အမှိုက်တစ

မက်စင်ဂျာကနေ ပုံတခုပို့ပြီး တ နဲ့ တစ် အသုံး မှားနေတာကို ထောက်ပြပါတယ်။ ပုံထဲကစာမှာ အမှိုက် တစ်စမြင် တစ်စကောက် တဲ့။

ကျွန်တော်က မြန်မာအဘိဓာန် အကျဉ်းချုပ် (၁၉၇၉) ကို သက်သေပြမည်။

တစေ - ကြိဝိ / ဒဇေ / ၁။ [ပေါ်] ဝင်စင်။ ဧကန်။ “ကြောင်းခြင်းထွေသာ ဓမ္မဓူတာလျှင် သေချာတစေ လျှောက်ထားလေ။” ခေတ်စမ်း၊ ၉၇။ ၂။ အမြဲမပြတ်။ မပြတ်မလပ်။ တရစပ်။ “တောက်လောင်၍ တစေ ကမ္ဘာအဆက်ဆက်နေသော မီး မသေ။” စတု၊ စ၊ ၂၆။

တစေတစောင်း - ကြိဝိ / ဒဇေဒဇောင်း / ဒဇီဒဇောင်း / တိုက်ရိုက်မဟုတ်။ တည့်တည့်မဟုတ်။ မသိမသာ။ “ဘိုးအေးအား အပြင်ဘက်ကို တစေတစောင်း အကြည့်ခိုင်းပြီး။” လေရူး၊ ၁၀၅။

တစိတစိ - န / ဒဇိဒဇိ / ၁။ အနည်းငယ်။ “ပဥ္စာလမင်းသည် တစိတစိ မျှ အမျက် မထွက်ဘဲ။” တိပု၊ ၁၀၂။ ၂။ တစုံတခု။ “မင်းကြီး၊ ထိုသူခိုး ပုဂ္ဂိုလ်အား ဗေဿန္တရိဿဟု ဆိုတော်မူအပ်သော စကားသည် တစိတစိလက္ခဏာသဘော ရှိ၏။” မိလိန္ဒ၊ ၂၇၂။

တစင်ထောင် - ကြိ / ဒဇင်ထောင် / သီးသီးခြားခြား လုပ်ကိုင် နေထိုင်သည်။ “နတ်သျှင်နောင် ရှင်သံခိုတို့၏ အာဘော်သို့လည်း မလိုက်ဘဲ တသီးတခြား တလမ်းတစင်ထောင်၍ ဖွဲ့နွဲ့သည်။” စာသမိုင်း၊ ၂၀၈။

တစောင် - န / ဒဇောင် / တဘက်တချက်။ တနေရာရာ။ “ကိုယ်တစောင်း” (အောက်ခြေစာသား ဖြတ်တောက်နေသဖြင့် အနက်အဓိပ္ပာယ်တွဲဖတ်ရန်)

တစပ်တည်း - ကြိဝိ / ဒဇပ်တည်း / တလျှောက်တည်း။ တဆက်တည်း။ “ထိုရေထုနှင့် လောကန္တရိတ်ရေသည် တစပ်တည်း တဆက်တည်းဟု မှတ်လေ။” လောကလင်း၊ ၆ဂ။

တစိမ်း - န / ဒဇိန်း / သူစိမ်း- န၊ ရှု။ “တစိမ်း သက်သက် ဖြစ်စေကာမူ၊ ဆွေမျိုးထက် ခင်မင် တတ်ကြတယ်။” ဝိမလ၊ ၉၉။

တစိမ်းတရံဆံ - န / ဒဇိန်းဒရံဆန် / သူစိမ်းတရံဆံ - န၊ ရှု။

တစိမ်းပြင်ပြင် - န / ဒဇိန်းဗျင်ဗျင် / သူစိမ်းပြင်ပြင် - န၊ ရှု။ “အချင်းချင်းတစိမ်းပြင်ပြင် ဖြစ်ခဲ့ရ သည်ကို။” တင်းစာ။

တစုံတခု - န / ဒဇုန်ဒခု / အမှတ်မထင်သော၊ တပ်အပ်သေချာ မသိရသော အရာဝတ္ထု၊ အကြောင်းကိစ္စ။ “တစုံတခုသော အကျိုးကိုမျှ ပေးခွင့်မရ။” လက်ဝဲ၊ ၆၅။

တစုံတယောက် - န / ဒဇုန်ဒယောက် / တပ်အပ်သေချာ မသိရသောသူ၊ တဦးတယောက်။ “စစ်သည် ရဲမက်တို့ ပစ်လွှတ်သော လက်နက်သည် တစုံတယောက်ကိုမျှ မထိခိုက် စေရ။” နာ၊ ၄၁၁။

တစုံတရာ - န / ဒဇုန်ဒယာ / တပ်အပ်သေချာ မသိရသောအရာ။ “အကြောင်းတစုံတရာကြောင့် ရုတ်တရက် ထိခိုက် နာကျင် ပေါက်ကွဲတတ်သည်။” ပြုစု၊ ၃။

ဒုတိယပုံပါ စာသားများ (ဘယ်ဘက်စာမျက်နှာမှ ညာဘက်စာမျက်နှာ)

တစတစ - ကြိဝိ / ဒဇဒဇ / တဖြည်းဖြည်း။ နည်းနည်းချင်း။

တပြင် - န / ဒဇဗျင် / သုဿန်ကောင် မြေပြာ အရပ်။ သုသာန်။ သင်္ချိုင်း။ “တပြင်၌ သူကောင်လွှမ်းသောသုဆိုးကိုသာ ယူတော်မူ၍ ပုံသဏ္ဌာန် သုံးဆောင်မြဲတည်း။” ကုလား၊ ပ၊ ၂၇၁။

တစာစာ - ကြိဝိ / ဒဇာဇာ / မပြတ်မလပ် စူးရှသော အသံကို ပြုလျက်။

တစိ - န / ဒဇိ / အနည်းငယ်။ “တစိမကျန်၊ မှန်သည်ကိုသာ လျှောက်တင်ပါအံ့။” ကုသ * ၄၉။

တစိစိ - ကြိဝိ / ဒဇိဇိ / ၁။ (အသံ) အဆက်မပြတ် ဆူညံစွာ။ “ရွာထိပ်ဆီမှ ခွေးသံ တစိစိ ဖြစ်သွားသည်ဟု။” လေရူး၊ ၄၅။ ၂။ (အမြှုပ်၊ သွေး၊ စသည်တို့) အဆက်မပြတ် ထွက်လျက်။ “အကယ်၍ အနာရှိသောနေရာ ဖြစ်ခဲ့လျှင် အမြှုပ် တစိစိ နှင့် ပုပ်သော အရည်များ ထွက် လာ တတ်သည်။” ကူးစက်၊ ၁၀၃။

တစူးတစား - န / ဒဇူးဒဇား / မိမိထင်ရာကို စွတ်လုပ်တတ်ခြင်း။ “ဒီအဖိုးကြီးကလဲ တစူးတစား သူထင်ရာလုပ်တာ။” သင်းကြံ၊ ၉၈။

- ကြိဝိ / ဒဇူးဒဇား / မိမိထင်ရာကို စွတ်လုပ်လျက်။ “ဉာဏ်ထုံ့ထိုင်းသလောက် စိတ်ကလည်း တစူးတစားနိုင်လှသေးသည်။” ရှု၊ ၈၊ ၉၂၊ ၁၂ဂ။

တစောင်း¹ - ကြိဝိ / ဒဇောင်း / ၁။ နံပါးဖြင့် လျောင်းလျက်။ “မြင်းနံစောင်းဝယ်၊ ဘယ်ညာ တစောင်း၊ တဖျင့်ပြောင်းလျှင်။” တန်ရု * ၂ (၃)။ ၂။ တည့်တည့်မတ်မတ်မဟုတ်။ တူရူ မဟုတ်။ စောင်းစောင်း။ စွေစွေ။ “ချင်းစပ်စပ်ချင်း၊ တစောင်းငုံ့ကြည့်၊ လည်လှည့်လာသွား။” ဘလ္လာ * ၇၂။

တစောင်း² - န / ဒဇောင်း / ရှားစောင်း-န၊ ရှု။

တည်း - န / ဒီး / တံတည်း-န၊ ရှု။ “စောင်းထောင်ကြည့်စိန်း၊ ရဲထိန်စို့၊ ကြောက်မိန်းမူးဝေ၊ တည်းရွှေသော၊ မဲသေတတ်လျှင်း၊ အရှိုးကြွင်း၍။” ရာသီ * ၁၂၇။

တည်းတလုံး - ကြိဝိ / ဒီးဒလုံး / ညီညီညွတ်ညွတ် ပူးပေါင်းလျက်။ “တပဲ့များစွာတို့က ဆရာကြီးနှင့် တည်းတလုံး ပေါင်းရုံးမကွေ… အမြဲဆည်းကပ် နေထိုင်ပါမည့် အကြောင်းနှင့် ခွင့်တောင်းကြပြီးခါ။” ဒေါင်းသစ်၊ ဂ၅။

တစိတ် - န / ဒဇိတ် / ၁။ လေးပုံလျှင် တပုံရှိသော ပမာဏ။ ၂။ ပဆတ်ပဆတ်တွင် ကြွေတစေ့မှောက်၍ ငါးစေ့လန်သော အနေအထား။

တစိတ်တဒေသ - န / ဒဇိတ်ဒဒေသ / အနည်း အကျဉ်း။ အချို့။ “ထိုဒေသနာစကားသည် တစိတ်တဒေသ အားဖြင့် မှန်ပေ၏။” သာသန၊ ၃၀၄။

တစိတ်တဝမ်းတည်း - ကြိဝိ / ဒဇိတ်ဒဝန်းဒည်း / သဘောချင်း ထပ်တူထပ်မျှ။ စိတ်တူသဘောတူ။ တသဘောတည်း။

တစပ်တည်း - ကြိဝိ / ဒဇပ်တည်း / တလျှောက်တည်း။ တဆက်တည်း။ “ထိုရေထုနှင့် လောကန္တရိတ်ရေသည် တစပ်တည်း…” 

ဒါပေမဲ့ တစ်သမားတွေကလည်း ပေါ်လစီသတ်ပုံကျမ်းကို သက်သေထူကြမည်။

အရေအတွက်အရ ကျွန်တော်က ၁ သူတို့က တကုဋေမက ပိုများသည်။ ထို့ကြောင့် နည်းသူရှုံး၏။

မြန်မာစာကို မဲခွဲနည်းနဲ့ အမှန် အမှားဆုံးဖြတ်ပါက မှန်တဲ့ဘက်က ခွက်ခွက်လန်အောင် ရှုံးမည်။

"အမှိုက်ကစ ပြာသာဒ်မီးလောင်"

ဒေါက်တာတင့်ဆွေ