လယ်တောမှာ လယ်တဲရှိ၏။
လယ်ထဲမှာ ရေရှိ၏။
လယ်တော = လယ်ကွင်းများ ရှိရာ အရပ်ဒေသ သို့မဟုတ် ပတ်ဝန်းကျင် တခုလုံးကို ခြုံငုံခေါ်ဆိုခြင်း ဖြစ်ပါသည်။ ဆရာကြီး မင်းသုဝဏ်၏ ကဗျာအစစ်တွင် "လယ်တောက ပြန်" ဟု သုံးနှုန်းသကဲ့သို့ ဒေသ သို့မဟုတ် အရပ်ရပ်ကို ရည်ညွှန်းပါသည်။
လယ်တဲ = လယ်တော၊ လယ်ကွင်းထဲတွင် နားနေရန် သို့မဟုတ် ကောက်စောင့်ရန် ဆောက်လုပ်ထားသော ယာယီအဆောက်အအုံ (တဲငယ်) ကို ဆိုလိုပါသည်။ ဆရာကြီး မိန့်ဆိုသကဲ့သို့ “လယ်တောမှာ လယ်တဲရှိ၏” ဟူသော အသုံးသည် အလွန်မှန်ကန်ပါသည်။
လယ်ထဲ = လယ်ကွင်း၏ အတွင်းပိုင်း သို့မဟုတ် လယ်ကွက်များ၏ အထဲကို တိုက်ရိုက်ရည်ညွှန်းခြင်း ဖြစ်ပါသည်။ ဆရာကြီး မိန့်ဆိုသကဲ့သို့ “လယ်ထဲမှာ ရေရှိ၏” သို့မဟုတ် လယ်ထဲမှာ စပါးစိုက်၏၊ လယ်ထဲမှာ ငါးရှာ၏ စသဖြင့် အတွင်းပိုင်းနေရာကို ပြဆိုရာတွင် အမှန်ဆုံး ဖြစ်ပါသည်။
ယုန်ကို ဖမ်းအံ့သောငှာ လယ်တောကောက်ခင်းသို့ သွားလေလျှင်၊ ဗုဒ်ခေတ်။ ၈၇။
"လယ်စောင့်တဲ"
မိုးရေတက်ရေ တဖွေးဖွေး
ကွင်းကျယ် အဝေးဝေး။
လယ်စောင့်တဲ့လေး ခြေတံရှည်
မိုးကုပ်အောက်မှာတည်
ကြာနီတပွင့် ဖြူတပွင့်
တဲနှင့် ပနံတင့်။ (မင်းသုဝဏ်)
လယ်ထဲမှာ လယ်ပတူသွားခူးပြီး ကြော်စားမယ်။
လယ်ထဲမှာ ရေလျှံနေပြီ။
ယာတောဆိုသည်မှာ မြန်မာ့ကျေးလက်ဒေသများတွင် အဓိကလုပ်ကိုင်ကြသော စိုက်ပျိုးရေးမြေ သို့မဟုတ် သီးနှံစိုက်ခင်းများကို ရည်ညွှန်းသည်။
ယာတောသူ
တောင်ယာ = တောင်စောင်းကုန်းတန်းတို့တွင် ခုတ်ထွင်၍ ကောက်ပဲသီးနှံစိုက်ရာမြေ။
သစ်ပင်ခုတ်ချိုး၊ တောင်ယာထိုးလျက်၊ တောင်မိုးတောင်မြေ၊ လုပ်စားစေ၍။ မဂ်စိုး*၈၃။
တောင်ယာဝင်ချိန်
"တို့တောင်ယာတော"
(ရေး ဦးကြင်ခဲ)
ခလောက်သံလေးတွေ..က ညံစာစာ..
ပျိုတို့မောင် တောင်ယာတော..မှာ..
ကွယ်..လွမ်းသာမောစရာလေး...
(လာဝေ့ လာဝေ့ လာဝေ့)
မြိုင်(မြိုင်း)တန်း(တန်)မှောင်ဝေလေ
ဝေ့ဝေ ဝေ့ဝေ ဝေ့ဝေ
တောင်သေလာကြော..ဖရုံ(ရုံး)နှော
ပဲခြုံနွယ်တော..သခွားပေါ
ယာပြင်တော..မှာ
တို့တောင်ယာတောမှာ
ဝေ ဝေ ဝေ ဝေ
သူငယ်ချင်းဝေ..
(ဟေး..)
လွမ်းဖွယ်တွေ..က ပေါ...
စလူရွက်မိုးလို့ကျူရိုးနဲ့ကာ
တောင်ယာတဲမှာ
တင်ပလိုင်းလေးနဲ့ဆင်သိုင်းလို့သာ
ဘာသာမြူးရှာ
တို့တောင်ယာတို့တောင်ယာ
ဩသံတွေပါ...
ခေါင်ရည်ခေါင်ရည်ဘူး..လွယ်ကာ
တောင်သေလာဦးမှာ
ခေါင်ရည်ခေါင်ရည်ဘူး..လွယ်ကာ
တောင်သေလာဦးမှာ
ကရင်တို့ဘာသာဘာသာ
ဪကရင်တို့ဘာသာဘာသာ
သောက်ခေါင်ရည်ကြူး..
မြူးပျော်ရွှင်ကာ
တဲယာမှာတဲယာမှာ
သေလာတောင်ခြေဝေ..ဝေ...
ဘူးဖရုံသခွားပဲငရုတ်ပါ
အမြဲလုပ်ကိုင်ရာ
လယ်ပြင်မှာစာခြောက်ကာ
ခေါင်ရည်ကိုသောက်မှာ
ဘူးဖရုံသခွားပဲငရုတ်ပါ
အမြဲလုပ်ကိုင်ရာ
လယ်ပြင်မှာစာခြောက်ကာ
ခေါင်ရည်ကိုသောက်မှာ
တို့ကရင်တောင်ရိုးမှာ
ဖားစည်တီးသံသာ
မလုံ့တလုံ ခြုံတပိုင်း
သင်တိုင်းကြွေရောင်ဖြာ
တို့ကရင်တောင်ရိုးမှာ
ဖားစည်တီးသံသာ
မလုံ့တလုံ ခြုံတပိုင်း
သင်တိုင်းကြွေရောင်ဖြာ
တောင်တောင်ခြေမှာ
ခေါင်ခေါင်ရည်ပါ
သောက်ကြူးဖို့ရာတို့စုဝေးလို့
ဟေ့ ဟေ့ ဟာ...
(လာဝေ့ လာဝေ့)
ဘူးဖရုံသခွားပဲငရုတ်ပါ
အမြဲလုပ်ကိုင်ရာ
လယ်ပြင်မှာစာခြောက်ကာ
ခေါင်ရည်ကိုသောက်မှာ
ဘူးဖရုံသခွားပဲငရုတ်ပါ
အမြဲလုပ်ကိုင်ရာ
လယ်ပြင်မှာစာခြောက်ကာ
ခေါင်ရည်ကိုသောက်မှာ
တို့ကရင်တောင်ရိုးမှာ
ဖားစည်တီးသံသာ
မလုံ့တလုံခြုံတပိုင်း
သင်တိုင်းကြွေရောင်ဖြာ
တို့ကရင်တောင်ရိုးမှာ
ဖားစည်တီးသံသာ
မလုံ့တလုံခြုံတပိုင်း
သင်တိုင်းကြွေရောင်ဖြာ
တောင်တောင်ခြေမှာ
ခေါင်ခေါင်ရည်ပါ
သောက်ကြူးဖို့ရာတို့စုဝေးလို့
ဟေ့ ဟေ့ ဟာ..
(လာဝေ့ လာဝေ့)
စလူရွက်မိုးလို့ကျူရိုးနဲ့ကာ
တောင်ယာတဲမှာ
တင်ပလိုင်းလေးနဲ့ဆင်သိုင်းလို့သာ
ဘာသာမြူးရှာ
တို့တောင်ယာ တို့တောင်ယာ
ဩသံတွေ..ပါ...
ဒေါက်တာတင့်ဆွေ
Comments
Post a Comment