အဋ္ဌမတန်းသမိုင်း

အဋ္ဌမတန်းသမိုင်းစာအုပ်ထဲက စာမျက်နှာတခုကို တွေ့တယ်။ ဗိုလ်ချုပ်နေဝင်းရဲ့ မြန်မာ့ဆိုရှယ်လစ်ခေတ်ကို အမွှမ်းတင်ထားတယ်။ လက်ဝဲအင်အားစုတွေထဲက အလံနီကို ဖေးမပြီး၊ ဗကပကို အရင်းရှင်နဲ့ ပေးစားထားတာ တွေ့ရတယ်။

အမှန်က အဲလိုဖြစ်ခဲ့တာ မဟုတ်ပါ။ မဆလကို လူထုထောက်ခံမှုများလာတယ်လို့ ချီးမွမ်းထားတယ်။ အချက်တခုက ၁၅ ရက်တကြိမ် ဂျာနယ်နိုင်ထုတ်လို့တဲ့။

ကျွန်တော် မြန်မာ့ဆိုရှယ်လစ်ခေတ်ကို ကောင်းကောင်းမီတယ်။ ၁၉၆၂ မှာ ဗိုလ်ချုပ်နေဝင်းက အာဏာသိမ်းလို့ ကျွန်တော်က ၁၄ နှစ်သား။ အတော်အတန် သိတတ်နေပါပြီ။ ၁၉၈၈ မှာ အဲဒီပါတီကို လူထုအားနဲ့ဖြုတ်ချတော့ ကျွန်တော်အသက် ၄ဝ တိတိ။ အကောင်းအဆိုးကို ကောင်းကောင်းကြီး သိပြီ။

အဋ္ဌမတန်းသမိုင်းစာအုပ်ထဲက ပုံထဲပါအချက်အလက်တွေဟာ ဘက်လိုက်ပြီးရေးထားတာဖြစ်တယ်။ သမိုင်းရေးနည်း မဟုတ်ပါ။ ကျောင်းပြဋ္ဌာန်းစာအုပ်ဆိုတာ အလွန်မတန်သတိကြီးကြီးနဲ့ သမာသမတ်ကျကျသာ ရေးသင့်တယ်။ ဗိုလ်ချုပ်နေဝင်းခေတ်ကို ဒိထက် ဓမ္မဓိဋ္ဌာန်ကျအောင်ရေးလို့ရပါတယ်။

အစိုးရအတော်များများဟာ အလိုကျတဲ့သမိုင်းမျိုးကို ရေးခိုင်းပြီး၊ ကျောင်းသုံးအဖြစ်လည်း ပြဋ္ဌာန်းတတ်ကြတယ်။

ဒီသမိုင်းကိုတော့ သဘောမတူနိုင်ပါ။

ဒါပေမဲ့ ဒီလိုသမိုင်းကိုသင်ယူပြီး ပါရဂူဘွဲရထားသူတွေ ဒုနဲ့ဒေး များနေပြီ။ သူတို့က နားဝင်ကြမှာ မဟုတ်။ အမှန်ကို သိမြင်ကြမှာမဟုတ်။

သမိုင်းလည်း မမှန်။ မြန်မာလည်း မမှန်တော့ပါ။

အခုခေတ် မြန်မာနိုင်ငံဟာ အဲလိုရေခံမြေခံဆိုးကနေ ဖြစ်လာတာ။

ဒေါက်တာတင့်ဆွေ

၁-၆-၂၀၁၇

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog