ကဗျာနရီနှင့်နိမိတ်ပုံ

(စာမျက်နှာ ၆၇)

စသော သဘာဝနရီများကြောင့် ကာလမှာ အဓိပ္ပါယ် ပေါ်လာသည်။ ကျွန်ုပ်တို့၏ မျှော်လင့်ခြင်း၊ မျှော်လင့်ခြင်းပြည့်ဝ၍ ကျေနပ်ခြင်းစသောနရီများကြောင့် ကာလမှာ အဓိပ္ပါယ်ပေါ်လာသည်။

ကဗျာတွင်လည်း နရီရှိသည်။ ကဗျာနရီသည် ရုပ်ဝတ္ထုဆိုင်ရာ အမူအရာတို့ကို တုပနိုင်သည်။ မိုးသံ လေသံ စက်ခုတ်သံ တို့ကို တုပနိုင်သည်။ တုပပေးခြင်းဖြင့်လည်း ထိုအသံတို့၏ နရီကို ကျွန်ုပ်တို့ ခံစားစေသည်။ ဤတွင် မြည်သံစွဲ စကားလုံးများကို ဦးတည် ပြောဆိုနေခြင်း မဟုတ်ပါ။ နရီကို ပြောဆိုနေခြင်း ဖြစ်သည်။

ဆောင့်ခဲ့လဲ မသက်သာ။

နောက်တချီ ဒီတလုံးက၊ ဖုံးလိုက်ပြန်ပါ။

မြုပ်လေပေ၊ ပေါ်မလာ၊ မဗေဒါအလှ

တလံကွာလှိုင်းအကြွ၊ ပေးလိုက်ပြန်ရ။

အထက်ကောက်နှုတ်ချက်တွင် ဆရာဇော်ဂျီသည် မြည်သံစွဲ ပြုလုပ်နေခြင်းမဟုတ်ပါ။ မြုပ်ချည် ပေါ်ချည်အဖြစ်ကို သရုပ်ဖော်နေခြင်းဖြစ်သည်။ မြုပ်ချည်ပေါ်ချည် အမူအရာကို နရီဖြင့် ဖော်နေခြင်းဖြစ်သည်။

ကမ်းချောင်းဆိပ်မှာ ထိုးဝါးဝယ်သည်

တကယ်စုန်ဖြစ်တော့မလားတော်။

ကျေးဇူး။

မှတ်ရန်များ

၁။ မြဇင် ရေးသားတဲ့ ကဗျာ့ နရီ နှင့် နိမိတ်ပုံ (၁၉၇၃ ခု၊ နိုဝင်ဘာ) စာအုပ်ထဲက ဖြစ်ပါတယ်။

၂။ ကဗျာအရေးဖြစ်လို့ ဆောင့်ခဲ့လဲ လို့ရေးထာပါသည်။ ရိုးရိုးစာအရေးအသားကတော့ ဆောင့်ခဲလည်း (ဆောင်ခဲ့ပေမဲ့လည်း) ဖြစ်ပါသည်။

၃။ နောက်တချီ မှာ စမသတ်ပါ။

၄။ ဒီတလုံး မှာလည်း စမသတ်ပါ။

၅။ တလံကွာ မှာလည်း စမသတ်ပါ။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog