တွင် နဲ့ မှာ

 

(ဟထိုး ပျောက်​အောင်လုပ်​နေကြသူများအတွက်)

စကားပြောဝါကျမှာဆိုရင် တွင် နဲ့ မှာ ဘယ်လိုသုံးရမလဲ ဆရာ

ပြန်စာ

တွင်

- ကြာပွင့်တွင်ပါသော အက္ခရာရှစ်ပါ။

- ဂျပန်ပြည်သည် တရုပ်ပြည်တွင် ဝင်ရောက်စွက်ဖက် တွင်ကျယ်နေခြင်းမှာ

- ညညကို တွင်တွင်ရေးရသည့်အတွက်

- တရားသာ တွင်အောင်ဟောပါ။

- ပြောစမှတ်ပြုအပ်သော စကား၏လောက၌ တွင်ကျယ်၍နေသောကြောင့်

ဖယောင်ပုံကို တွင်ဖြင့် ပွတ်ထိုး အချောကိုင်ပြီးနောက်

- လူတွင် ငါးသာအမြတ်အထွတ်

- လူတွင်ကျယ်မလုပ်ပါနှင့်

- သည်ထုံးအတိုင်းလည်း တွင် ရှိပါသည်။

- အလုပ်အကိုင်များမှာ တစုံတရာပြောစရာမရှိ တွင်ကျယ်လျက်ရှိသောကြောင့်

- အုပ်သွေးများကို ဓားငယ်နှင့်ထိုးလုတ် တွင်နှင့်စုတ်သကဲ့သို့

- ဤကျမ်းစာလျှင် ငါးထောင်ရည်ညွှန်း၊ တည်စိမ့်ထွန်းသည်၊ မောကွန်းတွင်လိမ့်မည်။

မှာ

- ကျွန်မမှာမိန်းမသား

- ကြိုင်ရှားသီတာ ရွေခပ်ရာမှာ၊ ရုပဝါထူးထွေ၊ ရွှေရွှေပုထိုး၊ ပြိုးပြိုးပြောင်ပြောင်

- ဂျပန်မှာ အလုပ်လုပ်ချင်တဲ့ မြန်မာလူမျိုးတွေအတွက်စာပါး၍ လူကိုမှာသည်

- ညနေ ငါးနာရီထိုးသည့်တိုင် စကားဝိုင်းမှာ မပြတ်သောကြောင့်

- နန်းကျောင်းအရှင်ဘူရား မှာတော်မူသည်။

- နေရာတိုင်းမှာ

- ပျို့မှာတမ်း

- ပြောမှာသာ ပြောစမ်းပါ

- ဘယ်တော့ လာမှာလဲ

- မင့်မှာ ပိုက်ဆံကျန်သေးလား

- မှာတော်ပုံ

- ရန်ကုန်မှာ မိုးရွာလား

- ရပ်ကွက်အချို့မှာ

- ရှိနေမှာပါ

- လက်ဆောင်ကိုခံ၍သူ့မှာလည်းမကူ၊ တို့မှာလည်းမကူ။ ကုလား၊ ဒု။ ၅၅။ 

- လမ်းမှာမျက်နှာချင်းဆိုင်

- လောက်မှာ သည်ကဲ့သို့သောသူများ ရှိပေသေးသည်။

- သွားအုန်းမှာလား

- သူ့ကိုဟူသောအနက်ထက် သူ့ထံမှာဟူသော အနက်ကို ထင်ရှားစေသည်။

- သူ့မှာ စာအုပ်တအုပ်ရှိသည်။

- သူဘယ်မှာလဲကွယ်

- အပြားပြားနှင့် မှာပါးမှာထူ မဟူရပဲ

- အမြင့်ဆုံးမှာ ထားချင်တယ်

- အမှာစာရထားပြီ

- အမေမှာတဲ့ ဆန်တခွဲ သုံးစိတ်နဲ့မလဲ

မှာ¹ – ကြိ / မှာ / ၁။ တစုံတဦးအား မိမိအတွက် နောင်အခါသို့မဟုတ် အခြားတပါးအရပ်၌ ဆောင်ရွက်ပေးရန် တာဝန်ပေးအပ်လိုက်သည်။ တစုံတဦးအား ရောက်လာရန် သို့မဟုတ် တစုံတရာပေးပို့လိုက်ရန် စေဇော်အကြောင်းကြားသည်။ “စားပါရ်၍ လူကိုမှာသည်။” ထပ်။ ဂ၃။ “ခေါက်ဆွဲများမှာ၍ စားကြပြီးသော်။” ရူ။ ၉၊ ၉၇။ ၂။ နောင်လူတို့ သတိပြုလိုက်နာဖွယ်ရာ ညွှန်ပြထားခဲ့သည်။ “နန်းကျောင်းအရှင်ဘုရား မှာတော်မူသည်။” ဝေ။ ပ။ ၂၇။

မှာ² – ဝိ / မှာ / ၁။ နေရာပြဝိဘတ်။ တည်နေရာ သို့မဟုတ် တည်ရာဝတ္ထု၊ လက်ခံပိုင်ဆိုင်ရာပုဂ္ဂိုလ် စသည်ကို ဆက်စပ်ညွှန်ပြသော စကားလုံး။ “လောကမှာ သည်ကဲ့သို့သောသူများရှိပေသေးသည်။” ဥတ္တမ။ ၂၂။ “သူ့မှာ စာအုပ်တအုပ်ရှိသည်။” (ကတ္တားမပါပဲလည်း သုံးလေ့ရှိသည်။) “လုင်ကန်တောင်းရေး၊ မှာပြေးမှာဝန်း၊ မှာသွန်းဟန်ပြု။” သံ* ၁၆ဂ။ “အပြားပြားနှင့်၊ မှာပါးမှာထူ၊ မဟူရပဲ။” ဘုံ* ဂ၉။ ၂။ ကတ္တားဝိဘတ်။ တစုံတခုသော အပြုအမူ၊ အဖြစ်အပျက်၊ ကြိယာတမျိုးမျိုးနှင့် တစပ်တည်း ပြုမူဖြစ်ပျက်သော သဘောကို ဆက်စပ်ဖော်ပြသော စကားလုံး။ “ကြိုင်ရှားသီတာ၊ ရွှေခပ်ရာမှာ၊ ရုပ်ဝါထူးထွေ၊ ရွှေရွှေပုဆိုး၊ ပြီးပြီးပြောင်ပြောင်။” သူဇာ* ၁၉၁။ “ညနေ ငါးနာရီထိုးသည့်တိုင် စကားဝိုင်းမှာ မပြတ်သေးသဖြင့်” ရူ။ ဂ၊ ၉၅။ ၁၁၉။ ၃။ ကံဝိဘတ်။ တိုက်ရိုက်ကံသဘောထက် တဆင့်ခံကံသဘောကို ထင်ရှားစေသော ကံဝိဘတ်။ “လက်ဆောင်ကိုခံ၍ သူ့မှာလည်းမကူ၊ တို့မှာလည်းမကူ။” ကုလား၊ ဒု။ ၅၅။ (သူ့ကိုဟူသော အနက်ထက် သူ့ထံမှာဟူသော အနက်ကို ထင်ရှားစေသည်။)

မှာ³ – စည်း / မှာ / ၁။ အနာဂတ်ညွှန်းပစ္စည်း။ အနာဂတ်ကာလညွှန်း “မည်” နှင့် အပြုခံ ကံညွှန်း “ကို” တို့ကို တချက်တည်းနှင့်အပြီး ပေါင်းစပ်ရာ၌သုံးသော စကားလုံး။ “ပြောမှာသာ ပြောစမ်းပါ။” (ပြောမည့်ဟာကိုသာ ပြောစမ်းပါ ဟု၍ ဆိုလိုလျက်၊ မည်+ဟာ မှ မဟာ၊ မှာ၊ ဟူ၍ ပြောင်းလဲလာသည်။) ၂။ အနာဂတ်ညွှန်းပစ္စည်း။ အနာဂတ်ညွှန်း “မည်” အစား၊ ကြိယာနောက်တွင် ဆက်၍သုံးသော စကားလုံး။ “ဘယ်တော့ လာမှာလဲ။” “သွားအုန်းမှာလား။”

မှာထား – ကြိ / မှာထား / ၁။ တစုံတဦးအား တစုံတရာပြုမူဆောင်ရွက်ရန်၊ စာ၊ နှုတ်၊ လူကြုံ စသည် တနည်းနည်းဖြင့် ကြိုတင်ပြောကြားသိစေသည်။ ၂။ ကိုယ်တိုင်ရောက်လာရန်၊ တစုံတရာကို ပို့ဆောင်ရန်၊ တစုံတဦးကို စေလွှတ်ရန် စသည်အတွက် အကြောင်းကြားသည်။ ၃။ နောင်လူတို့ သတိပြုလိုက်နာဖွယ်ရာ ညွှန်ပြထားခဲ့သည်။

မှာ ကို မာ လို့ရေးသူတွေ၏ဖုန်းကီးဘုတ်မှာ ဟထိုးပါသဖြင့် အညံ့စားသာဖြစ်၏။ ဖုန်းသာမက မြန်မာစာလည်းညံ့ကြကုန်၏။

မှ နှင့် မှာ https://burmese-spelling.blogspot.com/2023/08/blog-post_169.html 

ဒေါက်တာတင့်ဆွေ