ရွှေတကျပ်သား

ဆေးကျောင်းသားဘဝက ရွှေတကျပ်သား (၁၅၀)ကျပ်

ဆရာဝန်ဖြစ်တော့ ၂၀၀ ကနေစသည်။ တိုင်းပြည်ကထွက်ရချိန်မှာ ၁၅၀၀၀။

ရွှေတကျပ်သား ပြား ၁၅၀ တက်လာသည် (ပုံအတွက် ကျေးဇူး)

ရွှေတန်ဘိုးနှင့် မြန်မာစာတန်ဘိုးကို ၂၁-၃-၁၉၆၁ နေ့ထုတ် သတင်းစာက ပြောပြနေသည်။

၂၀-၆-၁၉၇၈ နေ့စွဲနဲ့ ရွေခြေကျင်းတရံ ဘောင်ချာထဲမှာ ရွှေဈေးနှုန်းက ၁၃၂၅ ကျပ် လို့ပါရှိတယ်။ သမိုင်းထဲက ရွှေဈေးမှန်ကို သိရတဲ့အတွက် ကျေးဇူးကြီးပါတယ်။ ၁၉၇၈ ခုနှစ်ဆိုရင် ကျွန်တော် ဆရာဝန်ဖြစ်တာ ၆ နှစ်ရှိနေပြီ။

ခေတ်အဆက်ဆက်က မြင့်တက်လာ​သော ​ရွှေ​တကျပ်သားစျေးနှုန်းများ တင်ထားတာတခု တွေ့တယ်။ ၁၉၆၂ ခုနှစ် (၂၅၀) ကနေ ၂၀၂၂ ဇူလိုင်လ (၂၀၆၂၀၀၀) အထိ ပါတယ်။ 

- ၁၇-၁-၂၀၂၂ မြန်မာ့ရွှေ နှင့် ကမ္ဘာ့ရွှေစျေးနှုန်း တနေ့ နည်းနည်းတက် ၁၉ သိန်း ၅ သောင်း (သတ်ပုံ မှန်တယ်။)

- ၂၁-၃-၁၉၆၁ ရက်နေ့မှာ ရွှေတကျပ်သား ပြား ၁၅၀ စျေးတက်လာသည်။ (သတ်ပုံ မှန်တယ်။)

- ၁၁-၅-၁၉၆၁ ရက်နေ့မှာ တကျပ်တက်သည်။ (သတ်ပုံ မှန်တယ်။)

- ဦနုအစိုးရလက်​ထက်​မှ​ရွှေ​​စျေးပါ ဒီအချိန်​ကလ္ဘက်​ရည်​တခွက်​ ၂၅ပြား၊ ဒန်​​ပေါက်​တပွဲ ၂ကျပ်​ အနိမ်​့ဆုံးလစာ ၉ရကျပ် တဲ့။

ကျွန်တော့မိဘတွေလက်ထက်မှာ တကျပ်သား ၂၀၀ လောက်သာရှိတယ်။ ၁၉၈၂ လောက်က ကျွန်တော်စစ်ကိုင်းဆေးရုံ ရောက်နေချိန်မှာ ရွှေတကျပ်သား ၃၀၀၀ ကျပ်ရှိတယ်။ မိကျောင်းစက်ဘီးတစီး တန်ဖိုးနဲ့ ညီမျှတယ်။ နောက် ၂ နှစ်လောက်နေလို့ ပုလဲရောက်တော့ ၅၀၀၀ ဖြစ်လာပြီ။ 

၁၉၆၂ ခုနှစ် မေလ ၁၁ ရက်နေ့ သတင်းစာအရ ရွှေဈေး တကျပ်တက်တယ်။ ၂၃၆ ကျပ် ၂၅ ပြား၊ ၂၃၆ ကျပ် ၅၀ ပြား။ 

အဲဒီခေတ်မှာ မူလတန်းဆရာလစာ ၈၂ ကျပ်။ ၁၉၆၅ ဝန်းကျင်မှာ အောက်တန်းစာရေးနဲ့ မူလတန်းပြ လစာ ၁၂၆ ကျပ် ၁၂ ပဲ (၇၅ ပြား)။

၅-၁၂-၂၀၁၈ နေ့ ဘီဘီစီသတင်းအရ ရွှေတကျပ်သား ၉၄၃၀၀၀ ကျပ်။ သတ်ပုံ မှန်တယ်။

အခုရေးတာ စတိုရီ မဟုတ်ပါ။ စိတ်ကူးယဉ် မဟုတ်။ ရသစာ မဟုတ်။ မှန်ကန်သော ရွှေတကျပ်သား ရှေးစကားတည်း။

ကျွန်တော်တို့ ကျောင်းသားဘဝတုန်းက ကျောင်းစာအုပ်တွေ၊ ကျောင်းပြင်ပစာအုပ်တွေမှာ စာလုံးပေါင်းသတ်ပုံတွေ မှန်ပါကြောင်း တင်ပြတဲ့အခါ ရှေးကဟာတွေလာမပြောနဲ့ဆိုသူ အယောက် ၂၀ လောက်ရှိပြီ။ အဲလိုပြောတဲ့သူတွေမှာ အဖိုးအဖွားမရှိကြဘူးလား။

“ဗမာ့လက်ဝယ် ချုပ်ချယ်ယူကြသည်၊ ရွှေကိုယူသည်၊ ငွေကိုယူသည်၊ ပြီးတော့ လူကိုပါယူသည်၊ အမျိုးပျောက်မှာ စိုးကြောက်လှပါသည်” ဟူ၍ မျိုးချစ်စိတ်လှုံ့ဆော်သော ဓာတ်ပြားသီချင်း။

အခုတော့

ရွှေဈေးတက်သည် ငွေဈေးကျသည် လူတန်ဖိုး ဇောက်ထိုးကျသည်။

ဒေါက်တာတင့်ဆွေ