မှတစ်ဆင့် - English translation, definition, meaning, synonyms, antonyms, examples. = မှား၏။

မှတစ်ဆင့် (hma.tachcang.) adverb of manner; မှ; မှ(ppm)+တစ်(n)+ဆင့်(n); current. = မှား၏။ (တစ်စုံတစ်ဦး)ကျေးဇူးပြု၍၊ ကြားခံ၍၊ ကျော်၍။ ဤစာကိုမောင်ဘမှတစ်ဆင်‌့ပေးပို့လိုက်ပါ။ MED။ ၃၇၅။

မှတစ်ဆင့် ဝစ်ရှင်နရီ = မှား၏။

မှတစ်ဆင့်. မှတစ်ဆင့်: Metastasize. Metastasize: မှတစ်ဆင့် = မှား၏။

လမင်းမှ တစ်ဆင့် = မှား၏။

လမင်းမှတစ်ဆင့် - ခန့်မော် ဆုန်သင်းပါရ် = မှား၏။

လမင်းမှတစ်ဆင့် ///ဆုန်သင်းပါရ် = မှား၏။

အထွေထွေညီလာခံ မှတစ်ဆင့် အမှုတော်ဆောင်ခြင်း. မြင့်မားသော ကိုးကားချက်များ၊ = မှား၏။

ကျွန်တော်တို့ ၇ တန်းလောက်မှာ စာရေးနည်း သင်ယူရတယ်။ စာအိပ်မှာ ကိုယ့်အမည် မှတဆင် ကိုယ့်မိဘအမည်လို့ ရေးကြရတယ်။

သို့ မောင်ဘ

မှတဆင့် ဦးလှ + ဒေါ်မြ

စာလုံးပေါင်းမှန်ရပ်ကွက်

သတ်ပုံမှန်မြို့။

ခုခေတ်မှာ မှတဆင့်ကို မှန်အောင် မရေးတတ်ကြတော့ပါ။

မြန်မာပြည်မှာ အမိန့်ထုတ်ရင် ဘာမဆိုအတည်ဖြစ်တယ်။

'ကျွဲ' ကို 'ဤ' လို့ဖတ်ပါ။ 'ဤ' ကို 'ကျွဲ' လို့ဖတ်ပါ။

'တရာ' ကို 'တစ်ရာ' လို့ရေးစေသတည်း။

'နေပီ' မဟုတ်။ 'နေပြီ' လို့ ရေးရ။ 'နေပီတော်' မဟုတ်။ 'နေပြည်ဒေါ်' မဟုတ်။ 'နေပြည်တော်' လို့ ရေးရ။ 'မော်တော်ပီကယ်' လို့ရေးလည်း ရပါ၏။

သတိပေးချက်

စာကိုမှန်အောင် မရေးတတ်တဲ့ရပ်ကွက်မှာ 'ထပ်တရာ' မရောင်းသင့်။

ငြိမ်ဝပ်ပိပြားစွာ လိုက်နာကြကုန်လော့။

ဒေါက်တာတင့်ဆွေ