စာရေးသူ - ယုဝတီမာလာသိန်း
မှတ်ရန်
အကြောင်းကံလို့ပဲထင်တယ် မဟုတ်ပါ။
ခုခေတ်မြန်မာစာသင်နည်းထဲမှာ ပုံသေနည်း ၄-၅ ခု တွေ့ရတယ်။
ဖေါ်မြူလာ ၁ = ရေတွက်လို့ရရင် တစ် - မမှန်ပါ။ ပိုက်ဆံ တပြား၊ တကျပ်၊ တမတ်၊ တဆယ်၊ တရာတန်တွေ တရားဝင်ထုတ်ခဲ့တယ်။
ဖေါ်မြူလာ ၂ = ခငဂဒေပဝ မောက်ချပါ။ ခင်-ငူ-ဂေါ-ဒေါ-ပုံ-ဝ ဝိုက်ချမသုံးရလို့အထိကတော့ မှန်သေးတယ်။ ကျန်တာတွေကို မောက်ချနဲ့ မရေးရသလို ထင်ပြီး မှားနေကြတယ်။
- ကာတွန်း၊ သတင်းခေါင်းစဉ်နဲ့ ကျောက်ပြားစာတွေမှာ အဆင်သင့်တဲ့ ရေးချကို သုံးပါတယ်။
- အဲဒီ (၆) လုံးထဲမှာ (ဓ) မပါ။ နောက်ထုတ် သတ်ပုံစာအုပ်သစ်တွေမှာ (ဓာ) လို့သာရေးခိုင်းတယ်။ မမှန်ပါ။ ဓါတ်ပုံလို့ ရေးလည်း မှန်တယ်။ ဓါ နဲ့ ဓာ မူကွဲသာဖြစ်တယ်။
ဖေါ်မြူလာ ၃ = မ နောက် ဘဲ လိုက်။ မမှန်ပါ။ ပဲ နဲ့ ဘဲ ကို အဆင်သင့်သလိုသုံးနိုင်တယ်။
- ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။ (ဇော်ဂျီ)
- သူငယ်ချင်းလို့ဘဲ ဆက်၍ခေါ်မည် ခိုင် (တက္ကသိုလ်ဘုန်းနိုင်)။
ဖေါ်မြူလာ ဖေါ်မြူလာ ၄ = ကလေးဗူးမှုတ်တာကလွဲရင် ဘူး - မှားတယ်။ ဗူးဘုရား။ ဗူးသီး။
ဖေါ်မြူလာ ၅ = နှစ်မရှိတဲ့အတွက် တ နဲ့ရေး။ ဥပမာ တယူသန် ဘဲရှိတယ်။ နှစ်ယူသန် သုံးယူသန် မရှိ တဲ့။ မဟုတ်ပါ။
ဟိုအရင်ခေတ်က ကလေးတွေ ကစားရင်းနဲ့ စုံဂဏန်းတွေကို ရေတွက်ကြတဲ့အခါ ၂၊ ၄၊ ၆၊ ၈၊ ၁၀ ကို တပြူး၊ တလံ၊ ညောင်ကန်၊ ထမ်းပိုး၊ အကျိုးလို့ ရေတွက်ကြပါတယ်။
တလံ နောက်မှာ နှစ်လံ၊ သုံးလံ စသည်ရှိပါတယ်။ အဲဒါကြောင့် နှစ်လံမရှိလို့သာ တလံလို့ ရေးရတာ မဟုတ်ပါ။ ဖေါ်မြူလာ မမှန်ပါ။
မြန်မာစာကို ဖေါ်မြူလာတွေနဲ့ သင်ကြားခြင်းဟာ မမှန်ပါ။
ပုံသေနည်းဆိုတာ ဘယ်ကစမ်းစမ်း၊ ညာကစမ်းစမ်း မှန်ရတာမျိုးကို ခေါ်ပါတယ်။
မြန်မာစာမှာ H2O မရှိပါ။
ဒီစာအုပ်ပုံနဲ့တကွ တင်တဲ့သူက ဘဲ ကို ပဲ လုပ်ထားတယ်။
AI ကို စာသားလိုချင်ပါတယ်လို့ အကူအညီတောင်းရင်လည်း ဘဲ က ပဲ လို့လာကောင်းလာနိုင်တယ်။
မြန်မာစာပျက်စီးလာချိန်မှာ မူရင်းပါစာလုံးပေါင်းသတ်ပုံတွေကို အမိန့်တော်အတိုင်း ပြင်တင်၊ ပြင်သင်၊ ပြင်ထုတ်နေကြလေရဲ့။
မူရင်း - ပြင်သူတွေအရေးအသား
တခု - တစ်ခု
ပဌမ - ပထမ
ဒါး - ဓား
ဗူး - ဘူး
ဓါတုဗေဒ - ဓာတုဗေဒ
အကြောင်းကံလိုဘဲ - အကြောင်းကံလို့ပဲ
ပန်းပန်လျက်ဘဲ - ပန်းပန်လျက်ပဲ
သူငယ်ချင်းလို့ဘဲ - သူငယ်ချင်းလို့ပဲ
ပဲတောင်သူတွေ ကျန်းမာကြပါစေ။
ပဲပဲ လို့အော်တဲ့ ဆိတ်တွေလည်း နေကောင်းကြပါစေ။
ဒေါက်တာတင့်ဆွေ
Comments
Post a Comment